الخميس، 26 مارس 2009

الله يرحمها ...




هااااي كلكم



اليوم الخميس يعني المفروض عندي محاضرتين وحده 8 الصبح و الثانيه 3 العصر





بس انا من8 لي 4 بالكليه تخيلووو



بالبريك قعدت مع رفيجاتي و قالولي ما يسوى ارد اريح ساعتين و ارد العصر



عاد احم احم في سالفه بقولكم عنها



ادري بتكرهوني بس خل اقولكم السالفه


انا ما اكتفيت بزوبا و زوما و يبت اخت حقهم




بقت قطيوة صغيره من امهم لا تبون الصج بقت توم و رديت وحده بعدين


احم احم

يعني الام عندها اربع انا بس وحده خذيت ماعندي

يعني لو عندي مابوق عيال الناس
و اليوم قطوتي عطتكم عمرها
:(
اجرنا و اجركم
انا مجرمه ادري
انا مو زينه ضاق خلقي حيل مع ان صارلي بس جم يوم معاها
._/_.
انزين نيي حق الدراسه
صايره يعني
مع اني قايله بشد حيلي يعني لووول

البرمجه2 توني بديت اتذكر برمجه 1
و الoperating system كنت ادرس بدايه الكورس و الحين كلش
هذيل اكثر شي احاتيهم
شوفو على كثر ما اني احاتي ما ادرس مثل االاوادم :p
":":":":":":":":":
آخر الاخبار:-
بنت خالي وصلت من لندن و اقولها ألف الحمدلله على سلامتج يالغاليه و عقبال ماترجعين دكتوره
اخوي الصغير عبادي ألف مبروك عالليسن :D ان شاء الله ارتحت الحين
و نشوفكم على خير ^_^










هناك 18 تعليقًا:

Ducati يقول...

اول شي انتي مجرمه وشريره وما إلى ذلك

اشلون تاخذين الظنا من امه والله انتي لازم اعلم عليج حقوق الحيوان ما يصير الي قاعد تسوينه

لووووول اهم شي انج تقولين اهي عندها 5 وانتي ماخذه واحد

وعلى سالفة الدراسه اغلبنا جذي اول شي ننطلق بعدين نطق بريك معروفه القصه يا وخيتي

Hashimoto يقول...

ابي قطوة @@

عظم الله اجوركم جميعا لوفاة القطة المسكينة

--------

انتي تقولين قاعدة من 8 لي 4 .. شرايج اذا قاعد من 9 لي 6 ؟

وعندي بس محاضرتين .. بينهم بريك 4 ساعات

(( المحاضرة الثانية رسم هندسي 4 ساعات ))

الدراسة .. وما ادراك ما الدراسة .. مشكلة يوم نحاتي مادة ومالنا خلق ندرسها

=)

joe يقول...

انتي واايد قاسيه على القطاوه ;p
الله يرحمها

بانوراما يقول...

هذي حوبة الأم

خذيتي ظناها جان تموت قطوتج

الله ما يطق بعصا :P

Paris يقول...

الله يرحمها القطوة

و الحمدلله ع سلامة بنت خالتج :)

malak يقول...

Ducati



:( :( :(


انا لما قالولي ماتت قلت خلاص اردها حق امها احم احم


وعلى الدراسه السلام :p

malak يقول...

Hashimoto



اجرنا و اجرك :(




وااااي الله يعينك

انا هالكورس ماقمت اشوف احد بالببيت احس كل يومي ضايع بالكليه بس ارد انام و اكل او اطلع

malak يقول...

{~المباركية~}




انا ماكان قصدي :(

malak يقول...

بانوراما



انا امها :(


الله يرحمها

malak يقول...

Paris




الله يسلمج حبيبتي :)

AbWaBy يقول...

:)

مسكينة خنت حيلي يكسرون خاطري كل الحيوانات ..

وما عليه دفعت بلا عنج ..

موفقه حبيبتي ...

@alhaidar يقول...

الله يرحمها ..

ويطول بعمر الباجي :)

malak يقول...

AbWaBy


اجمعين حبيبتي :)

malak يقول...

أحمد الحيدر





الله يسمع منك :)


حياك الله

كبرياء وردة يقول...

الله يرحمها :(

عشان جذي ما احب اربي حيوانات

والف الحمدلله على سلامة بنت خالج

ويستاهل عبد الله اخونا

مبرووووووك

Abdulla Al Ameri يقول...

مرحبا و سهلا

بخبر عليج حقوق الحيوان لووول

malak يقول...

كبرياء وردة






الله يسلمج حبيبتي ^_^

malak يقول...

ظبياني



احم احم >_<

حياك الله :)