الجمعة، 23 يناير 2009

شفيني ؟؟

مساء الخير ^_^


شفيني ؟؟ و الله مادري
احاول قد ما اقدر اني ما افكر هالايام

ابي حياة يديده خاليه من اي مشاكل
من اي ناس مالهم هدف بهالدنيا الا ينطرون الزله مني
ناس مالها معنى ووجود بحياتي


ابي اقعد بروحي مع كتبي
مع رفيجاتي القراب
مع كل شخص يهتم براحتي بوقت كنت اتعذب بروحي
ابي اطلع مع امي و ابوي مادري مفقتده هالجو :)

مليت من روتيني
هالعطله ودي اسوي شي
ان شاء الله بدش دوره نادي اي شي بس ماودي اقعد جذي تضيع العطله بدون فايده
>> اي الحجي اللي ينقال كل سنه
لوووووول

اي انقذوني قبل لا اتعود على عفيسه العطله بعدين ماكو امل اتعدل :D

ياااربي الشي الوحيد اللي قاعده اسويه اني اسهر عالنت و التلفزيون حتى رفيجاتي مادري شفيني بالعطله اقطعهم لووول
و ماسكينها علي ما تنامين الا الصبح و
امي

آآآآآآآآآآآآآآآآآآه
لا هاذي يبيلها بوست بروحه
يمااااااااي حده بس بس :(
اليوم كنت بالصالون مع امي
و اهي تسولف مع الهنديه اللي هناك بسم الله الانسانه بس سألتني جم عمرج
امي الله يهداها قامت تطلع اللي بقلبها
هالبنت ميننتني شوفيها شلون ضعيفه اول كانت زينه الحين ما تاكل
و الهنديه : ليش هبيبتي انتي زئيف موجين بعدين دوووخ
ملاك :@ : ا ي اي
امي تكمل : اي و الله و لا تسهر بعد ماتنام الا الصبح لا و تسوق انا اخاف عليها
يمااااااااا تكفين بس
لا امي ما اكتفت : كلا تدوخ و جم مره تطيح ماكو دم
الهنديه : لالا مو جين انا اكو اتنين بنتي جسم جين بس دم ماكو
امي : اي فيها فقر دم لا و تروح نادي بعد مع رفيجاتها
الهنديه : آآآآآآ هادا فريندز مشكله
>> يما تكفين من متى ما طبيت النادي ؟؟
امي ما خلت شي ماقالته و هاذي حالتها حتى الدكتور اللي بس يشوف نتايج التحاليل تفشلني جدامه :(
ليش انا شمسويتلج يماااا


امس خلصت كتاب زيارات ليليه (عبدالوهاب السيد)
واايد عجبتني القصص و انصح كل واحد يحب روايات الرعب ان يقراه جد هالكاتب روعه
:)

و توني باديه بكتاب يوم الحدث (خالد النصر الله )


*^*^*:همسه : *^*^*
لا تضيعون وقتكم بالتفكير بأي شي يكدر
استانسوا و حاولو تتمتعون بكل شي حولكم


اشوفكم على ألف خير
اختكم : ملوكه ^_^

هناك 16 تعليقًا:

3bady يقول...

نصيحتي لج دشي نادي صحي و واجهيي امج اذا ما قدرت خلاص ماكو امل :)

بس المهم تبررين موقفج

و على طاري الفقر دم بسيطة كل يوم شربي عصير برتقال طبيعي من الصبح على الريج و الدم ان شاالله بصير اوكي

و على طاري التكدر و الملل حطي هدف و صممي عليه و اشتغليي من قلب و اقنعيي امج صدقيني بعدين بتحسيين براااااااحة انج قدرتيي تسوين شي حاطته ابالج

و بعد شنو فيه نقطة طوفتها ممم رفيجاتج الي ما ترتاحين لهم لا تقطعينهم كلش بس سئليي علشان لا يقولون انتي ما تسئلين

جني قرقت وايد :)

joe يقول...

ايي عاد هالسوالف خليها عند خوويج عبااادي ماشاء الله اهوه حق الامور هذي فاهمها

تصدقين الواحد مل زهق من الحياة يعني الغلط يطلع من الانسان مهما يكون قصده شريف ونيته بيضه يطلع منه شي غلط


تصدقين خالد النصر الله وحشني شنو اخر اصداراته ؟

malak يقول...

3bady


اي و الله يبيله نادي صحي بس المشكله امي ماتبيني اضعف لووووووول بس بحاول اقتع الوالد


و ان شاء الله ودي ادش دوره او اتعلم شي يديد بدل القعده


اي و الله الناس اللي مارتاح لهم مجبوره اجامل بس المشكله انا كل شي اسويه من قلبي و اذا جاملت يبين علي



لا بالعكس عبادي رديت على كل نقاط الموضوع تسلم اخوي :)

malak يقول...

{~المباركية~}


اي عبادي ماقصر :)


اي و الله المشكله حتى لو الشي ايجابي الناس تفسره بألف شي سلبي



و بالنسبه للكاتب خالد النصر الله عنده اصدار يديد ( يوم الحدث) توني باديه فيه ووايد حلووو:)

Manal يقول...

مساء الخيرات
ملاك
:)

اسطوانة يرددونها الغالبية عن سهر هالجيل
وصحتهم السيئة و..و...و
وما نخلص

والجيل يقول
ملل
ماكوشي نسويه
وروتين

ما تصدقين اذا قلت لن هذا الموضوع اقصد بالمضمون قريته هالايام في مدونات مختلفة

توهم مخلصين امتحانات ومافي شي يسوونه

:)

عادي هذا شي طبيعي
لان نادرا ما نلاقي احد من الكبار الي ممكن يكونون قدوة يستفيدون من وقتهم
الكل مثل مثل

طلعات
وسوالف
ومولات
واكل

:)

انتي شكلج ممكن تبدعين
حاولي تشوفين شنو تحبين

النادي؟

سجلي فيه
الناس ما تروح النادي علشان الريجيم بس
فيه استشاريين ينصحون الضعاف يدشون النادي


والحلو فيج
ان تقرين كتب
وهذا شي نادر بالجيل الجديد الصراحة

هالايام الكل على الموضة
والموضة تشري وتكشخ ومطاعم

:)

الله يوفقج
حبيبتي
وسلميلي على الوالدة
هذي الغالية مهما يكون
الام شي ما نستغني عنه

وهي راح تتفهم مشاعرج
:)

malak يقول...

Manal



اهلييييييين منال


اي مو شنسوي بالعطل فراغ كبير و ما ودي اضيع هالوقت دام في مجال اسوي فيه شي ينفعني


ان شاء الله بشترك بدوره او نادي

جاري البحث ...


وا مي على بقلبي و على عيني و راسي

و ادري تقول جذي من خوفها علي

بس انا لازم افضفض عشان لا ازعل منها مره وحده :p



و اسعدني تواجدج منال ^_^

Paris يقول...

المشكلة الامهات كله جذي اذا يتحجون ع عيالهم ما يسكتون و اذا فتحوا مؤتمر يالله ينصك .. و من ناحية انهم يبيلهم بوست كامل الا صج
بس مهما كان الام تخاف و تحن ع عيالها و مهما كان الي تقوله اهوا في صالحهم و من خوفها عليهم .. و تقدرين تدشين نادي لان حتى الضعاف ينصحونهم انهم يدشون نادي عشان يحصلون ع استشارات و غيره :)

Hashimoto يقول...

سلام

غير النادي ترى في اماكن الواحد يروحها .. في مثل شركة او شي جذي اسمها لوياك ... توظف الشباب بمختلف الاماكن .. ((اذا حابة تشتغلين ))

واذا تحبين الرسم .. في وايد دورات تحصلينها هالايام .. فتقدرين تطورين من نفسج بالعطلة
وعلى طاري الدورات .. في دورات متنوعة .. مثل التصوير الفوتوغرافي .. سوالف كمبيوتر .. واذا تحبين العلوم .. في النادي العلمي سوالف كيميا واحياء

بعد عندج سيارة تقدرين تروحين هالاماكن ما يحتاي تدورين توصيلة
P=

المشكلة ان بس هالشغلات الي ممكن افكر فيهم
نادي \ دورة \ شغل ..
والباجي : سينما \ اكل \ فرارة بالاسواق

انشالله تتوفقين وتلقين شغلة تستثمرين فيها عطلتج
^__^

======

ترى الامهات دايما جذي .. من حبها وخوفها عليج تقول هالكلام ..
لوول حالج حال اختي بهالمواقف

x)

malak يقول...

Paris





اي و الله امي يبيلها بوست كامل :D


بس لازم ما تمنعني عن الاشياء اللي بسويها لانها خايفه علي


انا لما دشيت النادي كان عندي مشاكل اثرت علي و خلتني ما اكل كللللش فاهي الله يهداها عبالها ان من النادي

malak يقول...

Hashimoto



و عليكم السلام

المشكلة ان بس هالشغلات الي ممكن افكر فيهم
نادي \ دورة \ شغل ..
والباجي : سينما \ اكل \ فرارة بالاسواق

انشالله تتوفقين وتلقين شغلة تستثمرين فيها عطلتج
^__^



اي و جاري البحث ...

>> انا خايفه من هالقعده و البيات الشتوي اني امتن و اصير دبه

و امي كل ما قتلها مو جني متنت شوي ؟ تزفني تقولي لاوين يعني حتى لو صرت دبه :S

غير معرف يقول...

انا بعد للحين اخطط شنو بسوي في العطلة و للحين مو عارف شبسوي ، بس انتي تقدرين تروحين النادي تقضين الوقت عن القعدة بالبيت و بالنسبة حق فقر الدم اكلي اشياء غنية بالحديد مثل الجبدة و بعض الخضرة و حاولي انج ما تشربين القهوة و الجاي وايد لانه يقلل من امتصاص الحديد اتمنى انج تستفيدي من بعض النصايح الي قدمتهم لح
و شكراُ..:)

malak يقول...

John



عاد تصدقين احلى شي الجاي و القهوه ما استعغنى عنهم :D


حياج الله حبيبتي

@alhaidar يقول...

بصراحة بوست ملخبط .. بس حلو :))

لفتني بالملف إن حضرتج من متابعين عبد الوهاب .. وأنا أمس قاري كتابه الأخير .. فقلت أدش أسلم :)

عموما بالتوفيق أخيتي .. وإلى الأمام دائما :)

malak يقول...

أحمد الحيدر





الله يسلمك

اي عبد الوهاب السيد مبدع لابعد الحدود و كل كتبه روعه



تسلم عالرد :)

TruTh يقول...

انا امي هم جذي لما نسولف مع احد تبط الجربة لوول

اكو امهات نوعهم كتومين و اكو امهات نفس امهاتنا يعتبرونها فشة خلئ
:)

بالنسبة حق فقر الدم
انا هم وايد يحوشني فقر دم

اشتري هذي الحبوب:

Trihemic

اهما حبوب حمر شوي كبار و يرفعون الحديد بسرعة

و بعدين امج صاجة عن وزنج اذا وزنج ناقص لازم تزيدينه عشان صحتج تصير زينة

ما اقصد تصيرين متينة لا بس يكون وزنج متناسب مع طولج

انا قاعدة احاول ازيده و ماني قادرة
:(

و تحياتي لج

malak يقول...

TruTh



اي للاسف امي من هالنوع :p


انا يتني فتره صج ما كنت اكل و كل يوم طايحه بس الحين صرت احسن بس امي الله يهداها تعقدت :p



تسلمين على ردج :)