الجمعة، 5 ديسمبر، 2008

عدت على خير ...

مساء الخير




شلونكم ان شاء الله تمام


انا تعبانه شوي من الجو و لويه السوق حق العيد



الحمدلله خلصت اخيرا


بس امبي اول مانداوم عندي ثلاث مدتيرمات على طول


و انا مخي ضارب و مابي ادرس بالعيد و لا حتى الحين :(



مضيعه وقتي كلا نوم و تلفزيون





اي ذاك اليوم صار شي احم احم





بغيت ازهق روح @@:/


كنت طالعه من بيت يدتي و بفريجهم باللفه طلع بويهي بقي كبير و طقيت بريك حده حده


وقفت تنحت مخترعه و اختي تهديني تقولي خلاص ماصار شي


و انا لااااااااااااا ليش مينون بغيت اذبحه جان الحين انا صرت قاتله

بعدين استوعبت ان في شباب قاعدين و انا امبي حركت بسرعه و انا مصدومه


بعدين الحظ ما اسعفني وقام يمشي جدامي و انا حدي خايفه ابيه يروح ماكو

ادوس اروح جدامه يرد ايي جدامي لين لفيت و افتكيت الحمدلله

بس امبي حدي اخترعت

و الحمدلله عدت على خير ^_^






انزين شرايكم بالتنافس اللي صاير بين شركات الاتصال :D

انا حاجزه خط viva بس للحين ما استلمته

كل المكالمات الوارده راح تكون مجانا نفس اللي سووه زين و الوطنيه

و حتى المكالمات الدوليه
و سمعت ان اول ثلاث اشهر كل المكالمات راح تكون مجانيه
بالفتره اللي فاتت خلصت من قرايه كتاب كويتي من كوكب آخر حق خالد عادل النصر الله

و الصراحه وايد حلو و خلصته بسرعه

اسلوبه حلو و متكلم عن وايد شغلات الكتاب حلو ما يملل كلش و مرتب

عن وجهه نظر الكاتب بعده امور نعيشها اليوم و عن امور صارتلها و شلون تعامل معاها


عن وضع الشباب اليوم

عن كل شي :p


و الحين بلشت بالكتاب الثاني حقه >> التجربه الانجليزيه عندما تكون وحيدا في لندن




و لحد الحين عاجبني ...




الحين استأذن




و اشوفكم على خير :)










هناك 9 تعليقات:

{~المباركية~} يقول...

الله يعينج على عيال ديرتج بالبقيات

موزقرت امتحان و عيد

يعني الفكرة ماطلعت اله لما فيفا سوتها عقبال فيفا تسوي جي بي ار اس و فيديو كول مجانا علشان زين تسوي مجانا

ذيك المره رحت فيرجن حترت شنو اشتري كويتي من كوكب اخر ولا التجربة الانجليزية
جان اشتري التجربة الانجليزية بس كتبه حلووه

3BeeDo ;) يقول...

والله على سالفه البقيات بالفرجان خطره

Ducati يقول...

لوووول اهم شي انج تصيرين قاتله هي هي هي

يمعوده وعلى سالفة الميدتريمات انا بعد عندي بعد العيد بس مالي خلق ادرس باخذهاه فترة نقاهه

malak يقول...

المباركيه


اي وناسه صايرين يقلدون فيفا:p


و خالد النصر الله كتبه وايد حلوة ^_^
حتى شريتله كتاب ثالث (يوم الحدث )
و ان شاء اقراه لما اخلص اللي عندي الحين

malak يقول...

3BeeDo ;)




اي و الله خطره

و انا وحده خوافه اخاف من اي شي صغير او كبير

و الله اتوتر :P

malak يقول...

Ducati


اي و الله للحين احساس بالذنب


يعني و الله مايصير جذي

مابي ادرس بس هم قاعده احاتي :(

the.thinker يقول...

كل عام وانتو بخير وعيدكم مبارك :)

Aldenya يقول...

انا اقول درسي

ثلاث ميدتيرمات مو ميد تيرم واحد

:/


على الاقل درسي شوي منهم :>



وعيدج مبارك يا حلوة :>

malak يقول...

the.thinker





و انتي بخير و صحه و سلامه و ايامج سعيده :)






................





Aldenya







اي و الله وايد :(

بس ان شاء الله بحاول ادرس بعد مابقى شي :P



ايامج سعيده حبيبتي حياج :)