الأحد، 30 يناير، 2011

صباح الشوق


قعدت من النوم سبحنا ولد اختي و بعدين تغديت

لووول غدانا اليوم كل شي مرق باميا  وعيش دياي و مووش


مع هذا ماكنت مشتهيه اكل

خلصت الغدا  و شربت جاي لين قلت بس و جابلت ولد اختي اللي صاير وايد يحن 

خلصت شغل المطبخ 

و كان فينننننني سوق 

رحت بس لما رديت و على اللي شريته فيني سوق اكثر 

عندي سؤال محيرني ؟؟؟؟؟؟؟؟؟؟؟

ليش الرياييل يتضايقون لما يروحون السوق معانا ؟؟؟؟؟؟

اخوي اليوم كللش ماله خلق وكل ما دشينا محل يلا و يلا 

وللعلم هاذي ثاني طلعه لي بالعطلة 

والله ماكو وقت كل شوي يايين ناس حق اختي يتحمدون لها السلامة

و الياهل الله يحفظه كل شوي مستمرض و الا يحن 

وانا اجابله فترة الليل لما الحين 5 الفير

وبعدها اخيييييييرا اتوجه حق غرفتي اللي صايره ماقعد فيها كلش 

فيني النوم من امس مو نايمه شي 

بس قلت ارتب غرفتي شوي على ما يأذن 

......................

لما ماتبي تفكر بشي معين تشغل روحك انك تسوي اشياء 

بس انا وايد وايد افكر حتى وانا نايمه :(

بس تصدقون هالفتره صج عرفت شنو يعني تلفزيون

قعدتي بغرفتي على طول التلفزيون شغال و ما اركز شنو اكو ماكو

بس الحين القعده بالصاله وايد اونس و اتابع وايد 


..................



والحين استودعكم الله 

اتجهز حق الصلاة و بعدها اغووووص بفراشي الدافي 


اشوفكم على خير :)

 

هناك تعليقان (2):

Amwaj يقول...

نوم العافية :)
والحمدلله على سلامة اختج ومبروك ما ياكم :)

الله يعينج صراحة مجربة بولادة اختي شنو يصير فيني
مثلج بالضبط لا أنام ولا عندي وقت ولا أنام بداري
بس مع هذا أحس بوناسة مو طبيعية :)

الله يخلي أحبابنا وكتاكيتهم *_*

malak يقول...

Amwaj


الله يعافيج حبيبتي



اي واي انا اول مره و قريبا بينعاد كل هالشي


وناسه اليهال بس الصراحه وايد متعبين


انا اذا تزوجت راج ااجل السالفه شوي :p