الأربعاء، 10 ديسمبر، 2008

عيدكم مبارك

مساء الخير :)
عيدكم مبارك و كل عام و انتو بخير
شلون كان العيد معاكم ان شاء الله استانستو
سوري مافضيت انزل البوست الا اليوم
بالنسبه لي العيد كان عادي ماحسيت بوناسه مثل كل مره
كان ودي اروح الحج هالسنه بس الظروف ما اسعفتني مع ان العطله حلووة

بس ان شاء الله السنه اليايه قولو آمين :p

أول يوم كان بس زيارة الاهل و الحلو بأول يوم ان نشوف ناس ناسينهم طول السنه و لا ندري عنهم

و ثاني يوم كانت عزيمه و صج استانست لان ولد عمي اللي انا مسميته و من يوم نولد مو معبرني كلش كانت اول مره يلعب معاي و حفظ اسمي و عطيته بطوطه :D

مممم

و اليوم ابوي راح ارض المعارض عشان خط ال viva و اخيرا افتكيت من الهندي :D

صج راحه نفسيه

و خطي اليديد برونزي احسن شي حق يدتي اللي كل شوي تعصب تقول ما دري شفيه التلفون و تكون اهي غلطانه بالرقم

و سامحوني عالتقصير اللي راح و اللي ياي :p
اشوفكم على خير :)

هناك 15 تعليقًا:

{~المباركية~} يقول...

ايامج سعيده
هالعيد مو مثل سابق عهده
قبل العيد نعرفه انه الجمعيات يسوون برامج و يحطون اللعاب حق اليهال وحنطور و جراغيات الحين ماكو

malak يقول...

{~المباركية~}






اي و الله العيد صاير بس اسم

و مجامله بين الاهل و بس

حسافه على ايام اول >> ليش انتي جم عمرج :p?

Funny Q8i يقول...

عالبركة الخط :)

وكل عام وانتي بخير

وتحيّاT

malak يقول...

Funny Q8i



الله يبارك فيك


و انت بخير

حياك الله :)

3bady يقول...

آآآآ لحظة شكنت بقول آآآآآآآ

الله يخلي لج يدتج ووو ان شاءالله اتروحين السنة اليايه الحج

وووو مبروك على خط فيفا

ووو take care

ووووو ما ادري نسيت

malak يقول...

3bady





تسلم عبادي


الله يبارك فيك :)

Kuwait يقول...

لوووووووووووووووووول ..
انا عيدي بدا أول يوم العيد من الساعه 9 لما الساعه 12 الظهر وبس خلص ;q

Kuwait يقول...

اي صح نسيت اقولج مبروك عالخط ..
شنو افتجت الزحمه خلاص نقدر نروح الحين نستلم خطوطنا بدون بهدله ؟؟؟

malak يقول...

Kuwait


هههههههه

الله يبارك فيج حبيبتي


مو فجت فجت بس اقل يقولون :)

احسن شي روحي مبجر من الصبح الساعه عشر يفتحون :)

اقصوصه يقول...

كل عام وانتم بخير :)

malak يقول...

اقصوصه



و انتي بخير حبيبتي :)

Ducati يقول...

لووول زين اخيرا لقيتي حق حق الهندي الي مسويلج قلق وازعاج

وعيدج مبارك

malak يقول...

Ducati




ايييي حده راحه نفسيه الحين :D



ايامك سعيده :)

الطائر الحر يقول...

كل عام وانتي والجميع بخير وصحه وسلامه

اعتذر عن التأخير .....

malak يقول...

الطائر الحر





و انت بخير و صحه و سلامه


لا عادي :)