ليش ليش ليش
يتراوالي مستعدين تسمعون حنتي و تحلطمي اللي ما يخلص لووول
الله يعينكم علي
مساء الخير :)
ليش لما اروح ابي اخذ اختي من المدرسه يقولون ممنوع :@لا و تسألني جم عمرج اقولها 19 تطالعني جني جذابه
و اختي كل يوم تحن اخذيني لما تخلصين اقولها انطرج بره شقحي الطوفه و تعالي بسرعه
ليش اول ما اغير رنه تلفوني و احطها اغنيه ابوي يكون توه داش غرفتي و يزفني يقول شنو هاذا
ليش من يشوفوني ماسكه كتاب يخلوني و ينامون ما يشجعوني عالدراسه
عاد طفارتي جذي ماحب اقعد و الناس نايمين احب وقت اللي بنام او بدرس الكل قاعد
مسكينه امي قتلها بدرس موتخليني و تنامين قالتلي انزين
دقت رفيجتي و طحناله سوالف و تحلطم اكثر من اللي اقولكم اياه لووووول
بس سكرت التلفون و الا ماماتي نامت و خلتني :(
الكل نايم هدوووووووء جان اقوم اييب زوبا و زوما مساكين طول اليوم بالصااله و لا ادري عنهم
انزين و ليش لما يكون عندي امتحان يفتقدوني رفيجاتي بالمسنجر و يقولولي دشي اقولهم ماقدر عندي امتحان
و لما اخلص امتحاني ادش ماكو احد اللي نايمه والي تدش دقيقه و تقول بتطلع
مو شي
ليش اول ما يخلص رصيدي الكل يدزلي مسجات يحروني يعني و الا شسالفه :p
ليش وراي دوام طويييييل من التسع لي الساعه خمس بدون بريكات :(
ليش انا وايد حنانه ووايد اتحلطم ^_^
اذا عرفتوا الاسباب فيدوني الله يرحم والديكم
اشوفكم على خير:)
هناك 12 تعليقًا:
ليش انا مايخلوني اطلع من المدرسة ؟
لازم يبون ابوي ولا واحد اكبير
شنو انا صغير ؟
ليش لمن اقول حق الي معاي بالصف
خل نغيب باجر
ولمن ايي محد يغيب
ولمن اغيب كلهم اييون
شنو السالفة فيها نحاسة .!؟
لوووول عادي هذي حاله الكل وقت الدوامات :> التحلطم سيد الموقف
المباركيه
لا انت حاله ثانيه :P
اذا انا ما يخلوني بيخلونك انت خلها على الله :(
بانوراما
و الله ايام المدارس كلا جذي
البنات يقولون خنغيب و انا كنت اصدق عساس الكل بيغيب و بعدين ننصدم ان اللي طلعو الفكره اهم اللي داومو
اي و الله نحاسه
3BeeDo ;)
اي التحلطم اهم شي و الله صار هوايتي :)
السبب واظح
انتي بالكويت
:)
لووووووول انتي شعندج اليوم على الحنه
عاد سالفة تطلعين اختج هذي انا معاهم لإن اهلي وايد منهم وكيلات وناظرات يقولون سوالف سوده تصير من ورا هالسوالف
ليش عندنا مدونات ؟؟
حق التحلطم والحنة :)
Manal
اي و الله :)
Ducati
لووووووول ميمعه بقلبي من زمان
انزين رفيجتي تاخذ اختها محد يقولها شي شمعنا انا :@
AK-47
اي و الله اكثر ناس اتحلطم عليهم انتو الله يعينكم علي :D
إرسال تعليق