الأربعاء، 6 أكتوبر 2010

هااااي ياللي تعبانين من الدوام

هالكورس جدولي عاجبني من ناحيه توزيع المحاضرات يعني يومين مضغوطين شوي

وثلاث ايام حلوين بس المشكله في وقتهم بعز الظهر

احس راح اقرق وايد قلبي متروسه لووول :p


امس بوحده من المواد كنا نسولف مع الدكتوره عن مواضيع وايده عساس نبي نسوي مشروع بنهايه الكورس

وفي وحده من البنات اقترحت نسوي اونصمم لعبه حق المتوحدين

او حق اللي يعانون من الهايبر اكتف عساس نسوي لعبه فيها حركه و تطلع الطاقه اللي فيهم

بس السالفه شكلها بتطول و يبيلها شغل و اشياء وايد

بس الفكره للحين موجوده 

..................


الموضوع الثاني اللي بتكلم عنه و اللي يخصني انا شخصيا 

الفتره تقريبا  من الصيفي و للحين الاهل صايرين وايد يحنون على سالفه الزواج

انا ادري عمري زين و دراستي ما بقى شي و اخلص  

بس في شي يعني احساس فيني مابي الحين 

وكل ما رفضت احد امي تتضايق و ابوي بعد

بس ياربي الزواج مو غصب

شكثر قعدت افكر

انا يمكن حاسه باشياء ناقصتني الحين

بس مابي انحاش من مشاكلي بالزواج

اهوا قرار كلش موسهل يعني لما يصير خلاص في وايد اشياء بتتغير

بيكون في انسان اهو مسؤل عني

ولما اتخذ هالقرار مافي مجال اتراجع

احس اذا خلصت هالكورس في مجال اتقبل الموضوع اما الحين في تخوف وايد من هالخطوه



سامحيني يمه 

....................

ونروح حق ثالث شي بقوله الحين :p




لالا اتغشمر قثيتكم بالحجي و القرقه ادري 


و انشالله في بوستات يايه بتكلم فيها عن وايد اشياء 


نطروني :)


وشدو حيلكم من الحين بلا كسل 

و الله يوفقنا كلنا 



اشوفكم على خير 




همسه :
Don't under estimate dreams , life without them is boring
dry trip Even if life is treating you well .

لا تقلل من شأن الاحلام فالدنيا بدونها رحله جافه وممله مهما يكن واقعك جميلا .





 

هناك 4 تعليقات:

السُـلطانة يقول...

السلام عليكم ورحمة الله وبركاته ..

مسألة الزواج .. أختي في الله ليست مسألة سهلة .. بل التزام ومسؤولية .. وإذا كنت في داخلك تدركين أنك لستي مستعدة لها فالأفضل تأجيلها .. أتمنى لك التوفيق .. وفكرة المشروع جميلة .. بارك الله فيكم .. اللهم آمين.

غير معرف يقول...

ملوكه الله أوفقج ويكتبلج ألي في الصالح وزين إن شاء الله

المجهول يقول...

في كلا الأحوال أتمنى لك التوفيق عزيزتي

غير معرف يقول...

ك جديد ، وأنا دائما البحث على الانترنت عن المواد التي يمكن أن تساعدني. شكرا لكم نجاح باهر! شكرا لك! أردت دائما أن أكتب شيئا في موقعي من هذا القبيل. يمكن لي أن أعتبر جزءا من مشاركتك لبلدي بلوق؟