الخميس، 2 يوليو 2009

صباح الخير




صباح الخير


ترى مواصله مو قاعده :p


اعزي كل اللي ماخذين صيفي هالسنه بانتهاء الاجازه و عدينا اول اسبوع منه



الا اللي صج معورين قلبي طلبه الموحد



طلعت روحهم و اهم يمتحنون



و على قولت انتصار الشراح بين كل امتحان و امتحان امتحان :p



صج يعطيهم العافيه مادري شلون خلصو واعليا 3 اسابيع يمتحنون


و اختي احد هالمعذبين اللي مسكينه شفت معاناتها بعيني


الحمدلله انهم خلصو و ان شاء الله النتايج حلوة


مثل نتيجه اختي :D


طبعا تدرون انا كنت لها ماما و بابا و كل شي:p


يمكن ما جابلتها بالمواد و درستها بس عطيتها دعم نفسي ماكان موجود عندي بامتحاناتي :)



الحمدلله على كل حال


.............


الغبار شكله ماراح يخلص كل ما بطلع السياره مسكينه مدفونه حتى اشك ان الغسال يغسلها كل يوم :p



خاصه اذا بروح المحاضرة الصبح و مواصله اتنرفز من الجو بعد

بس شوفو هالحلوة من الصبح نشيطه و قاعده تطالعني
و الغريب اني قربت منها وايد و ماطارت صورتها و مشيت :)

.......



اللي ماخذين صيفي شدو حيلكم و ان شاء الله سهالات و الكورس قصير



:)


اشوفكم على خير



هناك 10 تعليقات:

Mesh يقول...

لوووول


اي والله الصيفي يتعب الواحد والمكله لو من الصبح غبار او شمس قويه...


انشالله يمشي بسرعه :)

جنون الكويت يقول...

على طاري الصيفي صارلي اسبوع اروح اداوم على الفاضي ماكو احد مداوم البنات مو راضين يداومون والدكاتره مو راضين يدرسون يقول يوم الاحد بيبدون الله يعينا انشالله مع هالحر .........انشالله الشهر يركض بسرعه

خديجة البهاويد يقول...

امبي كسرت خاطري الحمامة
واعليا مو مبينة من الغبار :)


يلا يعطيج العافية من بعد الدراسة ^_^

malak يقول...

Mesh


ان شاء الله سهالات :)

malak يقول...

جنون الكويت



ان شاء الله الوقت يمشي بسرعه و نخلص :)


الله يوفقج

malak يقول...

خديجة البهاويد



اي و الله واعليا


الله يعافيج حبيبتي ^_^

joe يقول...

صباح النور
ظلمتينا
مو 3 اسابيع
احنا 4 اسابيع واكثر
بس محد حاس فينا ولا احد معبرنا ;p

اووف واخير الغبار راح يفج
هذي الحمامه يايه تبشرج بالخير والسلام ;p

يعطيج الف عافيه

Paris يقول...

أيا عليها الحمامه، حليلها

احنا بعد الجو عندنا كلش غبار× غبار بس خف الحين

و بالتوفيق انشالله

malak يقول...

{~المباركية~}



ههههههههههههه

اي لا بالعكس و الله قلوبنا معاكم


حاسين بمعاناتكم و الله


اي يحليلها و الله

الله يعافيك اخوي :)

malak يقول...

Paris



اي الحمدلله


اجمعين ان شاء الله :)