الثلاثاء، 29 سبتمبر، 2009

تصبحون على خير





السلام عليكم




ترى اكتب الحين مبطله عين و مسكره الثانيه


لوووووووول



اي اي شعليه دايخه مبجر اليوم




اي نعم ملاك اليوم استوعبت التاريخ




وان الوقت مشى بسرعه ومابقى شي ونداوم


عاد لازم الحين نعدل يومنا المعفوس


ونعدل نومنا




حاليا مبطله التلفزيون اقلب القنوات ادور شي




لوووول شفت ام البنات




اي مسرع ما عادوه




و الحين ملاك بدت تقفل و تقط خيط و خيط




عقب نشاط و فصله عشتها وانا مواصله من صباح الله خير




و الحين صار وقت اقولكم



تصبحون على خير

:)


اشوفكم على خير








الاثنين، 21 سبتمبر، 2009

عيدكم مبارك :)






مساء الخير





عيدكم مبارك و كل عام وانتو بألف خير :)
لووووووووول
اول عيديه حصلتها من الوالد الله يحفظه
حق عيالي زوبا و زوما و اخوانهم :p
قفص يديد حقهم

لاحظو زوما تحت وحب من اول نظره

و زوبا صاير وحشي لاحد يقرب منه

...........

باقة أزهار وورود

وسلة بخور وعود

والعيد عليكم يعود

وكل عام وانتم بخير

اشوفكم على خير :)





الخميس، 17 سبتمبر، 2009

:)

السلام عليكم


عن النبي صلى الله عليه واله وسلم قال : من فاتته في عمره صلوات لم يحصها فليقم في أخر جمعة من رمضان ويصلي أربع ركعات بتشهد واحد يقرأ في كل ركعة فاتحة الكتاب وسورة القدر (15 ) والكوثر كذلك ويقول في النية ( أصلي هذه الأربع ركعات كفارة لما فاتني من الصلوات )

وإذا فرغ من الصلاة صلى على النبي واله مائة مرة ثم دعا بهذا الدعاء:
( اللهم يامن لاتنفعك طاعتي ولا تضرك معصيتي تقبل مني ملا ينفعك واغفر لي مالا يضرك يامن إذا وعد وفى وإذا توعد تجاوز وعفا اغفر لعبد ظلم نفسه , أعوذ بك اللهم من بطر الغنى وجهد الفقر انك خلقتني ولم أك شيئا ورزقتني ولم املك شيئا وارتكبت المعاصي فأني مقر بذنوبي فان عفوت عني فلا ينقص من ملكك شيء وان عذبتني لم يزد شيئا في سلطانك اللهم انك تجد من تعذبه غيري ولكني لا أجد من يرحمني سواك فاغفر لي ما بيني وبينك , ومابيني وبين خلقك ياارحم الراحمين ورجاء السائلين وأمان الخائفين , ارحمني برحمتك ياارحم الراحمين اللهم اغفر للمؤمنين والمؤمنات والمسلمين والمسلمات وتابع بيننا وبينهم بالخيرات رب اغفر وارحم وانت خير الراحمين ) .
قال النبي صلى الله عليه واله وسلم فمن صلى هذه الصلاة ودعا بهذا الدعاء كانت كفارة أربعمائة سنة
قال علي عليه السلام: أربعمائة سنة ؟
فقال صلى الله عليه واله وسلم : بل كفارة ألف سنة
فقالوا يارسول الله أن ابن أدم يعيش ستين أو سبعين سنة فلمن تكون الزيادة ؟
قال تكون لأبويه وزوجاته وأولاده وأقاربه وأهل البلد .



:)


اشوفكم على خير


الجمعة، 11 سبتمبر، 2009

تهدمت والله أركان الهدى






تهدمت والله أركان الهدى
انا المولود في الكعبة
انا المقتول بعد سجدتي
فلا تنسوا مصابي ياشيعتي
تهدمت والله أركان الهدى




الله يختار نفوساً
لا يأخذ الموت شموساً
فما سمعنا ولا عهدنا
تغيب شمس في المحراب ياعلي ياولي

عظم الله اجوركم في مصاب قائد الغر المحجلين امام المتقين امام المسلمين الامام علي عليه السلام


السبت، 5 سبتمبر، 2009

انفلونزا الخنازير :s




السلام عليكم


شلونكم شخباركم


شرايكم باللي قاعد يصير ؟؟


يوم يقولون بيأجلون الدراسه و يوم يقولون لا بس يحطون غرفه حجر بالمدارس


حق اي حاله يشكون فيها


ممممم


بس تدرون اول شي انا كنت اقول خل يأجلون و يريحونا بدل هالرعب


بس يعني لما تفكرون فيها


احنا كل مكان قاعدين نروح


يمعات.. مطاعم.. حفلات.. اسواق..الطبيب.. .. الخ



يعني الحين يت على المحاضره اللي بنقعد فيها ساعه والا ساعتين



والله الحافظ


ويبعدنا عن هالمرض


...........


اليوم وصلني ايميل الصراحه اهو طويل بس اندمجت فيه و اهو مو بره الموضوع اللي تحجيت فيه اليوم



وترى الحجي كله منقول من الايميل مو من عندي :)


انفلونزآ الخنزير .. اللي صآر الحين بمثآبة وبآآء عالمي ..

تعرفون انه من علآمآت يوم القيآمه الكبرى !!




نرجع لحديثنا عن انفلونزآ الخنزير .. مين يتذكر فيكم حديث الرسول عليه الصلاة والسلآم عن وبآء آخر الزمآن وانه راح يكون من الخنزير والناس بيصيرون يقتلون الخنآزير حتى ينزل عيسى عليه السلآم ويقتل آخر خنزير بنفسه ..








ماحد سأل نفسه ليه عيسى عليه السلآم بيقتل الخنزير ؟؟!!

لأنه بيسبب وبآء عآلمي >> أي انفلونزآ الخنزير اللي نعيشه الآن




اشوفكم على خير


ملاك :)

الأربعاء، 2 سبتمبر، 2009

:) Let's Q8 it

مساء الخيرات
شلونكم والله وحشتوني
شلونكم مع المسلسلات :p
شفتو الجدول الطويل بالبوست اللي فات
ترى ماقمت اطالع منه شي لوول
بس اكثر شي عاجبني و اتابعه بانتظام تقريبا
1_ الهدامه >> افضل مسلسل فيه قصه صج
2_ ام البنات
3_ رسائل من صدف
ومرات اطالع باقي المسلسلات بس مو بصوره دايمه يعني لما يكون ماعندي شي
وانتو شنو اكثر شي عاجبكم ؟؟؟
............................
Let's Q8 it
معرض ( خلونا نكوّتها ) Let's Q8 it
والذي سيقام في فندق موفنبيك المنطقة الحرة ، بجانب فيلا مودا
وسوف يتوجد فيه الكاتب الشاب خالد النصر الله
المعرض سيبدأ من يوم الأربعاء الموافق 2/9/2009 من الساعة 8 مساءاً حتى الـ 12 ليلاً
مدة المعرض ثلاثة أيام فقط .
:)
هاذا و السلام عليكم و رحمه الله و بركاته
اشوفكم على خير