الثلاثاء، 2 سبتمبر، 2008

بعد الفطور ...




صباح الخير ...


في البدايه تذكرت عندي صوره صورتها بتركيا من سنتين دام اني مواصله لي الصبح
هناك كنت دايما اقوم مبجر لان جوهم حلو و لازم اقوم عشان لا تفوتني الرحلات :p




عاد هالمنظر كان يم بحيره بمنطقه عالجبل اسمها ابانت صراحه طبيعه عجيبه عندهم

مممم

امس قعدت متأخر عالساعه خمس المغرب :$ طبعا محد عاجبه نظام نومي و قعدتي
المهم ماكان في شي بالتلفزيون قعدت اسولف مع خواتي و دشيت المسنجر
كلمت رفيجتي شوي و بعدين زفيت اخوي لان ينني

و تفطرت اليوم كان الفطور حلو ممم في ورق عنب و بطاط >> اكلتي المفضله
و سمبوسه و بيتزا و ربيان >>( انحشت منه طبعا قعدت بآخر السفرة )
بعدها امي قالت بتروح السوق تشتري هدايا حق مرت خالي اللي توها والده
طبعا انا اموت باليهال عاد نطرتها تأخرت لي الساعه 11 عاد انا كنت حدي متنرفزة لاني اول وحده بدلت و كشخت و ناطرتهم من الساعه 8
عاد بدون حجي انا ركبت السياره و سقت محد علق طبعا لان يدرون اني حدي معصبه






و رحنا بيت خالي و اول مادشينا و البيبي بعد عمري يبجي












عاد اهو كان يبجي بيد امي خذيته عندي شوي













حس بالامان :D









هني عاد فتح عينه و تأقلم عالوضع




بس مسكين تدرون ليش ؟؟؟


لان اهو الثالث بين اخوانه اكيد راح يهملونه مثلي لوووول

هناك تعليقان (2):

Ducati يقول...

الله الله من مسوي ورق عنب اكيد ماخذته من ديكاتي انا ادري شفتج وانتي يايبه دركمم

:)

بالعافيه عليج

وسلم قلبه الصغير نتفه

يتربى بعز اهله انشالله ويبلغكم فيه

اخيييه والله اني صاير مؤدب لوول

malak يقول...

الله يعافيك اخوي اي ماخذته منك ترى :p



الظاهر تأثير الصيام عليك صاير مؤدب

:D