هاي بلوقرز ...
انا رديت و نورت الكويت احم احم :D
طبعا اول شي بتحلطم منه اهو النطره استغفر الله ماحب انطر ...
قزرت الوقت و انا اقرى كتاب (يوم الحدث)
رحت من الصبح و اذن الظهر وا حنا هناك دخلت الحمام عشان ااتوضى و الا تييني فراشه (اللي تشتغل هناك )
قام تسلم علي و باستني لووووووول و الله اول مره اشوفها
يحليلها احسن من وايد ناس ما سلمو علي قبل لا اروح :p
................
صعدنا الطياره و انا احم احم لالا مااخاف بس شوي ادوخ اول ما تطير الطياره
طبعا اللي يقعد يمي يبتلش و كانت اختي طول الرحله حنه عليها :p
وخذيت جم صوره من الدريشه اللي كنت بعيده عني نوعا ما عشان ماحب اشوف الا لما نستقر شوي و تروح الدوخه
هذيله حق اخوي ديكاتي :D
الطريج كان وايد طويل من مطار جده لي مكه
وصلنا الفير
و اعتمرنا الحمدلله
بس كان زحمه واااااااايد
و عقبها رجعنا الفندق
خو على ايي الاسنسير يبيله ربع ساعهمن التعب الواحد بينام وماوده يقوم :p
هاذا لما شفته تذكرت البلوق :)
الصور وايد البوست الياي بكمل ^_^
اشوفكم على خير :)
هناك 14 تعليقًا:
الحمدلله على سلامتج و عمرة مقبولة ان شاء الله
صور السما واااااو تسلم ايدج و كل الصور الباجي حلوين بعد
شنوا اسم فندقكم؟ شكله راقي،عاد انا مو رايحة ولا مرة عمرة للأسف :( من جذي ماعرف فنادقهم،ابي اسمه عشان نسكن فيه اذا رحنا،
و عفية ادعيلي ان الله يكتب لي عمرة قريب
و يعطيج الف عافية حبوبة
الحمدلله عالسلاااامة ^0^
وتقبل الله اعمالكم
الصور عجييبة
نبي نشوف بعد
welcome back
=)
الحمدلله ع سلامتكم
تقبل الله اعمالكم :)
TruTh
الله يسلمج حبيبتي منا و منج
عيونج الحلوة :)
اسمه هيلتون و ان شاء الله تروحين قريب
و جدام الحرم على طول ننزل و نروح
الله يعافيج حبيبتي ^_^
Hashimoto
الله يسلمك
منا و منك ^_^
مشكور ان شاء الله الباقي بالبوستات اليايه :)
يسلمووو
Paris
الله يسلمج
منا و منج صالح الاعمال حبيبتي :)
اولا الحمدلله على السلامه
ترررى مادري شلون انتي كاتبه بوست ولا طلع عندي باللسته
احلى شي الطياره جنج داشه حديقة الشعب بس ارقى
شعليه ديكاااتي صااير ملك كله اييبون لك صوور غيوم
خووش سفره بالعاافيه
مشكوره
{~المباركية~}
الله يسلمك :)
ممم يمكن ما غيرت اللنك عندك
الله يعافيك
و الفال لك تروح
مشكوووور حياك الله ^_^
الحمدلله على السلامة ..
تقبل الله طاعتج وعمرة مقبولة : )
ENG.Sara
الله يسلمج حبيبتي
منا و منج يارب :)
حمدلله عالسلامة ملااك
وتقبل الله طاعتك
ياحظك زرتي بيت الله
وبس
بابل
بـابـل
الله يسلمك
منا و منك يارب :)
الفال لك تروح ان شاء الله
الحمدلله على السلامة>>و لو إنها متأخرة
و تقبل الله طاعتج
:)
₪ManaL₪
الله يسلمج منول
منا و منج يارب :)
إرسال تعليق