الثلاثاء، 28 أبريل، 2009

باك قريبا ...

صباح الخير
يحلات المطر توه بس بسرعه وقف
مشكوووورين عالدعوات حبايبي
ابشركم لابتوبي ياخذله عشر ايام و يرجعلي :D
طول وايد بس الحمدلله ان راح يتصلح في امل منه
و تصلحيه ب 120
......
احس ان اليوم ويك اند مادري ليش لووول
احب الدكاتره اللي لما يكون عندنا كوز يقولون اللي يخلص خلاص يطلع ماكو محاضره
.......
الفتره اللي فاتت كنت قاطعه رفيجاتي وايد خاصه بدون المسنجر
بس رديتلهم الحين مشتاقين حق حنتي :p
وانتو بعد الله يعينكم علي :D
عندي محاضره العصر مالي خلق اداوم بس عندي فيها غيابين
ماشاء الله الحين موسم زواج ملاحظين و الا بس انا ؟؟؟
احم احم
الحين لازم امشي
اشوفكم على خير :)

السبت، 18 أبريل، 2009

بالعنايه المركزة...

مساء الخير
اشتقتلكم وايد وايد
انا مو قاطعتكم من نفسي سامحوني
بس لابتوبي عطاكم عمره
بعد عمري حالته خطره
و الدكاتره يأسو منه
الله يستر ادعووله ترى صارلي مده ماقدر اشوفه و الا من مستفى لي الثاني
السبب شنو تتوقعون
انا بقولكم نصيحه من اختكم اللي تحبكم و ماتبي اللي صار فيها يصير فيكم
الله لايحرم احد فيكم من جهازه
نصيحتي يا اخواني انكم :
1_ لا تتطنزون على احد (لا تظهر الشماته بأخيك فيعافيه الله و يبتليك )..
انا اقولكم شنو اثر هالقاعده علي انا الله يسلمكم من اسبوعين رفيجتي قالتلي وي طاح بسكوت على لابتوبي
و انا زفيتها و قتلها اكو احد ياكل عند اللابتوب ؟؟
و اللي صار فيني انا ان كنت مصحصحه و بجابل دراستي و مبطله لابتوبي توني مجابلته بكتب الهموورك
كوب الجاي الاخضر كان يمه بس شافني صايره شطوره جان ينكت كللللللله على لابتوبي
و انا اطالعه بهدوء اشوف شقاعد يصير جان يطفي و هني اختكم ملوكه اطلقت اول صرخه
و بجيه و قومي يا ملوكه و دقي عالوالد بالدوانيه و الدوانيه كلها تعطيني حلول
وا نا وحده ماعندي مناعه ضد الحوبات وبس اتطنز على احد وحده بوحده
2_ الابتوب شي وايد وايد غالي واحس روحي مو بالوجود بدونه
ديرو بالكم على اجهزتكم و لا تاكلون و لا تشربون يمهم
ماقدر اطول القعده على جهاز ثاني مو حلوة
ابي لابتوبي
ادعولي الله يجمعني فيه مره ثانيه و لا يفرقنا
:(
اشوفكم على خير