السبت، 21 فبراير، 2009

توصون شي ؟؟


السلام عليكم



اخواني و خواتي البلوقرز



حبيت ابلغكم اني راح اغيب عنكم جم يوم لاني راح اسافر العمره ان شاء الله



تامروني على شي ؟



السفره يوم الثلاثاء باذن الله



كلها اربع ايام تقريبا وارجع


.:.:.:.:.:.:.:.:.:.:.:.:.:.:.


في شغله حبيت اتكلم عنه مع ان مووقته بس تقرقع بقلبي


ليش كليه الحقوق ما فيها حقوق ؟؟!!


آخر ناس يعطلون و بنفس الوقت أول ناس يداوموون !!!


أول يوم دوام فيه مدتيرم!!!


ماكو اعذار تخلي الدكتور يأجل الامتحان حتى لو عمليه !!!


ونظامها سنوات يعني لو طحتو عند دكتور موزين مو كورس و يخلص الا سنه كامله بتشوفونه @@!!



احمد ربي ألف مره اني مو فيها :p



اللي عنده اجابه ياريت يفيدنا


:.:.:.:.:.:.:.:.:.:.:.:.:.:.



ترى انا حدييي ماحب لحضااات الوداع
دمعتي بسرعه تنزل
راح اشتاق حق الكويت صج كلها اربع ايام بس جنها اربع سنوات بعيد عنج يا كويت
راح اشتاق لكم انتو بعد وايد وايد ^_^
و الحين عن اذنكم بجهز جنطتي
اشوفكم على خير قريبا ^_^

الثلاثاء، 17 فبراير، 2009

توأم روح ...

مساء الخير

شلونكم عسى بخير

انا آسفه غيرت اللنك لظروف طارئه :)

بالنسبه حق هاليومين نومي شبه متعدل يوم اسهر و يوم مبجر لوول
الحين بنتقل للموضوع الاساسي اللي اهو عنوان البوست
.......
صادفوني وايد بحياتي

وايد من رفيجاتي كانت اوضاعهم مثلي و تشابهنا بوايد اشياء

يعني ممكن بالترتيب بالاسره او الاسماء و او بعض الاشياء اللي نحبها

بس

اول مره تصادف ان وحده من رفيجتي دايم تغلط و تناديني باسم ثاني

و ارد اقولها يا بنت الحلال ليش ليش كلا تنسين اسمي

تدرون شترد علي

تقولي نفس بعض شسوي اقولها منو تقولي وحده نفس طريقه توبكج و الصور

اللي تحطينهم وا نا اوكي اوكي

و بيوم من الايام قالتلي لازم اعرفكم على بعض

لان انتو







توأم روح



في البدايه ضحكت و قلت تبالغ


بس لما ضافتني معاها امبي تعرفون شلون لما تتكلمون مع روحكم

نتشابه بوايد اشياء

نحب نفس الاشياء

من اول ماكلمتها جني اعرفها من زمان

ترى من احلى الاشياء اللي تكون عند الانسان ان يكون عنده انسان يفهمه

و هاذا يتراوالي السبب اللي يخلي اغلب الشباب و البنات تكون

علاقتهم بأصدقاهم اقوى من علاقتهم بأهلهم

بس الاصدقاء مو كلهم ثقه مرات يكون شخص يستغلك

و انت على سذاجتك


و تفتح قلبك بكل شي و بالنهايه تندم

و يمكن تحط على الصداقه بكبرها بلوك

بس الصداقه اطهر و احسن من ان يكون فيها استغلال

لان الاصدقاء ناس انت تختارهم عشان يكونون معاكم بأحزانك و افراحك

من جذي اختارو عدل :)
انزين سؤالي الحين
في احد منكم في شخص بحياته يقدر يسميه توأم روحه ؟؟؟

هاذا البوست اهداء حق توأمتي الروحيه

و اقولها سووري عالقصور و الموضوع المختصر :)

اشوفكم على الف خير ^_^

الجمعة، 13 فبراير، 2009

مستشفى× مستشفى

السلام عليكم
ابشركم يدتي و اختي طلعو من المستشفى
و يدتي مسكينه كانت أزمتها مو من النومه هناك و لا من الألم كانت الاكل لوووووول
السكر عندها وايد مرتفع و ما تلتزم بالدوا
تقول الاكل مافيه طعم لووول
معاناتها مسكينه من الاكل و يمها كل شي تحبه بس ممنوع











و هني شويه صور من حوستي بالمستشفى لما كنت عند اختي












و الله مادري ليش يعني نوقف هني :S









عجبتني حركه الحيه بالزقاره لوول




هني الاستراحه شفت فيه خوش منظر بس ما قدرت اصوره للاسف

لما حطو المسلسل التركي " و يبقى الحب " كل الفراشات كانو متيمعين بالغرفه

و مندمجين عالأخر لووول

هذا و نشوفكم على خير ^_^

الثلاثاء، 10 فبراير، 2009

استراحه ...



مساء الخير



يدتي بعدها بالمستشفى بس اللي مضيق خلقي اكثر ان اختي اليوم سوت عمليه بعد



يعني حدي كرهت ريحه المستشفى



البوست الياي راح اخليه مستشفى * مستشفى




الحين خلوني اخذ نفس



آآآآآآه



اي شكنا نقول


مممم

شوفو الصوره @@

عددددددل

اكو احد عند الدريشه و الا انا اتخيل ؟؟؟!!!

مع العلم اني راقبت الوضع ربع ساعه و ما تحرك هاذا الشي :S

يخرررررررع

.............................

http://www.q8games.net/

هاذا موقع حلووو

حق الالعاب و هالسوالف

وايد ينفع حق اخوي الصغير و الا انا مو صوب هالسوالف :p

...........................

الختام :

كل يوم اقوم مبجر و لويه بالمستشفيات

صارت عندي خبره بالطب

اليوم بغيت اكملها انا بعد

دخت لما شفت الادرب احم احم

عندي وايد شغلات بقولها عن المستشفى بس سامحوني و الله مضغوطه و بالبوستات اليايه ان شاء الله مع الصور

و دعواتكم لهم و ماتقصرون حبايبي :)

اشوفكم على ألف خير :)


الأحد، 8 فبراير، 2009

كانت الحياة سعيده




مساء الخير




قبل يومين ماقدرت اقاوم اكثر ورحت ماكدونالز الله يسلمكم و كليت هابي ميل لووول






في شجره تضحك من تحت متينه بس من فوق مسكينه :/





رحت بيت اختي اشوف شقتها


و ابشركم عدلت نومتي لا تسألون شلون لووول و لله مادري



اقوم مبجر الساعه 8 و اقعد مع بروحي اجابل التلفزيون




كانت عندنا يمعه و الحياه سعيده





بس للاسف :( يدتي طاحت علينا ووديناها المستشفى







اول ما طلعت من العمليات نادتني تقولي ملوكه شلونج :(




عورت قلبيييييييي






يدتي ماعندي غيرها










اول شي رحنا مع ريل اختي كانت بالعدان :@





لان كان اقرب مستشفى









المكان و الله يخرع ماجنه مستشفى جنه سجن بس دشيت حسيت روحي مخنوقه







و اليوم اللي بعده وديناها دار الشفا






ادعولها تقوم بالسلامه






اشوفكم على خير

الثلاثاء، 3 فبراير، 2009

بدون عنوان

صباح الخير



يماااااا


خليني انام والله دايخه


اي مو حضرتج توج خامده


واااااااااااي يمااا تكفين بس شويه




يوم يومين عشر عشر تعش


لا خلاص نومي صارت الظهر لي المغرب



و يبدا يومي بعد صلاة المغرب نت و تلفزيون و كتب


ما اطلع معاهم


كلا اقعد مع بروحي


لوووول رفيجتي كلا تزفني لما اقولها يعني لما احد بسألكم مع منو قاعدين و انتو بروحكم


مو تقولون مع بروحي ؟؟!!


على طاري رفيجتي كل رفيجاتي زعلانين مني ادري او اغلبهم عشان ما ابالغ


سوووووووووووووووووووري



لان نومي ملخبط اقعد اشوف المس كولز و المسجات


والله صايره نفسيه بعد لوووول


ودي اكلمهم كلهم الحين معطله ماعندي عذر ادري بس صايره خفاشه شسوي


سامحوني

اشوفكم على خير ^_^

سامحوني عالقصور