صباح الخير
شلونكم انا مو زينه ملاك معصبه :@
خل ابدي لكم السالفه من اول ما بدى يومي التعيس
عقب سهره امس و انا مجابله اللابتوب و احاول احفظ و اتدرب عشان تقديم البروجكتات اللي عندي
و اللي المفروض اشرحهم اليوم... نمت عالساعه 2
و انا اقص على روحي يلا ملاك نامي نامي عشان يصير باجر و تفتكين
و صار باجر
اهم يقعدوني و انا بتاسع نومه و لا حاطه منبه لا شي مو الله يسلمكم صارلي هالاسبوع كلا ماانام عدل
ففيني فقر نوم
عموما فزيت من النوم سبع الا ربع و بسرعه بسرعه البس و اشيل اغراضي و ركض عالسياره
و انا قايله بقوم مبجر اراجع قلت لا راحت علي اليوم
امشي امشي امشي امشي امشي امشي امشي
و هم امشي و امشي :S
لأا الوضع حده مو طبيعي شسالفه
انا مو متعوده اطلع هالوقت كلا مبجر قبل الزحمه انزين بس امبي اول مره الطريج يصير ساعه و جم دقيقه :S
المهم اني وصلت 8 و عشر و بسرعه نازله ادش القاعه ماكو الا بنت وحده
شسالفه ؟؟ لا تقولون ماكو محاضره ؟؟ لا لا اكو الحمدلله بس لما شرفت الدكتور الساعه تسع الا ربع
عطتنا درجات المدتيرم و بيباي :S
قلت اوكي انا موعد تقديم البروجتات الساعه عشر قلت اروح مبجر و افتك
قلت لحظه خل اراجع و اصير خوش وحده
و راجعت و بعدين دقيت على امي اقولها تدعيلي و على رفيجتي
جني رايحه احارب لوووول
و عند الدكتوره :
ملاك :السلام عليكم
الدكتوره : و عليكم السلام
ملاك : دكتوره ممكن اقدم الحين ؟؟
الدكتوره : لا بالمحاضره .
ملاك : اوكي ان شاء الله .
و اطلع و رفيجتي بره قتلها جان تقولي ماعندنا محاضره اليوم ان اقولها اي و الله :S
و ادخل عندها مره ثانيه
ملاك : دكتوره انتي تقصدين اني اقدم باجر ؟
الدكتوره : اي نعم
ملاك : مافي مجال اقدم اليوم ؟
الدكتوره : قتلج بالمحاضره ...
ملاك : انزين
شريررررررررررررررررررررررررره
و الله حرام نفسيتي متأزمه و مأجله كل شي حق عقب التقديم
و هذي آخرتها :(
اشوفكم على خير و اقولكم شييصير باجر :)
هناك 14 تعليقًا:
بل حراااام والله مسكينة حسيت بحالتج و انتي احسج تعبانة من قلب و احس انج تبين تقدمين بأسرع وقت عشان تتخلصين من هالمهمة .
ههههههههههههه
الله يعينج والله و ان شاء الله تتوفقين
عاد قولي لنا شصار عليج .
شكراً
تحياتي.
يالله بالتوفيق
:)
بييه حالتج تكسر الخاطر
قايمه من الصبح ونايمه متأخر
جان شرحتي وضعج حق الدكتوره ;p
الله يعينج
حياكم قروب q8-blogarz
group171891@groupsim.com
مو شي
بس خيره علشان لا تقدمين و انتي فيج النوم فجأه و انتي تقدمين اطيحين نايمه خوخيش هي هي
باي
يا شين بعض الدكتورات صج بايخين
انا منها اخلص الي جدامي بسرعه
بس يمكن تبيج تقدمين بالمحاضره جدامم الطالبات علشان الكل يستفيد
ميخالف عشان اتقديمنة أفضل
وعندج يوم كامل زيادة
:)
موفقة
فاطمة الزياني
:) يسلموو حبيبتي
Paris
اجمعين حبيبتي :)
{~المباركية~}
لا اهي خوش دكتوره بس لما مالها خلق تصير نفسيه ماقدر اكلمها :p
Mr_CHoCoLaTe
اي يلا الحمدلله على كل حال :)
Ducati
اي و الله
لا تبي بروحي انا معاها بس :s
حياتي هدف مو عبث
اجمعين يارب :)
لوووول كلا هذي سوالفهم
ما يطلعون دكاتره اذا
ما سوو هالسوالف البايخه P:
الله يعينج ,
Ps: خووش بلوق من زمان انا اتابعه
زقرت على صاحبتها ^^.
دكتورتج ما اتحاجى :/
اللهم يا كافي من جي دكاتره الله يعيينج :×
إرسال تعليق