الاثنين، 30 مارس 2009

ما أحلى ان اكون في بيتي :D




مساء الخير ^_^







شلونكم عسى بخير :D





اول شي بتحجى عن امس كانت عندي مشاوير طبيه






انا طلعت الصبح و بنفس الوقت مره اشوف غبار قاعد يمشي شوي و الا يطق مطر خفييييييف





المهم من بين المشاوير رحت الاسنان لان عندي ضرس سالفته سالفه


و انا تعقدت يعني اروح حق ضرس يطلعون كل اسناني مو زينين و صرت اداوم عندهم :@




كرهت طبيب الاسنان و بروحي خوافه يعني مابي مابي ماحبهم




رحت امس قلت بس بشوف شفيه ضرسي انا طول الوقت عبالي ان حشوتي طايحه




بس طلع احم احم لا الضرس مكسور و لازم تلبيس و شكلي بنحاش احم احم


انزين اهو ماسوولي شي بس مادري الظاهر كان مبين علي اني خايفه


الدكتور عطاني التحويل قالي ترى محد مات من طبيب الاسنان


و شي بسيط ما يخوف جان اضحك و قتله اي اي ان شاء الله :p


وشكلها روحه بلا رده و الله اعلم






..........._*_..........




انزين اليوم شفتو الجو ؟؟؟




قمت الصبح ياني ابوي الله يحفظه قالي ملاك لبسي عدل ترى برد اليوم


و انا ماخذيت السالفه جد :S




و طول اليوم ارجف




و الادهى و الامر المطر اللي طق مره وحده و قوووي ووقت طلعتي من الكليه





و المعاناة اني تسبحت عدل انا و كتبي تلفوني سويجي كللللللل شي


و الله كل شي غرقت امبيييييي




ركبت السياره و انا ارجف و كل شوي امي داقه توصيني :p




لأن اول مره اطلع بروحي بالمطر و الوضع جذي




دقو علي قالولي اروح بيت عمي عن الزحمه بس دشيت منطقتهم ياني اتصال قالولي خف المطر يلا ردي :S




و امبي الزحمه مو طبيعيه يعني ترى انا دمعتي بعيني كنت وايد خايفه جني اول مره اسوق لووول :p




بس وصلت رميثيه ردت روحي :D




أخيرااااااااااااا دشيت البيت وناسه اكو امي ابوي و غدا :p




رديت بدلت ملابسي و طبعا لبست جاكيت شتيت :D و تغديت





و عقب الغدا شربت موكا و كليت احم احم ..





و نشوفكم على خير ^_^

هناك 17 تعليقًا:

TruTh يقول...

الحمدلله على وصولج بيتكم بالسلامة و عسى الله يحفظ لج الوالد و الوالدة

تصدقين انا امس متغطية في cover و فوقه كمبل خفيف و فوق هذا مثلجة من البرد،تخيلي اني من البرد ناديت امي تنقذني تشغل الدفاية!!!!!!!! عاد من جم يوم صكيناها لكن امس بغت تحوشني نفّاضة

وتحياتي لج :)

malak يقول...

TruTh



الله يسلمج حبيبتي :D


اي البرد بلش من امس تؤتؤ


الجو يمرض :s


حياج الله حبيبتي :)

كبرياء وردة يقول...

عوافييييي

احب هالجو حدددده عجيب واستمتع لما اتبلل من فوقي لتحتي بالمطر

malak يقول...

كبرياء وردة



الله يعافيج حبيبتي


اي جو رومانسي ^_^

Mesh يقول...

لووول اي مثل الحاله

قلت ها البس شتوي حق الكليه ولا لأ

جان لأ علبونا مابي اخرع الجو :p وكليتها

اما الجو ف مشالله ابداع وانشاللهة يطول .


وحمدالله عالسلامه :)

وجنه هذا الجسر مال الخالديه مال الهندسه اذا ماني غلطان (a)

Ducati يقول...

لووول الجو كان ابداع

الله يسلمج انا كنت طالع بنص جم فطقطقت لما قلت بس

قمت ارقص بريك دانس

:)

joe يقول...

لوول تو الناس عقب مادشيتي البيت شتيتي

عاد ودي بهالجو اسوق سيارة بروحي
حلم يتحقق وله لأ

لاايحوش طريج رميثيه جنج مسافرة
همن لو اروح من الجمعية لي بيتنا درب درب

Paris يقول...

الحمدلله انها عدت ع خير و رديتي البيت سالمه

تصدقين احنا طول هالسبوع مطر و قوي بعد بس مادري شفيه تبدل الجو الحين غبار حتى الاسبوع الي طاف كان فيه شويه مطر و الحين قحط كله غبار بس لي حين الهوا قوي

يعني القحط مو من زمان من اليوم بس لوول

علي يقول...

ياعيني عالجو انا امووووووت في الجو اللي ممطر وما احب اقعد بالبيت

يلا الحمد لله عالسلامة

Ra-1 يقول...

شنو هذا إلي بالصورة؟ روب؟

malak يقول...

Mesh



الله يسلمك ^_^


لا هاذا عند اشاره الدعيه :p

malak يقول...

Ducati




تؤتؤ :p



اي والله برد لازم نرد نشتي تؤتؤ

malak يقول...

{~المباركية~}



ان شاء الله يتحقق ليش لا ^_^


حياك الله

malak يقول...

Paris



لووووووول ^_^

malak يقول...

علي الملا



اي حلو اذا معاي احد مو بروحي :(



الله يسلمك ^_^

malak يقول...

Ra-1



لا مو روب

طعمه مثل السيريلاك كلا بسكوت وايد حلو ^_^

fatto يقول...

في احد يحب طبيب الاسنان ماعتقد والله مساكين محد يحبهم :) بس يعطيهم الف عافيه :) والجو الصراحه خطييير انا غرامي شي اسمه مطر .. الله يباركلنه فيه يارب