الجمعة، 24 ديسمبر، 2010

صبااح الخير


مويايني نوم للحين

اليوم خلص تلفوني بس لما جيكت عليه كل شي اوكي بس ماقام يكتب عربي


بس يلا اهم شي رد الحين


جابلته وايد اليوم وكلا قاعدة بروحي احس فيني قرقة لاني ماتحجيت

مع الناس اليوم بيتنا كانو بالبر وانا مارحت

وجابلت التلفزيون اللي مافيه شي


درست شوي و اشتغلت ببروجكت


صاير كل الضغط بنهاية الكورس احاتي متى بخلص البروجكتات و اسلمهم

عشان ابلش ادرس حق الفاينل

احس الوضع مشحون وصاير اقل شي ينرفزني

و اكثر شي لما شي انا مشتغله عليه وايد و مايعجب الدكاترة

يالله مابقى شي و نخلص

.............:::::::.............



الانفلونزا متعبتني تخليني كسولة
 
 
 
 
تصبحون على حب :) 

الخميس، 23 ديسمبر، 2010

اليوم هدوء

اليوم ماكو نوم

اليوم حالة كابة


اليوم فوني الله يقومه بالسلامه


امس مرة وحده طفيته ببطله و الا يطلعلي



بس صار جذي فزيت كنت حدي دايخه

قعدت جابلته وقريت وايد عن المشكلة

ومالها سبب تصير فجأة

بس الخبر الموزين ان كل شي بالجهاز راح ينمسح

قلت يلا ماعليه

اهم شي يرجع يشتغل

و جابلته وايد بس ماضبط وياي و لا اشتغل

و الله ضيقة خلق بدونه ملل

متعودة كلا ماسكته وين مارحت ماحب اهده :(

::::::::::::::::::::


اشوفكم على خير

happy week end

الجمعة، 17 ديسمبر، 2010

عيد ميلادي هالسنه كان وايد حلو


شكرا حق كل شخص تذكرني

بكلمه

مسج

هدية



 
أو عطاني من وقته دقايق

و حق كل شخص زعلته بهاليوم و طوف لي عشان لا يخرب يومي



حبيبتي بنت خالتي ماقصرت  جذبت جذبة شكبرها عشان تفاجأني بالكيكه

و هدية و هم بعد غنتلي : D



 
احبكم وايد عسى الله لا يحرمني منكم


مع ان بس صارت الساعه 12 ونص بلش الفلم الهندي و البجي

شي طبيعي عند البنات تره

خاصة اذا في احد نسى التاريخ

ابي اي عذر عشان ابجي لوووول

__________________


سامحوني عالقصور


تصبحون على خير

الأحد، 28 نوفمبر، 2010

21

ساعات تفصلني عن عمر جديد

21

 لا اتمناه عمرا سعيدا

لكن اتمنى عام بدون هموم :)


اشوفكم على خير

الخميس، 25 نوفمبر، 2010

مساء الخير


هالجم يوم نومي خربوطه و مقطع ماقدر انام وايد واقل شي يقعدني

مع ان نومي ثقيل لووول


الظاهر لاني احاتي

عندي امتحانات و بروجكتات قاعده اشتغل فيها و بعضها للحين

مابديت فيها حتى


احس ما اسوي شي تطلعلي عشر اشياء


الله يعدي هالكورس على خير

...............


بس انا مابي اكتب عشان احبطكم و اطلع

اليوم قررت ما اسوي اي شي كافي محاضره اليوم

كانت حدها ثقيله لا و بعدها قعدت ساعه مع الدكتوره عشان سالتها

سؤال واحد والله تحسفت اني سالت عطني شغل وايد

لا  وتسالني متى راح تخلصينه

قتلها الصراحه ببلش فيه اما متى بخلصه ترى عندي اربع مواد غير هاذي

الحمدلله انها شوي تفهمت الوضع


_________


بحطلكم اليوم صور سفرتي حق دبي و كانت قبل رمضان بأيام

كانت قصيره بس حيل حلوة و لو اني اشتقت وايد حق الكويت  و اللي فيها


واااي المناظر اللي كلش ماحبها :p



ادوخ من لما اشوف جذي ماحب اقعد يم الدريشه

و هني لما وصلنا بالسلامه
لووووووول هاذي السايقه مالت التاكسي



قعدنا في سيتي سنتر
اول ما وصلنا يلا يلا الفراش



و بعد النوم الاكل

امبي زاد وزني وايد من هالسفره مع اني كنت امشي وايد بالسوق

بس اغلب الوقت اكل :p


وعقبها نطلع
ركبنا المترو يونس



سامحوني عالقصور الصور مو مرتبين
تصبحون على حب :)

الخميس، 18 نوفمبر، 2010

رمضان الياي :p

هاااي شلونكم

عيدكم مبارك و كل عام و انتو بألف خير


ولو اني موحاسه انها اجواء عيد الوضع وايد عادي


ناطره رده ابوي  من الحج الله يرده بالسلامه صج مكانه كبير


الحين مافي قوانين بالبيت كلش موحلو

..........

ليش الحين توني اذكر ان عندي وايد اشياء حق الدوام

وتسليمها اول اسبوع دوام بعد العيد :(

مو جنه العطله طارت بسرعه بسم الله مامدانا

._._._.
مسلسلات رمضان الياي

حسب ماوصلني

شكله عجيب احسه نفس اميمه في دار الايتام
مادري ماتابعته بس وايد ناس امدحوه

حياة الفهد احبج وايد بس الادوار اللي تاخذينها الفتره الاخيره
مادري شلون حدها عاديه 
عبد الحسين عبد الرضا ماشفناله شي هالسنه استغربت

................

عندي هوموورك اقوم احله قبل لا انسى

و عقبها الفراش العزيز

تصبحون على خير

اشوفكم على خير :)