السبت، 18 أبريل 2009

بالعنايه المركزة...

مساء الخير
اشتقتلكم وايد وايد
انا مو قاطعتكم من نفسي سامحوني
بس لابتوبي عطاكم عمره
بعد عمري حالته خطره
و الدكاتره يأسو منه
الله يستر ادعووله ترى صارلي مده ماقدر اشوفه و الا من مستفى لي الثاني
السبب شنو تتوقعون
انا بقولكم نصيحه من اختكم اللي تحبكم و ماتبي اللي صار فيها يصير فيكم
الله لايحرم احد فيكم من جهازه
نصيحتي يا اخواني انكم :
1_ لا تتطنزون على احد (لا تظهر الشماته بأخيك فيعافيه الله و يبتليك )..
انا اقولكم شنو اثر هالقاعده علي انا الله يسلمكم من اسبوعين رفيجتي قالتلي وي طاح بسكوت على لابتوبي
و انا زفيتها و قتلها اكو احد ياكل عند اللابتوب ؟؟
و اللي صار فيني انا ان كنت مصحصحه و بجابل دراستي و مبطله لابتوبي توني مجابلته بكتب الهموورك
كوب الجاي الاخضر كان يمه بس شافني صايره شطوره جان ينكت كللللللله على لابتوبي
و انا اطالعه بهدوء اشوف شقاعد يصير جان يطفي و هني اختكم ملوكه اطلقت اول صرخه
و بجيه و قومي يا ملوكه و دقي عالوالد بالدوانيه و الدوانيه كلها تعطيني حلول
وا نا وحده ماعندي مناعه ضد الحوبات وبس اتطنز على احد وحده بوحده
2_ الابتوب شي وايد وايد غالي واحس روحي مو بالوجود بدونه
ديرو بالكم على اجهزتكم و لا تاكلون و لا تشربون يمهم
ماقدر اطول القعده على جهاز ثاني مو حلوة
ابي لابتوبي
ادعولي الله يجمعني فيه مره ثانيه و لا يفرقنا
:(
اشوفكم على خير

هناك 6 تعليقات:

joe يقول...

تدرين شكثر اخاف على لاب توبي ؟
ماتصدقين
لاب توبي منظره لي اوكله و اللبسه واكشخه وارزه جدام الاوادم ;p

بالنسبه لج
كما تدين تدان
يالله انا ناطر الجزء 2 مال هالبوست عشان نشوف شلون تصلح ;p

fatto يقول...

ويي حبيبتي والله انتي مع اللابتوب ..

عاد اتصدقين والله قبل لا ادش بلوقج كان ابخاطري بطاط ( ليز الاصفر بوملح ) امووووت فيه ...

وانه قاعده على فراشي وشابكه وقاعده اطالع البطاط بالطاوله الي بالزاويه .. وقاعد اقول بيني وبين روحي اقوم اكله .. ها جني عيزانه اقوم .. جان اقره بوستج جان اهون اكله لوووول


مايشوف شر اللاب توب ونشاءالله يقوم بالسلامه يارب . وصي الدكاتره عدل عليه لايخلونه .. @@@@@@@ وهذول ورد مني له . مأجوره حبيبتي :)

Hashimoto يقول...

لووول ما يشوف شر اللابتوب وان شاء الله يقوم بالسلامة
P=

مشكلة اذا الواحد ماعنده كمبيوتر .. صج ينعزل عن العالم

Unknown يقول...
أزال المؤلف هذا التعليق.
خديجة البهاويد يقول...

عورتي قلبي :"(

حطيت نفسي مكانج وانعفست


يلا الله يقومه بالسلامة :)

Paris يقول...

آميـــــن
الله يقومه بالسلامه :P
انا اقول وينها ملوكه واحشتنا..