السبت، 30 أغسطس 2008

حادث بسيط ...:(

مساء الخير جميعا ... :)
أول امس طلعت مع اخوي الصغير وديته الجمعيه عاد ابوي كان توه مصلح السياره
عاد بطريج الرده احم احم دشيت بطوفه :(
الحمدلله عدت على خير زين اخوي ماتعور بس المشكله الاكبر ان اخوي هاذا فضيحه
انا صار جذي قمت ابجي جني ياهله و لما ردينا البيت طبعا نشر الخبر فشلني :(
و السياره شوي تكسرت و شوي قامت تنزل دهن :s
و الحين جاري البحث عن سياره :D
ناويه اخذ سياره مستعمله و اكسرها على كيفي :p
شنو تنصحوني اخذ ترى ماعندي خبره بهالسوالف :(

هناك 3 تعليقات:

Ducati يقول...

يعني انتي الحين خليتي كل شي ورحتي دعمتي طوفه

خو طعمي درام زباله دعمي رصيف اي شي

:)

انا اقول اخذي sunny وكسريها على كيفج اخرتها sunny ما تتحسقين عليها

malak يقول...

احم احم

المره اليايه ان شاء الله :p


مممم و الله للحين قاعده ادور بس كل ما تعجبني سياره يقولولي كبيره عليج او قطع غيارها غاليه


و جاري البحث ...

joe يقول...

اخذيلج كامري او سني مثل ماقال ديكاتي هذيله السياير ملوت استهلاك وينقطون مامنهم فايده او من جريدة الوسيط يمكن تحصلين

جان رقعتي وقلتي انا وصلت صوب السياره جان اشوفها مدعومه وقولي حق اخوج اذا مافتنت اوديك الجمعيه مره ثانيه