الأحد، 31 أغسطس، 2008

كل عام و انتو بخير


مبارك عليكم الشهر



ان شاء الله هالسنه رمضان يكون احلى من السنه اللي فاتت


الصراحه السنه اللي فاتت ماعجبني شي من المسلسلات اللي انعرضت احس ماتلوق

تنعرض برمضان



و الله يعينا على صيامه و قيامه ان شاء الله :)





كل عام و انتو الى الله اقرب

السبت، 30 أغسطس، 2008

حادث بسيط ...:(

مساء الخير جميعا ... :)
أول امس طلعت مع اخوي الصغير وديته الجمعيه عاد ابوي كان توه مصلح السياره
عاد بطريج الرده احم احم دشيت بطوفه :(
الحمدلله عدت على خير زين اخوي ماتعور بس المشكله الاكبر ان اخوي هاذا فضيحه
انا صار جذي قمت ابجي جني ياهله و لما ردينا البيت طبعا نشر الخبر فشلني :(
و السياره شوي تكسرت و شوي قامت تنزل دهن :s
و الحين جاري البحث عن سياره :D
ناويه اخذ سياره مستعمله و اكسرها على كيفي :p
شنو تنصحوني اخذ ترى ماعندي خبره بهالسوالف :(

الثلاثاء، 26 أغسطس، 2008

لابتوبي..



سوني فايو






احبه خاطري فيه من زمان ...




و لما رحت بشتريه .....:(




كان عاجبني اللون الوردي منه رحت الغانم و قالولي ماكو غير الاحمر و الاسود و الجلد و الذهبي






قلت يلا ما عليه الذهبي توني ادري عنه وعجبني شكله وايد قلت خلاص باخذه




جان يقولي للاسف مخلص تحبطت مره ثانيه :(




قتله خلاص عطني الاحمر و الصدمه ان هم بعد مخلص و قالي كل الالوان مخلصين




@@




انا دمعتي بعيني جان ابوي يقولي خلاص مره ثانيه جان اقوله لا يبا ابي الحين الحين




جان البياع يقولي الذهبي عارضينه من نص ساعه بس اذا تبينه




جان اقول خلاص بعد شسوي عطني اياه




دفعت و رحت اشوف اشياء ثانيه بعدين استوعبت ان ضاعو مني عشرين دينار لوووووووول




كلا من حنه اخوي طول الوقت يقولي بس نرجع البيت تعطيني لابتوبج القديم و الكمبيوتر عطيه حق اختي ارضى >> لازم راي الامير




عاد صج صج صدمات يومها




بس بالنهايه شريت الذهبي و دش خاطري و مرتاحه معاه :)




بس القهر ان عقبها بأسبوع تقريبا اختي قالت بتشتري رحت معاها جان اشوف الوردي :( و اهي خذته يلا ماعليه :p


الأربعاء، 20 أغسطس، 2008

بعرفكم على ولدي ....







صج صج الجنه تحت اقدام الامهات لان التربيه و الاهتمام بالصغار عذاااب










وا نا ولدي بعد الله يهديه شيطان مومثل عيال الناس










بس نسيت اقولكم جم عمره ممم صارله جذي يمكن تسع اشهر










حلو و حبوب مثل امه :p بس الحين حاس ان كبر و مو بحاجتي :(










وي نسيت اقولكم ان اهو مو ولدي الصجي انا متبنيته










بالأصح اهو مو انسان لوووووول اهو طير كروان احب اربي الكروانات بس هااذا آخر واحد عندي






حده عنيد و الحين جناحه صاير طويل كل ما اشيله يطير و يروح فوق الكبت






و اخاف اقص جناحه بعدين يكرهني نسيت اقولكم اسمه



زوبا




بس اليوم معاقبته ما طلعته من القفص و يدري ان غلطان لان مو قاعد يناديني اليوم صاير مؤدب :p


بس كسر خاطري :(

الثلاثاء، 19 أغسطس، 2008

تجرعت السم





ذقت سموما على يداك حتى صار السم لا يقتلني صرت اعيش آلامي بلا راحه عذاب بعذاب
جحود الناس أهلكني قلبي لطالما كان صفحه بيضاء قبل ان تصل إليه ايديهم ليلوثوه بدمائه
كم غمرتهم بحناني و هباءا هباء


لست اطلب سوى ذكرى طيبه تلغي معنى الانانيه التي شهدتها فيهم
مابالهم ؟؟
الطيبه اصبحت ذنب يعاقب عليه الناس بالطعن
لماذا ؟
لم احقد لم اكره لم اخون
لِما أتجرع السم منكم اذا ؟
انا ؟ و من عدت انا بقاموسكم ؟
كنت جرح و غدوت سكين بأعينكم ...
إلهي ألهمني صبرا يَعني على حياتي الجريحه



...ملاك ...

السبت، 16 أغسطس، 2008

مو طبيعي !!

امس و انا رايحه الممشى قلت من زمان مارحت عشان الجو و مايصير جذي انا بلبيت ماسوي رياضه وايد عاد قلت الممشى و ناويه ارد النادي بس لازم اساحل امي :P
كنت امشي شاده حيلي شوي و الا اتعب ماتعبت من المشي تعبت من الحررررررررررر امبي مو طبيعي
يعني شنسوي بنغير جو مانقدر نروح مكان غير المجمعات ؟؟!!
تدرون شنو الحل
لازم يسكرون الكويت كلها عشان نقدر نرتاح :P
عاد اانا كنت هاده شغلي وولدي >> اقولكم عنه المره اليايه :P
مضحيه بكل شي عشان ترجع لياقتي بس الظروف ضدي :(

الاثنين، 11 أغسطس، 2008

غدوت جريحه

لا أعلم مانذبك يا قلمي و لم هجرتك و ادعائي بأنك مكسور كقلبي ...

جريحه نعم كأي فتاة انتظرت فارسها و تأخر عنها كثيرا لالا ... بل كأي فتاة ذبحوا احساسها البريء بكل قسوة ليكتبوا عنها تهم تحرك لها احساس العدم ...

لتحل عليها لعنة الايام لا أعلم لما تتجرأ الافكار المجنونه على قلبي الضعيف .....؟!

نعم ضعيييييييييف... ضعيف ... ضعيف ...

لم يعد يحتمل جرح جديد و لا حتى اي نبض كل ما تمناه قلبي هو السكينه و الرقود بكل هدوء ...عالم خيالي من أحلامي الوردية ... فقط ..

يهرب !! نعم لا يحتمل المزيد من قسوة الايام ليست الايام فقط انهم الناس الذين احبتتهم نعم هم اكثر ناس جرحا لقلبي ...

يالجحودهم (( احبابي )) لطالما كتمت آلامي و لم احكيها كنت عليهم أخفيها حتى انشلت كلماتي عن التعبير عن مدى القسوة ...

أعلم انكم لن تقرؤا سطوري و عودة قلمي الذي فشل بأن يكتب عن اشنع الجرائم نعم انه الوفاء هو من منعني عن ايذائكم و لو بقلم لا يقرأه سواي ...

اقتلوني ...... اجرحوني ......... اشتموني ........

لكن لن تستطيعوا ان تقولوا اني جرحتكم يوم لن تستطيعوا ان تنكروا حبي و صدقي ووفائي و بهاذا سوف تسقط أقنعتكم كلها تحت قدمي سألتقطها بيدي النازفه كي لا يتجرأ احد ان يسخر منكم فأنا اعلم مهما كثرت طعناتكم لي اني بيوم ما كنت رجائكم الوحيد ولو لحظات و قتها فقط احببت كل شي حتى الحب نفسه و صالحت كل جروحي و آلامي


لكن فلتعلموا ان ضعف هذا القلب الذي ترونه قوة لن تبلغوها مهما فعلتهم ...
كطائر جريح أعيش


ملاك
بين شياطين آدميه

الأربعاء، 6 أغسطس، 2008

انجاز...

اليوم صارت معجزة خل اقولكم سالفتي من الاول عشان تعرفون ليش اقول عنها معجزة انا توني من شهر و ااسبوع تقريبا طلعت الليسن و خذيته بعد حنه مو طبيعيه طبعا انا صفه العناد مايتلي الا عقب التخرج >> النا تتخرج تكبر و تعقل وانا العكس :p المهم عقب الليسن مو معناته سيافه عندنا لأن اهلي يخافون علينا وايد ؛ المهم اني تفهامت مع ابوي و حنيت شوي :p و قام يخليني اسوق عالخفيف و امي ماكانت تجازف تركب معاي بس الحين لا قامت تركب صارلها مرتين ثلاث و خوافه وايد ؛ بس المهم ان الحين صار تطور كبير من ناحيتها
اليوم خلتني اودي اختي بيت يدتي و طبعا اهي يمي ماتخليني اطلع بروحي عقبها تدرون اصار قالتلي ديري بالج تروحين حق اختج اذا دقت عليج خلي ابوج يروح معاج او نطريني لما ارجع تتوقعون انا اسويت ؟؟!!؟؟

لا لا تظلموني انا مازعل امي كلش قتلها ان شاء الله :)

قعدت ادور شي حلو بالتلفزيون شوي و الا يرن تلفوني و الا اختي قالت تعالي اخذيني قتلها اوكي ويت اقول حق ابوي و نيي

ملاك : يبا اختي دقت تبي ناخذها من بيت يدتي ... يلا نروح ؟؟

الغالي : اي يلا لبسي عشان تييبينها

ملاك : ان شاء الله

الغالي : للحين ما خلصتي ؟

ملاك : امبلا يبا بس ناطرتك

الغالي : روحي بروحج ييبيها

ملاك : @@

الغالي : شفيج يلا روحي

ملاك : يبا بروحي؟

الغالي : اي

ملاك : بابا اخااااااااااااااااااااااااااااااااااااااااااااااااااااااااف

الغالي : شنو ؟

ملاك : لا لا و لا شي الحين بروح

رحت نزلت و انا مو مستوعبه علامه تعجب على ويهي >> ابوي رضى اروح بروحي امبي

اول ما شغلت السياره ياني ابوي قالي ديري بالج و لا تتأخرين قتله ان شاء الله و مشيت >> اول مره تهدي ماتدوس شوي شوي تأقلمت عالوضع و فتحت الرادو بس مادري شلون بروحي احساس غريب وصلت حق اختي حدها مستغربه اني بروحي :D

و بس ركبت معاي حسيت ان وناسه لان غييييييييير لما احد معاي ااذيه طول الطريج :p

شفتوا المعجزة ماكنت احلم ان يخلوني اطلع بروحي صج ان بيت يدتي قريب بس كان هالشي مستحيل بالنسبه لي

اي نسيت النهايه امي لما ردت و قتلها ضحكت و معصبه بنفس الوقت :D

الأحد، 3 أغسطس، 2008

إذا رحلت







لا تقولون له إني رحلت

قولوله إني بحبه غدرت

علموه إني نسيته و خنت

خلوه ينسى إسمي

و يكرهني كثر ماكان يحبني

خلوه يفكر ينتقم مني

أهون من إني أحسه متضايق يم قبري

قولوله حبيبتك نست أيامك

ما همها تكون السبب بعذابك

يمكن بعد ما ينساني يفتح قلبه من ثاني

بعد ما يكرهني في وحده بتاخذ مكاني

ياحظها بتكون بقلب حبيبي بعد ما نساني

أبيه يحبها أكثر من مشاعر عطاني

خلوه ينشغل فيها و ينسى حناني

المهم ابتسامته لا تذبل ثواني

تأكدوا إن اللي اختارها ما تغدر بقلبه

مابيها بيوم تنزل من عينه دمعة

أخاف عليه يزعل خليته بروحه

و إن تعب من الزمن بحظن منو يرمي جروحه

أخاف يحس بالبرد و محد يلمه

يمكن مثل كل مره ينام و يشوفني بحلمه

و إن تعور بيوم منو يبوس له جرحه

حبيبي لا تزعل من رحيلي

لاتبجي على قبري و تناديني

بس تأكد إني مسامحتك على كل الجروح

ووصيتي لك لا تدخن و تحرق الروح

خلك قوي مثل ما عرفتك و لا تهتز بيوم

حبيبي كان ودي ألمس ايديك

أو أقول بيوم على صدر حبيبي غفيت

بس يكفيني إن حبيبي يكون بخير

لا تزعل من الدنيا و أنت عارف انك محليها

و قول حق أمك غيرت رايي باللي أبيها

و حبيبي كلمه انت تعنيها

عمرك ما سمعتها مني لكني اليوم أناديك فيها

ملاك