السلام عليكم
شلونكم شخباركم
شرايكم باللي قاعد يصير ؟؟
يوم يقولون بيأجلون الدراسه و يوم يقولون لا بس يحطون غرفه حجر بالمدارس
حق اي حاله يشكون فيها
ممممم
بس تدرون اول شي انا كنت اقول خل يأجلون و يريحونا بدل هالرعب
بس يعني لما تفكرون فيها
احنا كل مكان قاعدين نروح
يمعات.. مطاعم.. حفلات.. اسواق..الطبيب.. .. الخ
يعني الحين يت على المحاضره اللي بنقعد فيها ساعه والا ساعتين
والله الحافظ
ويبعدنا عن هالمرض
...........
اليوم وصلني ايميل الصراحه اهو طويل بس اندمجت فيه و اهو مو بره الموضوع اللي تحجيت فيه اليوم
وترى الحجي كله منقول من الايميل مو من عندي :)
انفلونزآ الخنزير .. اللي صآر الحين بمثآبة وبآآء عالمي ..
تعرفون انه من علآمآت يوم القيآمه الكبرى !!
تعرفون انه من علآمآت يوم القيآمه الكبرى !!
نرجع لحديثنا عن انفلونزآ الخنزير .. مين يتذكر فيكم حديث الرسول عليه الصلاة والسلآم عن وبآء آخر الزمآن وانه راح يكون من الخنزير والناس بيصيرون يقتلون الخنآزير حتى ينزل عيسى عليه السلآم ويقتل آخر خنزير بنفسه ..
حدثنا قتيبة بن سعيد حدثنا الليث عن ابن شهاب عن ابن المسيب أنه سمع أبا هريرة رضي الله عنه يقول قال رسول الله صلى الله عليه وسلم والذي نفسي بيده ليوشكن أن ينزل فيكم ابن مريم حكما مقسطا فيكسر الصليب ويقتل الخنزير ويضع الجزية ويفيض المال حتى لا يقبله أحد ..
ماحد سأل نفسه ليه عيسى عليه السلآم بيقتل الخنزير ؟؟!!
لأنه بيسبب وبآء عآلمي >> أي انفلونزآ الخنزير اللي نعيشه الآن
اشوفكم على خير
ملاك :)
هناك 13 تعليقًا:
اهلين ملاك
اي والله ما وقفت على المدرسه بس كل مكان فيه هالمرض ولا احد فكر اذا اجلوا الدراسه شنو بيصير راح تزيد ساعات الدراسه وتقل العطل وكل شي راح يتراكم على الطلبه يعني الطلبه اهما الي بياكلونها
وحتى لو اني ما تخرجت هم بقول نفس الحجي بروحها الايام تركض بسرعه الواحد ما يمديه يحك راسه بعد ياجلون الدراسه عشان يصير اليوم جنه ساعه
وعسى الله يحفظنا ... مشكوره :)
الله الحافظ ياملاك
الوباء صج انه خطير ولازم ناخذ كل احتياطاتنا عشان الله يبعدنا عن هالشر
بس بطريقة مدروسة ومعقولة
مو نمنع نفسنا عن التجمعات الدراسية و24 ساعة بالسوقة والمجمعات والعروس
والله يحفظ الجميع ان شاء الله
انا اقول لازم يعطونا عطله
خل الطلاب شوي يستانسون ..
كلا صاكين عليهم ..
وبعدين شالفايده يحطونهم بصف بروحهم واهم راح يختلطون بالطابور
أو بالمقصف ..
شاي الضحى
هلا والله
الله يحفظنا من هالمرض
العفو حبيبتي حياج :)
خديجة البهاويد
اي هاذا اللي اقصده :)
الله كريم
بانوراما
لووووول
اي والله طلاب المدارس اكثر شي ودهم يأجلون لهم :D
بس والله لو اجلو اهم اكثر ناس بينضغطون بعدين خاصه الثنوي مع نظام الموحد بياكلونها عدل
في ناس الحين ماتختلط بالمجتمع بس اذا صار وقت الدراسه بيضطر انه يطلع ويخنلط وبتزيد حالة الوباء
ترى صج مبين الوضع بالعالم موطبيعي دليل على قرب الساعه
{~المباركية~}
اي والله :)
انا وايد شاغلني هالموضوع
الله يستر علينا وعلى عيالنا
وع عيال المسلمين
تعرفين خفت يوم قريت التدوينه
بصراحه حديث تقشعر له الابدان
نسال الله حسن العاقبه يا رب
الله يكافينا شر هالمرض ويبعدنا عنه يااارب
الله يعطيج العافيه :)
اقصوصه
:)
الله الحافظ
حياج الله حبيبتي
Fishah
اااااااامين
الله يعافيج حبيبتي :)
انشالله ما يأجلون الدراسه
اجلوها ما اجلوها انا بداوم ;p
لو ما في احد انا اكتب الدرس وانا اشرح حق عمري
إرسال تعليق