بفش خلقي اليوم عليكم
سوري داشه من غير سلام و لا مقدمات
بس فييني وايد اشياءات
اول شي زحمممممممممممممممه لييييش الزحمه صايره مو طبيعيه يا ناس انا توني اسوق حق الكليه بروحي كانت امي معاي احس بالامان بس ملوكه الشاطره قالت لا صرت كبيره لازم اروح بروحي صرت كبيره ^_^
امس كان اول يوم اروح بروحي و حشت سياره بنيه مسكينه احم احم
بس انقهرت انا اللي سيارتي يديده و توني اول مره اطلع فيها مع بروحي
بس ما قلت حق احد بس امي
عاد امي بس طلعت من البيت مسكت التلفون تكلم يدتي الحبيبه
و تقولها ملاكو رايحه بروحها اليوم و للحين مادقت >>بسافر مو رايحه الكليه
و يدتي تتفاعل مع السالفه و تقولها اول ما تدق عليج دقي علي و قــصــه
و امي ما فيها صبر اهي اللي دقت كنت توني صافطه تقولي ليش ما دقيتي ليش تنسيني ماتستحين قاعده احاتيج
حنه الامهات اللي تعرفونا
المهم عدت على خير الحمدلله
عند الاشاره لازم القى شي يضحك لوووووول
شدعوه اريل هالطول ...
ليش هالبلونات لووووول ترى هني مبينه وحده بس الصج في ثنتين
و اليوم مريت على رفيجتي و وصلتها و الله ضيقه خلق لما اكون بروحي اتحلطم بروحي جني مينونه
لوووول
شسالفه كل الناس مرضانين انا بس صداع كل يوم جاي و بندول
بسرعه يأذن المغرب ملاحظين ؟؟
ما يمدي اسوي شي و صايره انام مبجر
و اليوم كان عندي مدتيرم اتوقع كنت نايمه فيه لوول
جد ترى ماكنت بوعيي سلمت الورقه وطلعت احس كلا خرابيط
و عيني ترف صارلها يومين و اليوم بزود تأذيني
صارلي جم يوم قاطعه الممشى و رفيجتي fo0o2a
الحين شكلي بنام عشان اسهر بليل و اطالع افلام هنديه ^_^
على فكره للحين ماطلعت كل اللي فيني نطرو البوست الياي
اشوفكم على خير
هناك 6 تعليقات:
حرية التحلطم مكفولة
من ناحية فشة حلق معاج حق
يمكن اتضيعين فلازم يصير اتصال مثل حليمة بولند لما طلعت الليسن لوول
الاريل من اول ماشفته عبالي عمارة جدامج
يمكن عندهم عرس الصبح
همن انا صاير انام بمجر ودي اسهر بس ما اقدر
و جمع مرضانين مراضه او امرضه
يعطيج العافية
خوش شي من اول مره طلعتي بروحج طاقتلج سياره
لوووول تركدي يا بنيه وحطي بالج
اي وايد تصير ان لما الواحد يقعد بروحه بالسياره يضيق خلقه بس فلازم تحطين وسائل الترفيه يعني اشرطه اغاني ايبود
بس مو تلهين فيهم وتدعمين وتقطينها براسي بعدين
مبروووك على أول زلغة .. وهاردلك للسيارة البنية....وراج درب طوييل بهالمشوار x)
لووول .. اهم شي الآريل .. يلعن خيره شطووله xD
هذا الظاهر يلقط اشياء ثانية غير الرادو ..
المباركيه
لوووووووول اي سمعت سالفتها اول ماخذت الليسن
وشكرا على تصحيح الجمع ^_^
الله يعافيك و حياك الله
Ducati
لوووول ديكاتي شسوي اول مره
بدير بالي ان شاء الله
ترى قمت اخاف كل يوم امر على رفيجتي اخذها معاي عشان احس بأمان:p
على طاري وسائل الترفيه كل شي موجود و لو تشوف سيارتي بتكتب بوست عنها لوووول
2 امبيثري و مو مخليه شي مو حاطه الكل يقولي هاذي غرفه مو سياره :P
لوووووول
Akabaneq8
لووووول الله يبارك فيك :p
ان شاء الله ما اعيدها
حده قصه ويه
إرسال تعليق