السبت، 31 يناير 2009

هند...

مرحباااا


بما ان الامتحانات كانت معاناة


و طول هالفتره انقطعت عن رفيجتي فوءة


فقررنا ان نطلع البحر


لقيتلي خوش سالفه علقت عليها لووول


شوفو الصور و انتو تعرفون


تصوير : فوءة














شالهند اللي ميننته لوووول


ترى في وايد طرق عشان يعبر عن حبه ابسطها ورده
مو توسخ الدنيا :@



و يبون الكويت تصير دوله سياحيه

انا صرت وحيده :(

انام 9 الصبح و اقوم وقت صلاة المغرب

لا اتريق و لا اتغدا مع احد من اللي بلبيت

بس العشا لووووووول

أبوي كل يوم يقط نغزات و انا اعصب من صجي

اقوله عطله لازم اسهر عشان احس بطعمها :D

اليوم رحت الافنيوز بس حدي كنت مقفله

البيت صاير هدوء محد يقدر يناقز على كرفايتي و يقعدني

لان اخواني الحلوين مو هني رايحين البر

صج اني مفتكه من حنتهم بس هم حدي اشتقتلهم و ميننتهم باتصالاتي

حتى اخوي الاصغر زفني يقولي انتي امي ؟؟ شتبين كل شوي تدقين

تؤتؤ

تدرون شنو ودي اسوي

ابي اسوي بيات شتوي طول العطله :D

بس شيفكني من حنه امي

في مره حسيتو انكم ناوين تقعدين و في عشرتعش شي ابالكم تسوونه

بس اييكم مره وحده صداع و سخونه يتسلطون و يخلونكم تنامون؟؟؟

و اشوفكم على الف خير ^_^

هناك 13 تعليقًا:

ANGEL HEART يقول...

ماتشوفين شر ان شاءالله

وللحين الاجازه بدايتها واستانسي فيها

joe يقول...

ماتشوفين شر

شدعوه هالكثر يحب هند ترى مو اهوه اول واحد واخر واحد يحب حتى احنا حبينا

يالله عاد هالعطله لازم نحرقها عدل ونقز بالشوارع قز

haPpEy holiday

malak يقول...

ANGEL HEART



الشر ما اييج


ايييي احلى شي الاجازه :D

malak يقول...

{~المباركية~}



الشر ما اييك


اي لوووووول هاذي جولييت مو هند :p


عطله سعيده حق الكل :D

Ducati يقول...

لووول هذا هند لاعبه بحسبته الله يسلمه

شهالحب بس

اما مشروع البيات الشتوي ترا من انجح المشاريع الي ما قدرت اطبقها طول فترة حياتي

:)وسلاماتووو حجيه

malak يقول...

Ducati



توه نور البلوق ديكاتي


و جاري المحاوله بمشروع البيات الشتوي :)

Hashimoto يقول...

كااااااااك
والله هالهند ذبحتني من الضحك
xD

يبا الريال حاب البنت وايد .. خلوه يعبر عن مشاعره تجاهها
x)


"حسيتو انكم ناوين تقعدين" ===> حلوة هذي
P=


تصدقين هالشغلة وايد مرات تصير فيني وتحوشني حالة نكد .. حتى ماقدر اطالع اللابتوب
كل جسمي يعورني

غير معرف يقول...

كل هذا حب عشان هند الله يداه
صج مثل ماقلتي هاي مو هند هاي جولييت حتى جولييت ما عبروا بحبهم بهالشكل في الشوارع و الطرجات
و ما تشوفين شر و هابي هوليدي

malak يقول...

Hashimoto


من الحب ما قتل شفيكم :p


لوول ما انتبهت عالبدليه :$


نورت البوست ^_^

malak يقول...

John



ما تشوف شر و هابي هوليدي حق كل الطلبه ^_^

كبرياء وردة يقول...

يلا خل يعيد الملحمة ونسميها مجنون هند

اي والله حلاة الاجازة بالسهر

انا بعد فاقدة اخوي اليوم الصبح يه عندكم

ديروا بالكم عليه تراه بزر

malak يقول...

كبرياء وردة



يقولون من جن بالحب فهو عاقل و من جن بغيره فهو مجنون :p



حياه الله :)

Funny Q8i يقول...

انا ودي انام اسبوعين ثلاثة

جان زين

اقعد من النوم

الا الجسم سمبتيك

والبال صافي

والمعاش نازل p;

وتحيّاT