السبت، 31 يناير، 2009

هند...

مرحباااا


بما ان الامتحانات كانت معاناة


و طول هالفتره انقطعت عن رفيجتي فوءة


فقررنا ان نطلع البحر


لقيتلي خوش سالفه علقت عليها لووول


شوفو الصور و انتو تعرفون


تصوير : فوءة














شالهند اللي ميننته لوووول


ترى في وايد طرق عشان يعبر عن حبه ابسطها ورده
مو توسخ الدنيا :@



و يبون الكويت تصير دوله سياحيه

انا صرت وحيده :(

انام 9 الصبح و اقوم وقت صلاة المغرب

لا اتريق و لا اتغدا مع احد من اللي بلبيت

بس العشا لووووووول

أبوي كل يوم يقط نغزات و انا اعصب من صجي

اقوله عطله لازم اسهر عشان احس بطعمها :D

اليوم رحت الافنيوز بس حدي كنت مقفله

البيت صاير هدوء محد يقدر يناقز على كرفايتي و يقعدني

لان اخواني الحلوين مو هني رايحين البر

صج اني مفتكه من حنتهم بس هم حدي اشتقتلهم و ميننتهم باتصالاتي

حتى اخوي الاصغر زفني يقولي انتي امي ؟؟ شتبين كل شوي تدقين

تؤتؤ

تدرون شنو ودي اسوي

ابي اسوي بيات شتوي طول العطله :D

بس شيفكني من حنه امي

في مره حسيتو انكم ناوين تقعدين و في عشرتعش شي ابالكم تسوونه

بس اييكم مره وحده صداع و سخونه يتسلطون و يخلونكم تنامون؟؟؟

و اشوفكم على الف خير ^_^

الجمعة، 23 يناير، 2009

شفيني ؟؟

مساء الخير ^_^


شفيني ؟؟ و الله مادري
احاول قد ما اقدر اني ما افكر هالايام

ابي حياة يديده خاليه من اي مشاكل
من اي ناس مالهم هدف بهالدنيا الا ينطرون الزله مني
ناس مالها معنى ووجود بحياتي


ابي اقعد بروحي مع كتبي
مع رفيجاتي القراب
مع كل شخص يهتم براحتي بوقت كنت اتعذب بروحي
ابي اطلع مع امي و ابوي مادري مفقتده هالجو :)

مليت من روتيني
هالعطله ودي اسوي شي
ان شاء الله بدش دوره نادي اي شي بس ماودي اقعد جذي تضيع العطله بدون فايده
>> اي الحجي اللي ينقال كل سنه
لوووووول

اي انقذوني قبل لا اتعود على عفيسه العطله بعدين ماكو امل اتعدل :D

ياااربي الشي الوحيد اللي قاعده اسويه اني اسهر عالنت و التلفزيون حتى رفيجاتي مادري شفيني بالعطله اقطعهم لووول
و ماسكينها علي ما تنامين الا الصبح و
امي

آآآآآآآآآآآآآآآآآآه
لا هاذي يبيلها بوست بروحه
يمااااااااي حده بس بس :(
اليوم كنت بالصالون مع امي
و اهي تسولف مع الهنديه اللي هناك بسم الله الانسانه بس سألتني جم عمرج
امي الله يهداها قامت تطلع اللي بقلبها
هالبنت ميننتني شوفيها شلون ضعيفه اول كانت زينه الحين ما تاكل
و الهنديه : ليش هبيبتي انتي زئيف موجين بعدين دوووخ
ملاك :@ : ا ي اي
امي تكمل : اي و الله و لا تسهر بعد ماتنام الا الصبح لا و تسوق انا اخاف عليها
يمااااااااا تكفين بس
لا امي ما اكتفت : كلا تدوخ و جم مره تطيح ماكو دم
الهنديه : لالا مو جين انا اكو اتنين بنتي جسم جين بس دم ماكو
امي : اي فيها فقر دم لا و تروح نادي بعد مع رفيجاتها
الهنديه : آآآآآآ هادا فريندز مشكله
>> يما تكفين من متى ما طبيت النادي ؟؟
امي ما خلت شي ماقالته و هاذي حالتها حتى الدكتور اللي بس يشوف نتايج التحاليل تفشلني جدامه :(
ليش انا شمسويتلج يماااا


امس خلصت كتاب زيارات ليليه (عبدالوهاب السيد)
واايد عجبتني القصص و انصح كل واحد يحب روايات الرعب ان يقراه جد هالكاتب روعه
:)

و توني باديه بكتاب يوم الحدث (خالد النصر الله )


*^*^*:همسه : *^*^*
لا تضيعون وقتكم بالتفكير بأي شي يكدر
استانسوا و حاولو تتمتعون بكل شي حولكم


اشوفكم على ألف خير
اختكم : ملوكه ^_^

السبت، 17 يناير، 2009

الاحمر يعبر ...


مساء الخير


مثل ما تعرفون اني اموت بأي شي لونه وردي

بس الحين مادري شفيني عالاحمر عيني تنجذب حقه وايد

و ما تلاحظون ان بوستاتي الاخيره اغلبها بالاحمر
!!
تقولوون احب لوووول لا ماكو شي جذي



مو الاحمرالفاقع ممم دم الغزال على قولتهم :p




مع ان فيني فوبيا من الدم لووول



و مع جذي كانت بدايه يومي بجرح :(:(:(



كلا من الكتاب يعني كلا من الدراسه انجرحت ايدي و طلع دم


بس الدم لونه احمر


لوووول


شوفو الصور و انتو تعرفون




منو يحب الفراوله ^_^ ؟؟



امس حاشتني انفلونزا عادتني اختي الله يسامحها :( !!






ولما مرضت تدرون شنو اشتهيت؟؟



صمدي



قلت حق اخوي الصغير و ماقصر طلبلي و كان حده حلوو بس مادري شسم المطعم






بس اول مره اجرب صمدي فيه ككاو !!



و امي زفتني زف الله لا يوريكم عبالها مرضت من الصمدي تؤتؤ



و آخر شي الله يسلمكم اناا مريضه يعني مسكينه اكسر الخاطر قلت حق ابوي انت وصلني الكليه قالي اوكي ماعندي شي قتله انزين ما دام فاضي يبا ميخالف كح كح >> بنتك مريضه تبي احد يدلعها


تبين شي ؟؟

اييييييييييييييييييي


بروح اشتري تلفون خلصت امتحاني من الصبح و وداني و شريت التلفون الاحمر اللي خاطري فيه :D




و الحين لاهيه اتعرف عليه عن اذنكم

اشوفكم على خير

و شدو حيلكم بالامتحانات

الله يوفق الكل :)

الأربعاء، 14 يناير، 2009

اخذه؟؟


السلام عليكم



الحين كل البلوقرز اما بحاله انشغال عشان الفاينل او بيات شتوي ماكو حل ثالث






و انا اعيش الوضعين :p



انا الفاينل يخلي مخي يضرب يعني عادي امس الساعه 12 و نص عافسه الغرفه عساس قاعده ارتبها يعني








اختي مسكينه كانت عندها كيميا فاينل و كانت تبجي تقول مو قادره تخلص دراسته








و انا لا تشوفون البرود اللي كنت فيه








اقولها اي خلاص قعدي ابجي لي باجر








الحين ماعندج الا الوقت تقدرين تستفيدين منه يا تقاتلين يا تموتين :p




قتلها سوي اللي عليج و توكلي على الله



هدت و بطلت الكتاب و قامت تدرس يحليلي خوش ابله مو :D



طبعا الفكره اللي بدت تلح علي من تأثير الفاينل اهي اني بغير تلفوني

مليت منه :p



و محتاره شنو اخذ


شفت جم واحد عجبوني و باخذ رايكم


اول شي شفت نوكيا n100








شكله ماعجبني بس مواصفاته وايد حلوة >> المومري و البلتوث 100 متر و الكامره 10 بكسل


و بس اكتشتفت ان للحين مانزل بالسوق لووول



انزين و بعدين قلت خلاص خل اجرب السوني وعجبني w760








و ابي رايكم اخذه و الا لا مممم؟
ادري اني داشه عرض بين الامتحانات و متفرغه بس مخي ضرب :p
عطوني رايكم
اشوفكم على خير ^_^

الخميس، 8 يناير، 2009

يااارب





السلام عليكم








قاعده امر بمرحله بيات شتوي ما عليه تحملوني








الايام اللي فاتت كله حسينيات طبعا يعني كنت موقفه شوي








عظم اجورنا و اجوركم












اليوم قعدت اشوف ايميلاتي و عندي ثلاث منهم عن غزة








يعني لي متى جذي؟؟؟ و الله يعوروني قلبي :(






ترى هذيل اخوانا كل يوم قاعدين يتعذبون بدون ذنب






وايد صور شفتها و الله ماقدرت اكمل اشوفهم ماتحمل









إعلانات صارخة ورسمية وقوية ومباشرة الآن
في كل أنحاء أوربا وأمريكا ومفادها :
ساهم لبقاء إسرائيل !!
- في الأسواق وفي المطاعم الأوروبية : ساهم لإنقاذ إسرائيل
- رئيس شركة ستار بوكس للقهوة صّرح انه
سيضاعف التبرعات لإسرائيل لقتل أوغاد العرب
وهوالمعروف بأنه يدفع 2 مليار دولار سنوياً لإسرائيل
من أرباح ستار بوكس


- شركة فيليب موريس المنتجة لسجائر مالبورو
في كل صباح تدفع شركة فيليب موريس للسجائر
ما مقداره 12% من أرباحها لاسرائيل
ومدخني العالم الإسلامي ككل ، يستهلكون سجائر من فيليب موريس
بقيمة 100 مليون دولار ، وعليه فإن مدخني العالم
الإسلامي يدفعون لإسرائيل كل صباح 12 مليون دولار
تكلفة الطائرة اف 16 F-16
أحدث طراز ، 50 مليون دولار ، يعني إننا
ندفع قيمة طائرة حربية كل 4 أيام

ً
للأسف ، هم يجمعون التبرعات لقتل المسلمين حسبنا الله و نعم الوكيل
ونحن لا نجمع أي شئ لإنقاذ أولئك المسلمين المستضعفين
لا تريدون أن تجمعوا تبرعاتكم .. لا مشكلة !!!
ولكن توقفوا عن التبرع ودعم إسرائيل

لـَقَـدْ أَسْــمَـعْـتَ لَـوْ نادَيْتَ حَـــيَّـا ولكِـــنْ لا حـَــــياةَ لِمَــــنْ تُـنـَـادِوَلوْ ناراً نـَـفـَخْـتَ بهـا أَضاءَتْ وَلَـكِنَّكَ تــنـْفُـخُ في رَمـادِ




ستار بوكس STARBUCS


ماكدونالدز McDonalds
برجر كينج BURGER KING


كنتاكي KENTUCKY


بيتزا هت PIZZA HUT


كوكا كولاCOCA COLA


بيبسي


PEPSI COLA


فردركرز FUDRACKERS


شيليز CHILIES
والقائمة يعرفها الجاهل قبل المتعلم
ولكن لا حياة لمن تنادي
لنتوقف عن شراء البضائع الأمريكية والبريطانيــة فقط لشهر واحد
أرسالها للجميع لكي يعلم أن أمريكا تخسر 8.6 بليــون دولار بالـيوم

عندما لا نشتري بضائعها فقط شهر واحـــــــد
أرجوك أفعلها كمسلم حقيقي ، أخبر إخوانك
أهلك ، جيرانك ، أصـــحابك ، وتوقف لشهر واحد
لنوقف شراء البضائع الأمريكية والبريطانية فقط لشهر واحد

*****
منذُ وُلِدَّتَ ، و أنتَ تـَفخر بالإسلام
فمتى يفخر الإسلام بك ؟؟




اللهم انصر أهلنا في غزة....اللهم أيدهم بنصرك
اللهم أمددهم بجنود من عندك....اللهم سدد رميهم....يارب فرج كربتهم
يارب ارحمهم رحمة تغنيهم بها عن رحمة من سواك...يارب انتقم لدم الشهداء شر انتقام
اللهم عليك باليهود....ومن والاهم و من حالفهم و من وقف معهم
اللهم لاترفع لهم راية و لا تحقق لهم غاية .....اللهم زلزلهم
وفرق جموعهم و شتت رميهم .....رمل نساءهم.....يتم أولادهم
اللهم أرنا بهم عجائب قدرتك.....اللهم يا الله يا الله عليك بالخونة الذين مزقوا صف المسلمين
وانصر اللهم أهلنا المسلمين
اللهم اكفنا أعداءنا بما شئت وكيف شئت إنك على ما تشاء قدير
اللهم آمين .. اللهم آمين .. اللهم آمين




سامحوني هالفتره مشغوله بالفاينل



اشوفكم على خير

الخميس، 1 يناير، 2009

عظم الله اجوركم



مساء الخير


عظم الله اجورنا و اجوركم بمصاب ابا عبد الله الحسين

=========================
تمضي سنين ويبقى الانين وتبكي عيوني لعزائك ياإمامي ياحسين
========================
صدقوني محتاره
اهنيكم براس السنه
و الا اعزيكم براس الحسين
انا لله و انا اليه راجعون