الاثنين، 26 أكتوبر، 2009

لما الواحد يركز زياده عن اللزوم :D

مساء الخير


مرات الواحد من كثر ماهو مركز يخوره 


لووووول 




طبعا انا يحليلي هالجم يوم مخي مادري وينه 


بس قاعده احاتي كوزاتي ومواعيدهم 


المهم اول موقف صار وحبطني حيل اني نزلت من السياره 


انا متاكده تلفوني بيدي و الا قطيته بالجنطه 


وامشي دخلت الكليه سلمت على رفيجتي وادور التلفون ماكو 


طول المحاضره اقول لا مو معقوله انا حطيته شلون جذي


خلصت المحاضره اروح حق سيارتي و القى التلفون واقف يمها يبجي 


لوووووووووول




زين محد خذاه 


مادري شلون طاح مني ولا حسيت 


.........






ثاني موقف صارلي اليوم اللي بعده على طول 


ادز مسج حق رفيجتي اتاكد منها ان عندنا كوز باجر


وتقولي ملاك  ماعندنا محاضره باجر


وانا افكر ياربي ماذكر ان الدكتوره قالت ماكو 


وادز مسج حق رفيجتي الثانيه و تقولي ملااااكو شوفي جدولج ماعندنا محاضره باجر 




وانا لووووووووووول اي اي فهمت شنو يعني :p


اي خو شوفي الجدول 


لا ماكو يعني متاكده 


.........




والموقف الثالث اللي صار الله يسلمكم اليوم 


انا رايحه المحاضره


جان اقول ويي جنه معتذره اليوم 


و ادق على رفيجتي 


:@ 


ملاكو شفيج 


لووووووووول 


لا بس مو جنه الدكتوره قالت ماكو محاضره اليوم :p


لالا انا الظاهر كنت سرحانه و تخيلت 




احم احم 




اي لا تلوموني مركزه وايد 


ومخي مشغول بوايد اشياء 




اشوفكم على خير :)



تصبحون على خير

الجمعة، 23 أكتوبر، 2009

جمعه مباركه



مساء الخير :)



استغفر الله العظيم من كل ذنب اذنــبــــتـــه ... استغفر الله العظيم من كل فرض تركـــــتــه
استغفر الله العظيم من كل انسان ظلـمـتــــه ... استغفر الله العظيم من كل صالح جـفــوتــــه
استغفر الله العظيم من كل ظالم صاحـــبتــه ... استغفر الله العظيم من كل بـــر أجـــــلتـــــه
استغفر الله العظيم من كل ناصح أهنــتـــــه ... استغفر الله العظيم من كل محمود سئـمــتـــه
استغفر الله العظيم من كل زور نطقت بــــه ... استغفر الله العظيم من كل حق أضــعــتـــــه
استغفر الله العظيم من كل باطل إتبعــتـــــه ... استغفر الله العظيم من كل وقت أهــــدرتــــه
استغفر الله العظيم من كل ضمير قـــتلــــته ... استغفر الله العظيم من كل سر أفشـــيـــــتـــه
استغفر الله العظيم من كل أمين خدعــتـــــه ... استغفر الله العظيم من كل وعد أخلــفـــــتـــه
استغفر الله العظيم من كل عهد خــــــنتــــه ... استغفر الله العظيم من كل امرئ خذلــــــتـــه
استغفر الله العظيم من كل صواب كتمــــته ... استغفر الله العظيم من كل خطأ تفوهــت بـــه
استغفر الله العظيم من كل عرض هتكتــــه ... استغفر الله العظيم من كل ستر فضــــحـــتــه
استغفر الله العظيم من كل لغو سمعــــتــــه ... استغفر الله العظيم من كل حرام نظرت إليـــه
استغفر الله العظيم من كل كلام لهوت بـــه ... استغفر الله العظيم من كل إثــم فـعـــــلتــــــــه
استغفر الله العظيم من كل نصح خالفتـــــه ... استغفر الله العظيم من كل علم نـســيــتـــــــــه
استغفر الله العظيم من كل شك أطعـــــتـــه ... استغفر الله العظيم من كل ظن لازمــــتــــــــه
استغفر الله العظيم من كل ضلال عرفتـــه ... استغفر الله العظيم من كل ديــن أهمــلــتـــــــه
استغفر الله العظيم من كل ذنب تبت لك به ... استغفر الله العظيم من كل ما وعــدتـــك بـــــه
ثم عدت فيه من نفسى ولم أوفى به
استغفر الله العظيم من كل عمل أردت به وجهك فخالطنى به غيرك
استغفر الله العظيم من كل نعمة أنعمت على بها فاستعنت بها على معصيتك
استغفر الله العظيم من كل ذنب أذنبته فى ضياء النهار أو سواد الليل او فى ملأ أو خلا أو سراً أو علانية
استغفر الله العظيم من كل مال إكتسبته بغير حق
استغفر الله العظيم من كل علم سُـئـلـت عنه فكتمته
استغفر الله العظيم من كل قول لم أعمل به و خالفته
استغفر الله العظيم من كل فرض خالفته ومن كل بدعه إتبعتها
استغفر الله العظيم من جميع الذنوب كبائرها وضغائرها
استغفر الله الذي لا اله الا هو الحي القيوم واتوب اليه
استغفر الله العظيم على النعم التي انعم علي بها ولم اشكره
استغفر الله العظيم من الرياء والمجاهره بالذنب وعقوق الوالدين وقطع الرحم
استغفر الله العظيم لي وللوالدي وللمؤمنين والمؤمنات والمسلمين والمسلمات الاحياء منهم والاموات




جمعه مباركه :)


اشوفكم على خير

الأربعاء، 21 أكتوبر، 2009


مساء الخير جميعا





امبي ترى انا مادري ليش احب البطاريق من كنت صغيره




شوفوهم شحالتهم بذمتكم مو كيوت ؟؟


وااااي فديتهم والله في شي عجيب يربطني فيهم


.....................


الجو عجيب الصبح حده رومانسي :p

يقولون باجر بليل في احتمال يطق مطر :)

:::::______:::::

طول فتره رمضان كنت موقفه الجاي الاخضر و مجابله الجاي العادي الاحمر

لووووول

بس مو شي جني متنت :p

بس هالايام رديتله مره ثانيه

=__=__=

بالنسبه للدراسه الحمدلله للحين شاده حيلي و مادخلت بحاله الكسل مثل بعض الناس :p

اغلب رفيجاتي صاير فيهم كسل من بعد العطله

محد له خلق يدرس و يبطل كتاب

شدو حليكم

و happy week end

من الحين :)

اشوفكم على خير

الخميس، 8 أكتوبر، 2009

انفلونزا الخنازير و المدارس !!



السلام عليكم



شلونكم مع اول اسبوع دوام :)



في قرار سمعته ان المدرسه اللي يلقون فيها 3 حالات من انفلونزا الخنازير يوقفون الدراسه فيها



و كل يوم قاعده اسمع بكذا مدرسه حالات وايده بس في تكتيم على السالفه



بثانويه بيبي السالم 13 حاله و للحين ماقاعدين يسوون شي


المرض ينتشر بسرعه


مايدرون يحاتون الدراسه و الا يخافون على صحتهم ويغيبون



وايد ناس اعرفهم مايودون عيالهم خايفين


واخر خبر سمعته ان الحالات اذا زادت راح يوقفون الدراسه


لووووول اختي كل عطست اوخر عنها تقولي لا ملاكو ماتخنزرت


لوول مصطلح يديد


و الله الحافظ :)



______________________


همسه :

اشوفكم على خير





الثلاثاء، 6 أكتوبر، 2009

صباح الخيرات


رب أسألك خير مافى هذا اليوم وخير مابعده ،


وأعوذ بك من

شر مافى هذا اليوم ومابعده



رب أعوذ بك من الكسل والهرم وسوء الكبر ،

أعوذ بك من عذاب النار وعذاب القبر

سبحان الله وبحمده.....سبحان الله العظيم

لا اله إلا انت سبحانك إني كنت من الظالمين

لا حوله ولا قوة إلا بالله
اشوفكم على خير :)