21

ساعات تفصلني عن عمر جديد

21

 لا اتمناه عمرا سعيدا

لكن اتمنى عام بدون هموم :)



اشوفكم على خير

مساء الخير

هالجم يوم نومي خربوطه و مقطع ماقدر انام وايد واقل شي يقعدني

مع ان نومي ثقيل لووول

الظاهر لاني احاتي

عندي امتحانات و بروجكتات قاعده اشتغل فيها و بعضها للحين

مابديت فيها حتى

احس ما اسوي شي تطلعلي عشر اشياء

الله يعدي هالكورس على خير

...............

بس انا مابي اكتب عشان احبطكم و اطلع

اليوم قررت ما اسوي اي شي كافي محاضره اليوم

كانت حدها ثقيله لا و بعدها قعدت ساعه مع الدكتوره عشان سالتها

سؤال واحد والله تحسفت اني سالت عطني شغل وايد

لا  وتسالني متى راح تخلصينه

قتلها الصراحه ببلش فيه اما متى بخلصه ترى عندي اربع مواد غير هاذي

الحمدلله انها شوي تفهمت الوضع

_________

بحطلكم اليوم صور سفرتي حق دبي و كانت قبل رمضان بأيام

كانت قصيره بس حيل حلوة و لو اني اشتقت وايد حق الكويت  و اللي فيها

واااي المناظر اللي كلش ماحبها :p

ادوخ من لما اشوف جذي ماحب اقعد يم الدريشه

و هني لما وصلنا بالسلامه

لووووووول هاذي السايقه مالت التاكسي

قعدنا في سيتي سنتر

اول ما وصلنا يلا يلا الفراش

و بعد النوم الاكل

امبي زاد وزني وايد من هالسفره مع اني كنت امشي وايد بالسوق

بس اغلب الوقت اكل :p

وعقبها نطلع

ركبنا المترو يونس

سامحوني عالقصور الصور مو مرتبين

تصبحون على حب :)

رمضان الياي :p

هاااي شلونكم

عيدكم مبارك و كل عام و انتو بألف خير

ولو اني موحاسه انها اجواء عيد الوضع وايد عادي

ناطره رده ابوي  من الحج الله يرده بالسلامه صج مكانه كبير

الحين مافي قوانين بالبيت كلش موحلو

..........

ليش الحين توني اذكر ان عندي وايد اشياء حق الدوام

وتسليمها اول اسبوع دوام بعد العيد :(

مو جنه العطله طارت بسرعه بسم الله مامدانا

._._._.

مسلسلات رمضان الياي

حسب ماوصلني

شكله عجيب احسه نفس اميمه في دار الايتام

مادري ماتابعته بس وايد ناس امدحوه

حياة الفهد احبج وايد بس الادوار اللي تاخذينها الفتره الاخيره

مادري شلون حدها عاديه 

عبد الحسين عبد الرضا ماشفناله شي هالسنه استغربت



................

عندي هوموورك اقوم احله قبل لا انسى

و عقبها الفراش العزيز

تصبحون على خير

اشوفكم على خير :)

هااااي ياللي تعبانين من الدوام

هالكورس جدولي عاجبني من ناحيه توزيع المحاضرات يعني يومين مضغوطين شوي

وثلاث ايام حلوين بس المشكله في وقتهم بعز الظهر

احس راح اقرق وايد قلبي متروسه لووول :p

امس بوحده من المواد كنا نسولف مع الدكتوره عن مواضيع وايده عساس نبي نسوي مشروع بنهايه الكورس

وفي وحده من البنات اقترحت نسوي اونصمم لعبه حق المتوحدين

او حق اللي يعانون من الهايبر اكتف عساس نسوي لعبه فيها حركه و تطلع الطاقه اللي فيهم

بس السالفه شكلها بتطول و يبيلها شغل و اشياء وايد

بس الفكره للحين موجوده 

..................

الموضوع الثاني اللي بتكلم عنه و اللي يخصني انا شخصيا 

الفتره تقريبا  من الصيفي و للحين الاهل صايرين وايد يحنون على سالفه الزواج

انا ادري عمري زين و دراستي ما بقى شي و اخلص  

بس في شي يعني احساس فيني مابي الحين 

وكل ما رفضت احد امي تتضايق و ابوي بعد

بس ياربي الزواج مو غصب

شكثر قعدت افكر

انا يمكن حاسه باشياء ناقصتني الحين

بس مابي انحاش من مشاكلي بالزواج

اهوا قرار كلش موسهل يعني لما يصير خلاص في وايد اشياء بتتغير

بيكون في انسان اهو مسؤل عني

ولما اتخذ هالقرار مافي مجال اتراجع

احس اذا خلصت هالكورس في مجال اتقبل الموضوع اما الحين في تخوف وايد من هالخطوه

سامحيني يمه 

....................

ونروح حق ثالث شي بقوله الحين :p

لالا اتغشمر قثيتكم بالحجي و القرقه ادري 

و انشالله في بوستات يايه بتكلم فيها عن وايد اشياء 

نطروني :)

وشدو حيلكم من الحين بلا كسل 

و الله يوفقنا كلنا 

اشوفكم على خير 

همسه :

Don't under estimate dreams , life without them is boring

dry trip Even if life is treating you well .

لا تقلل من شأن الاحلام فالدنيا بدونها رحله جافه وممله مهما يكن واقعك جميلا .

 

بيني وبين الصمت عشره سنين

واخاف اخون الصمت لو تكلمت

صابر وانا انسان مخلوق من طين 

تايه واخفي عبرتي لو تألمت 

حتى زماني لو ضحك عارفه زين 

من كثر ما يقسى علي تعلمت 

حظي تبعثر و اشغل القلب و العين 

وبعثر اماني مهجتي و لا تلملمت 

ولا ودي احدن يسألني عن سؤالين 

وشفيك ماتضحك و شفيك مانمت 

عجبني بس مو انا كاتبته

اشوفكم على خير :)

صباح \مساء الخير

:)

دايخه وايد و اليوم الوضع النفسي كان خطير

كنت معزومه على استقبال رفيجتي و كنت بزور يدتي

بس تعرفون الاحساس اني ابي اروح

و ابي اوجب البنت و ابي اشوف يدتي

بس مالي خلق اسوي اي شي منهم

فقلت حق امي و طلعنا تمشينا شوي

ولما ردينا تعشيت و قررت اشوف فلم تايتنك 2

  والله من الحجي اللي سمعته ان جاك يرجع  بس  ماصار

بس الفلم كان وايد عادي و احسه نفس الاول

القصة

:: ..

تدور احداث الجزء الثاني من افضل افلام التاريخ TITANIC هذهـ المرة في العام 2012 ميلادية , اي بالتحديد بعد 100 عام من غرق السفينة الاكبر في التاريخ تايتانيك في العام 1912 ميلادية .

حيث خلال الاحتفال بمرور 100 عام على غرق السفينة و فقدان من كان فيها , يبحرون بالسفينة الجديدة Titanic 2 و القدر يحدث لنفس السفينة , حيث في رحلتها  ليحصل تسونامي وسط البحر وتصطدم بجبل جليدي لتحصل نفس الامور

يلا نوم تايم

 

sweet dreams

 

اشوفكم على خير :)



قعده مع نفسي

مرات الواحد يبي يقعد بروحه يراجع الاحداث اللي مرت بحياته

مرت فتره طويله قطعت عنكم ادري

وقطعت وايد اشياء

مرات يكون مالي مزاج اتكلم عن روحي

واعيش روتيني عادي

بس اليوم قعدت افكر بالسنتين تقريبا اللي فاتو

انا وايد تغيرت فيهم

شخصيه الواحد وايد تتغير بعد تخرجه من الثنوي

يحس ان كبر و ان لازم يسوي اشياء وايد

باجر دوامات يمكن عشان جذي احس جو البيت هادي

واقدر ابطل شموعي و اقعد بهدوء

الفتره الاخيره سمعت وشفت وايد مشاكل صارت حق ناس اعرفهم

و شي طبيعي انها بتاثر فيني ولو شوي

وايد يقولون اني تغيرت بس انا تغيرت من الظروف

والناس اللي اشوفهم

شي حلو لما يكون عندك ناس تثق فيهم و يهتمون فيك

بس لما فجاه تشوف انهم موقد هالثقه بتنهار طبيعي

ولما تشوف شخص عزيز عليك مجروح طبيعي بتتألم معاه ويمكن اكثر منه

اذا خطبني واحد ورفضته مو معناته اني مابي اتزوج

ليش في ناس تكبر الامور وايد و تتحجى وايد

وبالنهايه اللي صار صار

اتمنى هالكورس يكون حلو و مع اني خذيت صيفي 

بس هم ودي اداوم 

اشغل وقتي و اسوي شي مفيد

عاد تدرون انا كل شي يحلالي بالدوام 

وايد اشياء مافكر اسويها بالعطل

يلا شدو حيلكم جميعا 

ونوم العوافي انشالله 

اشوفكم على خير :)