الأربعاء، 29 أكتوبر، 2008

مشتااااقه


السلام عليكم



تسألني الناس عني كيفها احوالي اقول بخير و ماني بخير يالغالي


تعبان انا يا حبيبي راحتي قربك و الخير ما اشوفه الا بشوفك قبالي



مشتاااااااق لك موت و الله عووووووود يا عمري يالله


ارجوك يا حب غالي عوووووود مالك بدالي و انا مالك بدالك





سمعت هالاغنيه اليوم و تأثرت وايد بكلماتها


تذكرت رفيجتي اللي توفت حلمت فيها اول امس منو يعرف يفسر احلام :)


حلمت اني شفتها و كلمتها و كنت حيييل مستانسه اني شفتها و قعدت اقولها الناس يقولون انج توفيتي


جان تضحك و قالت لا كاني ...


بعدين قلت حق الناس محد صدقني و اهي اختفت بعدين يعني بس انا شفتها


و الله قعدت من النوم متضايقه حيل ان خلاااااااص ماقدر اشوفها


الله يرحمها عمري ما زعلت منها




......



حبيت ادردش معاكم شوي عن يومي الطويل


كانت المحاضره الاولى الساعه تسع لي 11 و كان عندي كوز برمجه طقطقت فيه الله يستر


و المحاضره اللي عقبها الدكتور كان معتذر جان نطلع انا و رفيجتي شوي و طافتنا المحاضره اللي عقب من الزحمه


و المحاضره الاخيره كانت من 2 لي 5 صدددددددعت


الجو اليوم كان حده روعه و الهوا اينن


عسى دوم هالجو بالكويت


happy week end مقدما ^_^


اشوفكم على خير

الجمعة، 24 أكتوبر، 2008

بصرح لكم بموهبتي الشتويه :p



السلام عليكم



امبي المطر اليوم كان عجيييب شكله وايد حلو



و الزميل العزيز ديكاتي ماقصر بوصفه :p


بهالمناسبه و ان اخيرا طق عندنا مطر عقب جهادنا المتعب خلال الصيف



ترى كلا انتاج كويتي من ايدي :D



هذيل مادري شييسمونهم حق التلفون :p








هاذي عارضه الازياء اللي عندي ^_^



شرايكم بالكبوس؟؟؟









و هذيل اللفات ^_^








ادري تصويري مو شي سامحوني لاني دايخه قاعده من صباح الله خير

كان عندي اكثر بس وزعتهم :D

ها منو بيسجل دوره عندي :p

اشوفكم على خير :)

الأحد، 19 أكتوبر، 2008

طلعلي ضرس العقل:s

السلام عليكم
اليوم الله يسلمكم كان عندي محاضره وحده خلصت جان اقول خل اروح الاسنان اعالج اللي بقى عشان التقويم
وهناك اول ما دشيت و الا دكتور صغير شكله بالثنوي سألت السستر هاذا الدكتور قالتلي اي
اخترعت انا بروحي اخاف من الاسنان و امي بعد تخاف يوم شافته تدريب واقفه عند الباب خايفه
مسكين اهو خايف و انا خايفه اكثر منه
و المصيبه يقولي فتحي حلجج اقوى شي بالعالم و انا امبي تييلي ضحكه بس فشله
بس الحمدلله عدت على خير من غير ابره ^_^
و عطاني تحويل عشان التقويم و رديت البيت ساعدت امي بالغدا و تغديت و نمت و توني قاعده
و الحين بجابل التلفزيون و باجر دوامي طوييل
اشوفكم على خير :)

الخميس، 16 أكتوبر، 2008

الحمد لله بعد طووووووووووووووول انتظار

أخييييييييييييييييييييرا اليوم و عقب تعب و حنه و روحه و ييه فتحولنا البرمجه
اليوم كان آخر يوم اضافه و دريت انهم افتحوها بالصدفه
الحمدلله سجلتها :D
و الله مادري شسالفه شلون بنتخرج اذا ماكو مواد تخصص
الحين ثاني سنه ثاني ماده حاسوب اخذها :s
بدايه حلوة للويك اند ^_^
اشوفكم على خير :)

الاثنين، 13 أكتوبر، 2008

:$


مساء الخير :$

ادري تشوفون صوره الورد متشوقين بتعرفون شنو المناسبه

يمكن ما تكون مناسبه لكم بس اهي شي كبير بالنسبه لي

الصراحه اول ما بطلت البلوق قلت اكتب و ماكنت متوقعه ان بيكون لي قراء و ناس مهتمه

بس لما اشوف ردودكم و تواجدكم ما تدرون شكثر تونسوني

و المناسبه اللي متشوقين بتعرفونها اهي ان اليوم العداد وصل ألف زائر حق المدونه ::$

حبيت اشكركم على وجودكم دايم معاي

ماتقصرون :)

الأحد، 12 أكتوبر، 2008

أول يوم داوم جد :)

السلام عليكم
مثل ما قتلكم اني بداوم اليوم
قعدت مبجر ووصلت الكليه سبع و نص و محاضرتي 8
أول ما دشيت استقبلتني وحده و تقولي
البنت : صباح الخير
ملوكه : صباح النور
البنت : مستجده ؟؟
ملوكه : لا ثاني سنه ...
البنت : أول مره اشوفج >> أنا اللي اول مره اشوفكم
ملوكه : :)
البنت : اليوم التصويت مال الانتخابات عفيه صوتيلنا
ملوكه : ان شاء الله الله يوفقكم ^_^
رحت الكلاس و قلت لا انا حلمانه اكيد اكو شي شسالفه ماكو احد



دشيت و قعدت بروحي دقيت على رفيجتي سوالفت معاها خمس دقايق قامو يدشون البنات
و بدت المحاضره لما يه الدكتور الحمدلله شكله زين
بس محاضرتي الثانيه كانت علم نفس و الدكتوره الله يهداها مابقى شي ماطلبته من اول يوم
و كان هااذا تلخيص كل اللي صار اليوم تقريبا ما صار شي
اليوم يبت لابتوبي العزيز افتقدته وايد
بس للاسف مفرمتينه :(
عاد قومي يا ملاك و جابليه و نزلي برامج من اول و يديد
اول ما بطلته بجيت طبعا لووووول
بس الحين تكيفت
:)
تصبحون على خير


الجمعة، 10 أكتوبر، 2008

صباح الانوار

بسم الله الرحمن الرحيم
صارلي جم قاطعه بس السبب اهو لابتوبي صاير عنيد مو راضي يشبك بس انا عاد ماحب القطاعه مو زينه بقت لابتوب اختي
بس حابه اقولكم ان للحين ماداومت مثل الناس بس من الاحد ان شاء الله يبدي الجد و الاجتهاد
و راح اقولكم شيصير معاي هاذا اذا داومت :p
اي صج نسيت السبب الرئيسي اللي خلاني انزل البوست
شرايكم بالستايل اليديد حق البلوق ؟؟؟
اخترته بمساعده وحده من اعز رفيجاتي و دام منها لازم يعجبكم انتو بعد :p
حبيت ادردش معاكم شوي الوقت متأخر و قاعده بروحي اطالع افلام
نومي للحين ملخبط مادري شلون بداوم و محاضراتي من الساعه 8 و 9 و نص
يلا باجر الله كريم :p يتعدل مع الايام
اليوم حسيت باحساس حلو و فشله بنفس الوقت
لوووووول
خل افهمكم شسالفه
كنت ماره بيت عمي شوي و لما بغيت اطلع عمي ركب معاي و قالي امشي ماكدونالز بالشعب
رحنا و عزمني على هابي ميل ^_^
بس الفشله اللي بالموضوع اني الله يسلمكم صعدت الرصيف لما كنت باخذ الطلب
احم احم
و عند فوق تحت ما نطرت و في واحد ما قصر فيني الصراحه هرن مو طبيعي اي خلاص بس ترى توني ماخذه الليسن :(
اضطهاد ما يصير جذي
بس اهم شي ان وصلنا بالسلامه بدون اي اصابات
و اشوفكم بالبوست الياي مع اخر اخبار دوامي ^_^
تصبحون على خير

الأحد، 5 أكتوبر، 2008

زوبا يدخل قفص الزوجيه






مساء الخير كلكم














طبعا تدرون ان ماعندي غير ولد واحد اهو زوبا الله يحفظه












و احترت شنو اعطيه عيديه قلت ماكو الا ازوجه












و صج شريتله زوجه قمر تينن خوش جنه :D يحليلها












بس زوبا الله يهداه كل ما يت يمه يعض راسها مسكينه









اي و سميتها زوما ^_^






















قررت اداوم باجر بس جد مالي خلق








صج العطله ماسويت فيها شي بس انا وحده كسوله :p












ماحب قعده الصبح كلللللللللش












لو يكسرون الدنيا علي ما اضحي بنومتي












الله يستر ان شاء الله اقدر اقوم باجر












و انتو شلون كان دوامكم ؟ :)




السبت، 4 أكتوبر، 2008

يوم في الشاليه

السلام عليكم

















شلون العيد معاكم







انا امس العصر رديت من الشاليه و بليل كانت عزيمه عشا عند عمي





طبعا انا رحت و انا مواصله








و اول مادشيت على طول بالفراش اختي تقولي قومي بسم الله خل نتمشى اول قتلها مالي خلق






عاد عقب قرقه جان انام شوي و الا ازعاج اخوي يناديني يلا يابو الغدا












حراااااااااام عليكم مامداني :(








عاد قومي يا ملوكه و حدي بردانه انا و لحافي قاعده جدام ريل اختي جذي لوووووول





كنا طالبين 4 بيتزات كبار و ملاك يوعانه يلا يلا يم يمي










بس






















انصدمنا































البيتزا فيها شي غريب


























امبيييي























البيتزا فيها سمج @@@@@@@@@@@@@






























و يقوم ريل اختي و يدق عليهم يغير الطلب









و انا دايخه جان ادش الغرفه مره ثانيه و انام





ماصارلي ساعه جان ايون يقعدوني

عاد قمنا و تغدينا و انا طارت مني النومه خلاص


قمت تمشيت مع اختي و اخواني الصغار




























و اصور اي شي اشوفه :p


































و سلامتكم :D







الأربعاء، 1 أكتوبر، 2008

عيدكم مبارك









السلام عليكم






عيدكم مبارك >> تطالع البوك تبي عيديه :p










اليوم كان بس يمعه الاهل و غدا العيد ابيت خالي الكبير








و باجر بروح الشاليه ان شاء الله








صج ولهت عليكم










و حبيت انزل هالبوست عشان اعايد مع عايلتي الثانيه






و الله يعينا على الدوامات عقب العيد








بس الحين طلعو حرتكم و استانسوا



يا ناس كنت ابي اروح مسرحيه مصاص الدماء



بس محد عاجبته محد يبي يوديني ادري ان عايدها بس مادري احلى شي مسرحياته



انتو شرايكم ؟؟؟




نطروني بالبوستات اليايه








اشوفكم على ألف خير