الثلاثاء، 17 أبريل، 2012

ملاك اشتغلت و تزوجت و كبرت بس للحين ما عيلت :p

وايد تطورات أهمها الدوام و روتيني فيه 

صار شي غير حيل عن التدريب الميداني 

زاد نصابي من الحصص

صارت عندي شغلات مطلوبة من الادارة و القسم و التوجيه

اكتشفت ان مهنتي تتطلب وايد

كنت مفكرة أني أحضر يوميا و اشرح لطالباتي و أسوي امتحانات بس

مادريت اني أصير 5 أو 6 وظايف بوقت واحد

أحيانا سكرتيرة و أحيانا مشرفة و أحيانا مصححة و أحيانا .. و أحيانا معلمة

لووول

بنفس الوقت لازم أدخل دورات صباحية و مسائية 

و أحضر ورش مدراس أخري 


غير الطلبات الخاصة بالتوجيه و الورش الخاصة فيني 


بس الحمدلله على كل حال 

من أسبوع كانت عندي معاملة ببرج التحرير

لما دخلت و شفت حال الموظفين مساكين و اللوية و الازعاج اللي يقعدون فيه يوميا 

أقول ألف الحمدلله :)


ميخالف بوست سريع و بدون صور 

لانه لابتوب شغل الدوام :p

أراكم على خير 


محبتكم :)ملاك   

الثلاثاء، 4 أكتوبر، 2011

مساء الخيرات :)

أخر بوست نزلته كنت توني متخرجة

و اليوم أنا مدرسة بأحد مدارس المتوسطة على قولة أخوي صرتي أبلة صجية الحين

:p


قبل لا نبلش دوام بالمدراس كان عندي دورة لمدة اسبوعين للمعلمين الجدد
بعدها رحت مدرستي
عندنا نظام البصمة

مكتبي
أول يوم دخلت على الوكيلة سلمتها أوراقي قتلها تعيين يديد طالعتني من فوق لي تحت

لووول وقالتلي عبالي طالبة

مسؤولية الحين أكبر وايد من الميداني 

وعندي اشراف 3 صفوف تحت وانا مكتبي فوق 

بس قلت احسن عشان احرق 

الاكل بالدوام خراااااااااب 

بس لازلت مسيطرة عالوضع 



:)

اشوفكم على خير  

الأربعاء، 1 يونيو، 2011

تخرجت !!!

اي اي اي و الله و تخرجنا


انا لما الحين مو مستوعبة ترا و احس اني ناسية آخذ مادة أو شي

وايد أحداث مريت فيها هالكورس منها الزين و منها الشين

خلصت من الميداني و كان حده متعب و حلو بنفس الوقت

بنات سادس سوو فلم هندي اخر يوم

فاقدتكم حبايبي


لووول خطي يضحك صح؟
____________________________ 

اجتماعاتنا الاسبوعية أنا وقروبي عشان مشاريعنا

اليوم كانت مناقشتنا و و خلصنا على خير الحمدلله


_____________________________________
حاشني التهاب بالوتر الظاهر من كثرة التصليح وقعدة الكمبيوتر على كلام الدكتور

_____________________


وخلصنااااااااااااااااااااا

كان في مشروع حفلة نسويها بصالة بس للاسف البنات ما اتفقو

طلعنا اليوم انا مع 3 من اعز رفيجاتي واحتفلنا بتخرجنا بروحنا

ورحنا الأبراج




تغديناا مع بعض

وكانت القعدة وايد حلوة و هدوء ما كان في ناس وايد

انشالله تتكرر و نظل نشوف بعض على طول يا احلى رفيجات


_________________________

اخر شي بقوله اني صرت خالة للمرة الثانية

و هالمرة بنوته و سموها على اسمي

احس أن وايد اشياء بتتغير واني داشة على حياة يديدة

:)

الله يوفقكم كلكم واللي ماتخرج يتخرج

هذا باختصار عن اللي عشته بهالكورس

وانشالله بفصل بالحجي بالبوستات الياية

أشوفكم على خير :)


الأربعاء، 30 مارس، 2011

يوم طويل


مساء الحب


اليوم كان طويل بالمدرسة

وشغل وايد باجر حفلة المتفوقات

البرزنتيشن عطوني اياه السلايد شو و البوربوينت وبرنامج الحفل

وخلصته بالوقت الحمدلله و عجبهم


الصراحة وايد قاعده افكر بعد الميداني راح اكمل بالتربية أو لا

فيها متعة وبنفس الوقت تعب

ويعتمد أكثر شي على الراحة بالمدرسة و القسم و الادارة

واختم فضفضتي اليوم بولد اختي

لما ارد من الدوام و اكون تعبانة بس شوفته ترد روحي

وترجعلي طاقتي مرة ثانية




انا بغيته مبجر عشان ابلش مو قبلها بيوم بس هذا للي صار

وغير هذا في حصتين لازم احضر مشاهدة 

و معطيني امسك احتياط 

و يبوني اخذ صفوفي حصص اضافيه
 :S

كل هذا وانا دوامي لما 12:30

المهم كننت شغاله على البوربوينت من الصبح و خذيته معاي الاحتياط












تصبحون على اخر يوم بالاسبوع

و happy weekend

اشوفكم على خير :)

الاثنين، 28 مارس، 2011

مساء الورد


هالكورس عندي تدريب ميداني باحد مدارس المتوسط

عشان تعرفون ليش لاهية عنكم
 :p

عندي مرحلتين سادس وثامن

أول يوم طبعا كان الرعب كله

طبعا تحضير وطابور ومناوبات وتصليح

يعني ماعندي وقت و غير هذا بس اخلص

بعض الأيام فيها محاضرات لما 4 العصر

و عندي يوم اقعد مع المهندس عشان مشروع التخرج

 التعامل مع البنات: وايد احتار بعمرهم لاهم صغار ولا كبار فترة انتقالية احسها صعبة.


التحضير:نوعا ما ماشي الحال وقاعدة أسوي كل شي بوقته ولو ان ضغط.

يوم الكارثة:اللي كان أمس كان المختبر فيه صف

 فاضطريت اخذ غرفة العروض وشلت اغراضي

و رحت الداتا شو موصل على جهاز فدخلت الفلاش

بس حسيته وايد بطيء واشيله واحطه بلابي

 واكتشف ان حايشه 2 فايروس و مايشتغل شي

و البوربوينت و الفلاش كلللللللللل شي بحححح

المشكلة :
1. الدرس حدددده طويل .
2. الصف وايد شياطين و يضيعون وقت الحصة.

بس شرحت الموضوع حق المشرفة و المدرسة الأولى لانهم كانو حاضرين عندي

بس الحمدلله رقعت السالفة و عدت على خير

ويقولون مابين علي اني مرتبكة



:)






واختم بوستي بصورة الحلوين

هذيل بنات ابلات ايون من الروضه عند امهاتهم نهاية الدوام


حيااااااتي حيل حبيتهم

ونشوفكم على خير :)

السبت، 26 مارس، 2011

العاصفة الترابية عندنا

  الحمدلله على كل حال و الأمور عدت على خير بعد يوم عصيييب 

التلفون ما طاح من ايدي و ولد اختي مسكين عندنا توه شهرين و مختنق

وبنت عمي اخوها مسوي عملية و نايمه عندي و خايفة يصير فينا شي وتقول

ملاك سامحيني وانا @@ على شنو يما شفييج تقولي اخاف اموت و انا زعلتج بشي

حياتي وانا عبالي تتغشمر واطفرها اقولها ماسامحج جان تبجي جان ألمها

 والمصيبة الكبيرة اني قايلة حق الخدم دخلو قفص الطيور ( زوبا و زوما و أخوانهم ) المهم 

على ما استقرت الاوضاع شوي رحت اتجول بالبيت اجيك و والا ادورهم ماكو 

@@@@@@@@@@@@

والا حضرتهم ناسين يدخلونهم زين لحقت عليهم 

---------------:::::::::::::::::::-------------------

والسالفة الثانية الحين 

اختي وريلها كانو بدبي و بردتهم انعفس الجو 

وقالو راح ينزلون بالدمام 

هالحجي من 7 المغرب 

دقو 10 الصبح معصبين 

السعودية مارضت ينزلون و طول هالوقت طايرين بالجو 

ناطرين اذن عشان ينزلون :@

والحين يبون يردون ومحد معطيهم ويه 

الله يردهم بالسلامة مسكينة تحاتي ولدها وريلها عنده دوام 



_______________

طبعا سوري عالقطيعة الطويلة  و انشالله البوستات الياية تعرفون شلي شاغلني 


أشوفكم على خير   

الأربعاء، 2 فبراير، 2011

صباح الخير


كالعادة سهرانه عشان البيبي


بس اليوم جد قاعدة احس بارهاق

يعني من انزل الصاله ملاك سوي جذي ملاك حطي جذي


فلانه بتيي و ريل اختي هني

................


المهم هالايام صرت اتابع التلفزيون وايد

وايد برامج و اشياءات اول مره اشوفها

بالجو العائلي وايد وناسه

قبل جم يوم قاعده افرفر بالقنوات و طحت على شي

 loool

شوفو ماسك ميكي ماوس مادري شكو

و كان يتحجى عن الاوضاع بمصر

......................

على طاري الاوضاع

ترى صاير بالبيت ماكو غيري تخيلو غدا وعشا علي انا

واذا نقص شي حق الطبخ انا اللي اروح اييبه

صج تعب بس احس قمت اعرف اسوي اشياء مع بعض

لا وسويتلهم ورق عنب كلهم استانسو عليه و كنت بصوره

بس رحت ورديت ماكلين نصه لووول

وهاذي سلطه جرجير و جبن وايد يحبونها بعد



:)


وتصبحون على خير

اتمنالكم يوم حلو