السبت، 26 مارس 2011

العاصفة الترابية عندنا

  الحمدلله على كل حال و الأمور عدت على خير بعد يوم عصيييب 

التلفون ما طاح من ايدي و ولد اختي مسكين عندنا توه شهرين و مختنق

وبنت عمي اخوها مسوي عملية و نايمه عندي و خايفة يصير فينا شي وتقول

ملاك سامحيني وانا @@ على شنو يما شفييج تقولي اخاف اموت و انا زعلتج بشي

حياتي وانا عبالي تتغشمر واطفرها اقولها ماسامحج جان تبجي جان ألمها

 والمصيبة الكبيرة اني قايلة حق الخدم دخلو قفص الطيور ( زوبا و زوما و أخوانهم ) المهم 

على ما استقرت الاوضاع شوي رحت اتجول بالبيت اجيك و والا ادورهم ماكو 

@@@@@@@@@@@@

والا حضرتهم ناسين يدخلونهم زين لحقت عليهم 

---------------:::::::::::::::::::-------------------

والسالفة الثانية الحين 

اختي وريلها كانو بدبي و بردتهم انعفس الجو 

وقالو راح ينزلون بالدمام 

هالحجي من 7 المغرب 

دقو 10 الصبح معصبين 

السعودية مارضت ينزلون و طول هالوقت طايرين بالجو 

ناطرين اذن عشان ينزلون :@

والحين يبون يردون ومحد معطيهم ويه 

الله يردهم بالسلامة مسكينة تحاتي ولدها وريلها عنده دوام 



_______________

طبعا سوري عالقطيعة الطويلة  و انشالله البوستات الياية تعرفون شلي شاغلني 


أشوفكم على خير   

هناك تعليقان (2):

Amwaj يقول...

يا هلا وغلا وين هالغيبة يبا ؟
تتغلين علينا يعني ؟؟

سكتي آنا للحين الكحة معلقة معاي ومتعبتني
يا عمري مختنق من الغبار, الله يعينه والله
إذا الكبار ما تحملوها تبين الصغير يتحملها

إن شاء الله ما تتكرر هالعاصفة

وبسج غياب, ترا ولهانين عليج :)

malak يقول...

حبيبتي موجودة بس لاهية و يايج بوست قريبا عشان تعرفين ويني :p



والله وايد ناس تعبانين من الجو


بس الحمدلله على كل حال عدت على خير


:) مشكورة حياتي