السبت، 25 سبتمبر، 2010

قعده مع نفسي


مرات الواحد يبي يقعد بروحه يراجع الاحداث اللي مرت بحياته

مرت فتره طويله قطعت عنكم ادري

وقطعت وايد اشياء

مرات يكون مالي مزاج اتكلم عن روحي

واعيش روتيني عادي

بس اليوم قعدت افكر بالسنتين تقريبا اللي فاتو

انا وايد تغيرت فيهم

شخصيه الواحد وايد تتغير بعد تخرجه من الثنوي

يحس ان كبر و ان لازم يسوي اشياء وايد

باجر دوامات يمكن عشان جذي احس جو البيت هادي

واقدر ابطل شموعي و اقعد بهدوء

الفتره الاخيره سمعت وشفت وايد مشاكل صارت حق ناس اعرفهم

و شي طبيعي انها بتاثر فيني ولو شوي

وايد يقولون اني تغيرت بس انا تغيرت من الظروف

والناس اللي اشوفهم

شي حلو لما يكون عندك ناس تثق فيهم و يهتمون فيك

بس لما فجاه تشوف انهم موقد هالثقه بتنهار طبيعي

ولما تشوف شخص عزيز عليك مجروح طبيعي بتتألم معاه ويمكن اكثر منه


اذا خطبني واحد ورفضته مو معناته اني مابي اتزوج

ليش في ناس تكبر الامور وايد و تتحجى وايد


وبالنهايه اللي صار صار

اتمنى هالكورس يكون حلو و مع اني خذيت صيفي 

بس هم ودي اداوم 

اشغل وقتي و اسوي شي مفيد

عاد تدرون انا كل شي يحلالي بالدوام 

وايد اشياء مافكر اسويها بالعطل

يلا شدو حيلكم جميعا 

ونوم العوافي انشالله 


اشوفكم على خير :) 






هناك 7 تعليقات:

المجهول يقول...

التغيير لا يأتي دفعة واحدة بل بالتدرج .. وجميل أن نلحظه .. تقبلي مروري

بــــ الخطاب ــن يقول...

ربنا يوفقك ويسعد أيامك

تحياتى

malak يقول...

المجهول


صح كلامك

:)

حياك الله اخوي

malak يقول...

بــــ الخطاب ــن



مشكوور :)

3bady يقول...

حجي الناس لا يودي ولا اييب

الي يسمع حجي الناس الي يعارضون فكره يحس بخنقة

لانه الناس ما تحس بالي حاسه فيه انتي

القناعة كنز لا يفنى بس لا تكون على حساب مضيعة الحياة :)

Amwaj يقول...

صج ساعات الإنسان يحتاج يقعد بروحه عشان يراجع احساباته ويتعلم من أخطاءه
وما عليج من كلام الناس لأنه ما يخلص

الله يوفقج حبيبتي ويارب يكون هالكورس كورس حلو وسعيد

malak يقول...

Amwaj


آجمعين حبيبتي :)