صباح \مساء الخير

:)

دايخه وايد و اليوم الوضع النفسي كان خطير

كنت معزومه على استقبال رفيجتي و كنت بزور يدتي

بس تعرفون الاحساس اني ابي اروح

و ابي اوجب البنت و ابي اشوف يدتي

بس مالي خلق اسوي اي شي منهم

فقلت حق امي و طلعنا تمشينا شوي

ولما ردينا تعشيت و قررت اشوف فلم تايتنك 2

  والله من الحجي اللي سمعته ان جاك يرجع  بس  ماصار

بس الفلم كان وايد عادي و احسه نفس الاول

القصة

:: ..

تدور احداث الجزء الثاني من افضل افلام التاريخ TITANIC هذهـ المرة في العام 2012 ميلادية , اي بالتحديد بعد 100 عام من غرق السفينة الاكبر في التاريخ تايتانيك في العام 1912 ميلادية .

حيث خلال الاحتفال بمرور 100 عام على غرق السفينة و فقدان من كان فيها , يبحرون بالسفينة الجديدة Titanic 2 و القدر يحدث لنفس السفينة , حيث في رحلتها  ليحصل تسونامي وسط البحر وتصطدم بجبل جليدي لتحصل نفس الامور

يلا نوم تايم

 

sweet dreams

 

اشوفكم على خير :)



قعده مع نفسي

مرات الواحد يبي يقعد بروحه يراجع الاحداث اللي مرت بحياته

مرت فتره طويله قطعت عنكم ادري

وقطعت وايد اشياء

مرات يكون مالي مزاج اتكلم عن روحي

واعيش روتيني عادي

بس اليوم قعدت افكر بالسنتين تقريبا اللي فاتو

انا وايد تغيرت فيهم

شخصيه الواحد وايد تتغير بعد تخرجه من الثنوي

يحس ان كبر و ان لازم يسوي اشياء وايد

باجر دوامات يمكن عشان جذي احس جو البيت هادي

واقدر ابطل شموعي و اقعد بهدوء

الفتره الاخيره سمعت وشفت وايد مشاكل صارت حق ناس اعرفهم

و شي طبيعي انها بتاثر فيني ولو شوي

وايد يقولون اني تغيرت بس انا تغيرت من الظروف

والناس اللي اشوفهم

شي حلو لما يكون عندك ناس تثق فيهم و يهتمون فيك

بس لما فجاه تشوف انهم موقد هالثقه بتنهار طبيعي

ولما تشوف شخص عزيز عليك مجروح طبيعي بتتألم معاه ويمكن اكثر منه

اذا خطبني واحد ورفضته مو معناته اني مابي اتزوج

ليش في ناس تكبر الامور وايد و تتحجى وايد

وبالنهايه اللي صار صار

اتمنى هالكورس يكون حلو و مع اني خذيت صيفي 

بس هم ودي اداوم 

اشغل وقتي و اسوي شي مفيد

عاد تدرون انا كل شي يحلالي بالدوام 

وايد اشياء مافكر اسويها بالعطل

يلا شدو حيلكم جميعا 

ونوم العوافي انشالله 

اشوفكم على خير :) 





مساء الخير

مساء الخير

طبعا ما بقى شي عالدوامات و الابتدائي مساكين داومو و احس فيهم حقد علينا

اخوي الصغير كل يوم يدش البيت سيده المطبخ ويقول يلا وين الغدا

لووول

انا حاليا احس بملل وماني عارفه شسوي يا يكون عندي اكثر من شي بنفس الوقت

او اني اكون فاضيه ومادري شنو اسوي

ياحلات ايام رمضان والله

يالله نشوف شخصيه كل واحد فيكم :p

أختر الرمز المناسب لك من أسفل

*

<

>

@

0

:

!

?

$

&

#

\

النتائج :

* = تتسلى لا تحب

< = حبيب

> = مزاجي

@ = سوس 0

> = غتيت :

برئ = :

! = دلوع

? = كذاب

$ = مصلحجي

& = عسل

# = مبتسم

\ = أناني

وبما ان رمضان خلص و صار وقت المسلسلات التركيه

 

 

 

ونشوفكم على خير

في مسلسلين اطالعهم  العشق الممنوع و الشهره

صباح الحب

شلونكم

قمه القهر لما اقعد مبجر عشان اطلع مع ناس و يمشون عني :@

بس انا مابي انقهر من صباح الله خير

و المصيبه طاااااااارت النومه خلاص شينومني الحين :p

في موضوع متعبني صارله فتره و قامتته بقلبي

بقولكم عساس تقولولي شسوي

في وحده رفيجتي و اعرفها من زمااااان من الثنوي

بنهايه رمضان صارحتني برمضان بموضوع على قولتها

حريه شخصيه

صدمتني انها ماتصلي ولا تصوم و لا تعترف بالدين 

انا تنحت شوي كلمت رفيجاتي بعضهم اللي كانت شاكه 

المهم انا للحين مومستوعبه 

و المصيبه انا قريبه منها و تقريبا كل يوم اكلمها 

و السالفه صارلها سنه مادري شلون ماحسيت 

كلمتها وايد بس توصل لدرجه انها تتمادى بكلامها فما 

احب اكمل معاها والحين فتره ماكلمتها 

وكل ما ابي اكلمها او مجرد افكر فيها تحوشني كابه 

ولا ودي اخليها بحاول كثر ما اقدر مايهون علي اهي رفيجتي 

و السبب انا عارفته اهو ضغط اهلها عليها 

بالحجاب الطلعه ملتزمين زياده شوي 

والبنت 24 ساعه قاعده بروحها عالنت 

ماتحتك بالناس 

قولوولي شسوي :( 



وداعا رمضان

مسااااء الخيرات

عيدكم مبارك مقدما

هالسنه رمضان كان غير  و ماشاء الله بسرعه خلص

انا اقولكم ليش غير لاني انا ملووكه دشيت المطبخ و بدعت فيه

والله والله عشر مرات انا مسويته بيدي :p 

هذا متبل ايراني اول مره اسويه

و الكل قال عنه لذيذ الحمدلله :p

وهذي فطاير داخله دياي و خضار

كان ناقصه شوي ملح :p

ترا بس شوي لووول

السمبوسه سويت اكثر من نوع

جبن , مشروم ,بطاط

اكثر شي عجبهم المشروم 

و السمبوسه قصتها قصه لما نلفها انا و اختي اهي تسوي شكل وانا

شكل بس مو اضح بالصوره هني

كنافاتي حبيباتي

لالا تعلقون قبل لا تذوقونهم لووول

عجبتهم وايد و سويتها اكثر من مره

القطايف

المحشي

شورما دياي بس الصوره مو واضحه

الفطاير اللي لازم كل يوم نسويهم

شفتو شلون انا خوش وحده :p

و ما اعذبكم و انتو صايمين مثل غيري

و قبل وداع شهر رمضان

اقول لكم كلكم

اسفه على كل كلمه

اسفه على كل نظره

اسفه على كل اساءه

اسفه عللا كل وعد اخلفته

اسفه على كل سر افشيته

اسفه على كل ظن ظننته

اسفه على كل تقصير مني

اسفه على كل شي قلته او ما قلته

:)

و كل عام و انتو بألف خير

صرخه حبست باعماقي

دمعه تحجرت في عيني

ضحكه ضاعت بألمي

احساس ضاع في نفسي

قمر اظلم عمري

طائر بريء حط على جرحي

حلم جميل نسيته بنومي

ملاك

همسه : نحن لا نختار من نعيش معهم و لكن

نختار من لا نستطيع العيش بدونهم ...