الجمعة، 22 مايو، 2009

مبروك :)

صباح الخييير






الحمدلله ان ارتحت من البروجكت قدمته و افتكيت




حلوو لما يكون عندكم اصدقاء كل يوم تشوفونهم
تتعدودون تسون كل شي معاهم
كل يوم تكلمونهم

بدل ما نروح كل وحده بسياره نركب مع بعض

رفيجتي مو من يوم و لا يومين من سنين

تعودنا نكون على طول مع بعض

نفس الكليه

نفس التخصص

نفس الجدول

خلاص تزوجت

مستانستلها من كل قلبي و الله

بس اخاف يبوقها مني :p

ألف الف مبروك

اشوفكم على خير ^_^

الثلاثاء، 19 مايو، 2009

دكاتره اشرار :(

صباح الخير


شلونكم انا مو زينه ملاك معصبه :@


خل ابدي لكم السالفه من اول ما بدى يومي التعيس



عقب سهره امس و انا مجابله اللابتوب و احاول احفظ و اتدرب عشان تقديم البروجكتات اللي عندي



و اللي المفروض اشرحهم اليوم... نمت عالساعه 2



و انا اقص على روحي يلا ملاك نامي نامي عشان يصير باجر و تفتكين


و صار باجر


اهم يقعدوني و انا بتاسع نومه و لا حاطه منبه لا شي مو الله يسلمكم صارلي هالاسبوع كلا ماانام عدل



ففيني فقر نوم


عموما فزيت من النوم سبع الا ربع و بسرعه بسرعه البس و اشيل اغراضي و ركض عالسياره


و انا قايله بقوم مبجر اراجع قلت لا راحت علي اليوم


امشي امشي امشي امشي امشي امشي امشي



و هم امشي و امشي :S


لأا الوضع حده مو طبيعي شسالفه


انا مو متعوده اطلع هالوقت كلا مبجر قبل الزحمه انزين بس امبي اول مره الطريج يصير ساعه و جم دقيقه :S



المهم اني وصلت 8 و عشر و بسرعه نازله ادش القاعه ماكو الا بنت وحده



شسالفه ؟؟ لا تقولون ماكو محاضره ؟؟ لا لا اكو الحمدلله بس لما شرفت الدكتور الساعه تسع الا ربع



عطتنا درجات المدتيرم و بيباي :S


قلت اوكي انا موعد تقديم البروجتات الساعه عشر قلت اروح مبجر و افتك


قلت لحظه خل اراجع و اصير خوش وحده


و راجعت و بعدين دقيت على امي اقولها تدعيلي و على رفيجتي



جني رايحه احارب لوووول


و عند الدكتوره :


ملاك :السلام عليكم

الدكتوره : و عليكم السلام


ملاك : دكتوره ممكن اقدم الحين ؟؟


الدكتوره : لا بالمحاضره .

ملاك : اوكي ان شاء الله .


و اطلع و رفيجتي بره قتلها جان تقولي ماعندنا محاضره اليوم ان اقولها اي و الله :S


و ادخل عندها مره ثانيه


ملاك : دكتوره انتي تقصدين اني اقدم باجر ؟


الدكتوره : اي نعم


ملاك : مافي مجال اقدم اليوم ؟


الدكتوره : قتلج بالمحاضره ...


ملاك : انزين


شريررررررررررررررررررررررررره




و الله حرام نفسيتي متأزمه و مأجله كل شي حق عقب التقديم


و هذي آخرتها :(



اشوفكم على خير و اقولكم شييصير باجر :)



الأربعاء، 13 مايو، 2009

عوده لابتوبي + كآبه ما قبل الامتحان






صباح الخيير






شلونكم




انا مستانسه لان لابتوبي ردلي بالسلامه




و صايره مابي احد يقرب صوبه لوول






باجر عندي مدتيرم بس من حاشتني الحاله ابي اسوي اي شي االا الدراسه






مسكينه اختي عطيتها الكتاب و تقرالي بتحفظني و انا احوس بالغرفه و كل شوي تطري على بالي فكره


بقوم مبجر باجر عشان ادرس
يلا انا الحين بقوم انام
اشوفكم على خير ^_^



الاثنين، 11 مايو، 2009

كل شي مره وحده :s


السلااااام عليكم



امبي تعرفون شعور انكم قاعدين مستانين حاطين ابالكم ان هالاسبوع فاضين


و تقعدون تخططون ان بتروحون هني و تزورون فلان و تدقون على اللي قاطعينهم




بس تدخلون محاضرة تطلعون منها والا عندكم بروجكتين تقديمهم الاسبوع الياي و انتو مو مجهزين شغلكم كللللش



و لا لما اقعد اشوف مواعيدي اكتشف عندي مدتيرم هالخميس :D

و عندي بروجكت برمجه :D

يااااا حلاتي مووو ؟؟


و في حفله بعد اسبوع ما جهزت لها



انزيييين بقووولكم عن شغله ثانيه باطه جبدي


انا اليوم قاعده بالمحاضرة رن تلفون اللي يمي قمت اضحك عليها قتلها ليش مو سايلنت جان تقول بلا حاطته


شوي و الا يرن تلون البنات يلفون يشوفون تلفون منو واللي يمي تطقني تقولي تلفونج و انا هااااا!!!!!!!!



لا انا حاطته سايلنت



تؤتؤ



ماقدر اضحك على احد الا بالكثير اسبوع صاير فيني موقف



مااااكو مناعه كلش

هل انا بس اعاني من هالمشكله ؟؟


على فكره



لازلت اتواصل معاكم عن طريق لابتوب اختي


و لابتوبي العزيز للحين مسكين




ملوووكه اللي متوهقه


ادعوووووووووووولي


اشوفكم على خير

الاثنين، 4 مايو، 2009

بلوقي تحت الصيانه


مساء الخير


بلوقي تحت الصيانه مثل ما لابتوبي لازال بالتصليح



اليوم مرضت يقولون منتشر فيروس انفلونزا بالكويت


بس مو انفلونزا الخنازير اعوذ بالله :p

على طاري انفلونزا الخنازير انا اللي اعرفه ان منتشر اكثر شي
بامريكا و المكسيك
ولقو حاله بالبحرين و حاله بالكويت :s والحين بالحجر الصحي
يعني ما نقدر نسافر اوربا ؟ السالفه تخرع لان يقولون هالمرض صار وباء
انزين ..

شرايكم بشكل بلوقي اليديد لحد الحين؟



همسه : شي وايد صعب لما ننطر شخص ماراح ايي لكن نظل ننطر و ننطر لي آخرنفس لنا بهالدنيا ...

اشوفكم على خير :)