السبت، 20 يونيو 2009


مساء الخير :)



الكل ايام الامتحانات يتغير مزاجه و يقعد يسوي اشياء مو مهمه



يلعب العاب يهال


يقرى اي شي جدامه عدا كتب الدراسه


حتى الدعايات يطالعها مندمج جنها فلم


الرغبه بالاكل تزيد لان عذر مقبول لما احد يقولك ادرس تقول بس اخلص اكلي


الرغبه بالتسوق توصل حدها عندك و تبي تشتري اي شي حتى لو ما تحتاجه


تلقى كل شي مأجله يصير حلو


لووووووول


و اهم شي التخطيط حق العطله


من طلعات و يمعات


و اللسته اللي وايد ناس يكتبونها ايام الامتحانات


انا الله يسلمكم عندي دفتر مذكرات لما شريته قلت بكتب فيه يومياتي كل يوم يعني


بس اللي صار ان ما اتذكر اكتب فيه الا ايام الامتحانات


و سويت لسته ايام امتحاناتي بالاشياء اللي ابي اسويها


بس للاسف بمجرد ان الواحد يرجع من اخر امتحان كل شي يتغير


اول شي اسويه بعد ما اشق جدول الامتحانات اني انام


و يبدا الكسل


و بما ان مابقى شي عالصيفي ماحس اني سويت شي مفيد بالعطله :)


و عطله سعيده حق الكل


عيشوها بكل حلاوتها و لاتسمحون حق احد يضيق خلقكم فيها :)



اشوفكم على خير

هناك 6 تعليقات:

كلكجيه يقول...

لوووووووووووووووووووووووووووول ايييي والله صدقتي ،،//

كل المشاريع الكبرى والصغرى تطلع كاااك ،،//

ولك بوقتها شحلااااااااااااااااات التأمل بالملابس واللي تبينه واللي بتقطيينه ،،//


و خ تصير العطله يباااا طاف اهم شي نعيش يومنا لووول

malak يقول...

كلكجيه


:D

اي و الله كلا يصير طاف

Paris يقول...

اي و الله صاجه كلشي يطلع وقت الامتحانات و بالذات وقت المراجعه

انا ما تطلع ابداعاتي و رسوماتي الا لمن ادرس اقعد اخربط بالكتب و ما يظل شي الا اتذكره و اكتبه و تقعدين تسلين روحج بكتب و اشياء غير و تنسين الكتب و ما تطالعين الوقت الا كله راح عليج و تكرفين كرف بعدين بس عشان تكملين

الله يوفقج انشالله بامتحاناتج احنا اشوة افتكينا و خلصنا صار لنا اسبوعين و جريب بنكمل ثلاثه اسابيع بس ملل و نقوول ياريت ترد ايام المدرسه :(

بنات عبدالغني شربت يقول...

:))
صج ايام الامتحانات ودج اتسوين كل شي ما عدا الدراسه
اذكر قبل لما ادرس حاطه كمية معينه حق اليوم تلقيني كل شوي اعد الصفحات جم باقيلي ولا بعد اشوف اذا في صفحه فيها رسمه ولا كلها كتابه وعندي جذي يعني برييك لوووول

الله يوفقكم وتخلصون على خير :)


*
حلا شربت

joe يقول...

نطرري لاتقولين عطله سعيده نطورني لما اعطل بعدين قوليهاا

حراام عليكم ;p

كل شي بوقت الامتحانات يصير حلوو همن عندي انا
حتى لدرجة اني احب انظف غرفتي ;p

(حلـم) يقول...

اول مرور

بوست جميل سلمت يداك

استمر

اخوك حلم