الثلاثاء، 17 فبراير 2009

توأم روح ...

مساء الخير

شلونكم عسى بخير

انا آسفه غيرت اللنك لظروف طارئه :)

بالنسبه حق هاليومين نومي شبه متعدل يوم اسهر و يوم مبجر لوول
الحين بنتقل للموضوع الاساسي اللي اهو عنوان البوست
.......
صادفوني وايد بحياتي

وايد من رفيجاتي كانت اوضاعهم مثلي و تشابهنا بوايد اشياء

يعني ممكن بالترتيب بالاسره او الاسماء و او بعض الاشياء اللي نحبها

بس

اول مره تصادف ان وحده من رفيجتي دايم تغلط و تناديني باسم ثاني

و ارد اقولها يا بنت الحلال ليش ليش كلا تنسين اسمي

تدرون شترد علي

تقولي نفس بعض شسوي اقولها منو تقولي وحده نفس طريقه توبكج و الصور

اللي تحطينهم وا نا اوكي اوكي

و بيوم من الايام قالتلي لازم اعرفكم على بعض

لان انتو







توأم روح



في البدايه ضحكت و قلت تبالغ


بس لما ضافتني معاها امبي تعرفون شلون لما تتكلمون مع روحكم

نتشابه بوايد اشياء

نحب نفس الاشياء

من اول ماكلمتها جني اعرفها من زمان

ترى من احلى الاشياء اللي تكون عند الانسان ان يكون عنده انسان يفهمه

و هاذا يتراوالي السبب اللي يخلي اغلب الشباب و البنات تكون

علاقتهم بأصدقاهم اقوى من علاقتهم بأهلهم

بس الاصدقاء مو كلهم ثقه مرات يكون شخص يستغلك

و انت على سذاجتك


و تفتح قلبك بكل شي و بالنهايه تندم

و يمكن تحط على الصداقه بكبرها بلوك

بس الصداقه اطهر و احسن من ان يكون فيها استغلال

لان الاصدقاء ناس انت تختارهم عشان يكونون معاكم بأحزانك و افراحك

من جذي اختارو عدل :)
انزين سؤالي الحين
في احد منكم في شخص بحياته يقدر يسميه توأم روحه ؟؟؟

هاذا البوست اهداء حق توأمتي الروحيه

و اقولها سووري عالقصور و الموضوع المختصر :)

اشوفكم على الف خير ^_^

هناك 23 تعليقًا:

TruTh يقول...

ماشاءالله انتي محظوظة حصلتي صديقة تشابه أطباعج ،الله يديم صداقتكم يا رب

الصداقة شي ما يتقدر بثمن

انا عن نفسي عندي صديقة قريبة مني و ثقتي فيها مالها حد و احبها و ارتاح لها حيل و في تفاهم كبير بيننا لكن شخصياتنا مو متطابقين 100%

و تحياتي لج عسولة
:)

malak يقول...

TruTh






:) اي و الله اهم شي الصداقه

تسلمين حبيبتي



و الله يخليكم حق بعض ان شاءالله انا عندي رفيجات متوافقه معاهم بس مو بالضبط
و هم علاقتي قويه فيهم :)

Mesh يقول...

قديما قالوا ان المستحيلات ثلاثة

وهى العنقاء

و الغول

والخل الوفى << واذا وجد ف اعتقد لازم يتسمى توأم الروح لان مو اي شخص .

ولما تقولين توأم روح معناتها ان صديقه من كل النواحي والله يخليكم لبعض :)

TruTh يقول...

اختي ملاك بما انج غيرتي عنوان صفحتج بعطيج فكرة عشان لا الناس اللي متعودين يدشون بلوقج يضيعون و طبعا الفكرة قريتها في موقع بلوقر لأن انا هم مرة قبل غيرت عنوان صفحتي

سوّيلج ايميل في قوقل و عقبها سويلج مدونة يديدة وخلي الرابط مالها يكون نفسه عنوانج القديم و عقبها نزلي بوست بالمدونة اللي سويتيها و كتبي بالبوست ان انتي انتقلتي و غيرتي رابط مدونتج و حطي الرابط مال مدونتج الحالية و بجذي محد راح يتلخبط و كلهم راح يعرفون يوصلون لج

ان شاء الله اكون قدرت افهمج و اذا ما فهمتي قوليلي

ويعطيج العافية

malak يقول...

Mesh





تسلم اخوي


و الله يخلي لك كل احبابك :)

malak يقول...

TruTh



و الله خوش فكره


بس ما تنفعلي ^_^


لان في ناس مابيهم يعرفون عن بلوقي :)

مشكوره حبيبتي عالفكره ماقصرتي

Ducati يقول...

مرحبا :)

وانتي شعندج بالله مغيره اللنك ها

ترا بعضج

لوول

وسالفة توأم الروح هذي للحين ما حصلت واحد مثلي وايد مو خبرج انا سبيشل ايدشن

:)

Mr_CHoCoLaTe يقول...

لقينااهاا

احم اي هي هي

ديكاتو مو بس انته حتى انا مالي مثيل هي هي

و صج و لا مره حصلت احد مثلي ما ادري

اذا في احد و انا ما ادري قولولي هي هي

باي

Paris يقول...

ماادري بس مااحب ان يكون في احد متشابه في تصرفاتي و الي اسويه اهوا حلو واحد يفهمج بس عاد مو نفس الشي يعني يختلفون الصفات شوي حلوو و يكون في تفاهم بس بعد مااحب احد يقول لي توأم يعني انا و اختي كل مكان نروح عبالهم توأم معنه مو ذاك الشبه بينا اصلاً احنا نسال بعض نتشابه تقول لي لا مافيه و لا شبه بينا و صادفتنا مواقف وايد مع الناس عبالهم توين بس هم بعد نختلف في التفكير شوي و احيانا تطلع منا كلمات او افكار مثل بعض يعني بالغلط لمه نتكلم مع الاس يطلع نفس الحجي ثنتينا جنها تقرا افكاري

Paris يقول...

الناس*

malak يقول...

Ducati



هلا ديكاتي


احم احم



ههههههههههههه


ان شاء الله تلاقي :p واحد مثلك ترى و الله وناااسه :p

malak يقول...

Mr_CHoCoLaTe



لوووول شفيييكم ترى وناسه لما في احد مثلكم :p




يسلموو عالمرور :)

باي

malak يقول...

Paris


انا واختي جذي بعد كنا


وايد عبالهم توم مع ان مانتشابه كلش


وحتى شخصياتنا غير

بس لما تكونين قريبه من احد مادري ليش الناس يحسون انكم نفس الشي



و الله يخليكم حق بعض انتي و اختج :)

Unknown يقول...

جميل

انك تجد تؤام روحك


ومن الاجمل انك تحافظ عليه

Hashimoto يقول...

سلاام
ها تغير اللينك @@

وناسة الواحد يكون عنده توأم روح يكون فاهمه بكل شي .

نشوف بالمستقبل يمكن نحصلنا توأم روح
=)

malak يقول...

محدش بيموت ناقص حلم



تسلم :)


شكرا عالمرور و الرد ^_^

malak يقول...

Hashimoto


احم احم اي



ان شاء الله تلقى توأم روحك ^_^

أنا - الريس يقول...

الصداقة شيء ثمين ولكن البعض يبعها بالرخص .. ربنا يخليكوالبعض

اقصوصه يقول...

انا بالنسبالي في

بس للاسف ربيعتي اللي وايد تشابهني

فيها صفه مب حلوه

جذووووووووووب !!

malak يقول...

MR.PRESIDENT



يسلموووو



و الله يخليلك احبابك :)

malak يقول...

اقصوصه



وي مشكله الجذب ماتقدرين تثقين بكلامها



بس حاولي انج تغيرين هالصفه اللي فيها بما انج قريبه منها :)

@alhaidar يقول...

الله يخليكم كلكم حق بعض :)

malak يقول...

أحمد الحيدر



و الله يخليلكم احبابك يارب



تسلم :)