الثلاثاء، 9 سبتمبر، 2008

اخوي اللي موطالع علي :p

((اَللّهُمَّ اِجْعَلْ لي فيهِ نَصيباً مِنْ رَحْمَتِكَ الواسِعَةِ، واهْدِني فيهِ لِبَراهينِكَ السّاطِعَةِ، وَخُذْ بِناصِيَتي إلى مَرْضاتِكَ الْجامِعَةِ، بِمَحبتِكَ يا أمَلَ الْمُشْتاقينَ.))
امس داومو الابتدائي و اخوي مسكين من هالضحايا
مسكين عاد صج ماله خلق قعدته الصبح غصب رضى يقوم و ماقدر يصوم لا و اللي قاهرني ان ما اكل شي
طول فتره الدوام
دلعته قبل لا يروح :p
وطبعا انا ماكنت قاعده الصبح بس واصلت عشان اشوفه قبل لا يروح
الجو وايد حار و اهو من النوع اللي ما يعرف يقعد ووايد شيطان
و خشمه بسرعه ينزل دم :(
المفروض ما يتعبون اليهال بهالحر الجو كلش ما يساعد
و اخوي الله يهداه بعد عليه سوالف
على بالي وحده ماقدر انساها
الناظره دقت على ابوي و لما راح لها قالتله شوف قلم ولدك وابوي عباله اكو شي يوم شافه مات ضحك
صغير بشكل مو طبيعي و كل يوم امي تحط له قلم يديد و يبريه لين يصير عنونو
و غير سوالف النحشه من الصف و ناط بره المدرسه جم مره
و يسوي روحه بريء :D
احس اني تكلمت وايد و دخت امبي ترى للحين مواصله
تصبحون على خير

هناك 8 تعليقات:

3bady يقول...

الله يعينج عليه :)

بس حقريه ساعات الحقران يعلم .. بس المشكلة ما تقدرين تحقرينه على سالفة انه ينط من المدرسة بس اشلون ينط السور عالي !

KuWaIt MaStEr يقول...

اي اختي جذي من ضمنهم داومت اولت امس مسكينه كانت صايمه ومن اول ما اختي قعدت من النوم رحت غرفتي علشان لا اشوفها واهيه بتداوم احس منظر يكسر الخاطر كل اخواني نايمين اله اهيه بعرف هالوزيره الي مافيها رحمه وله تخلي رحمة الله تنزل ليش جذي تسوي بالطلاب يعني ماتحس وله مافيها احساس من عذر اخوج ينحاش مسكين حاكرينه بربع طووف جنهم قاعدين بسجن كلهم نفس اللون بالملابس نفس السستم وكل ماده اثقل من ماده ويـارب الكلام يوصل حق الوزيره ونشوف شنو تاليتها معاها ومع قراراتها الخايسه يعني اكثر من هالظلم الي معيشتنه اياه شنو تبي انا واحد زهق من سالفة مدارس باقيلي سنتين وافكت من قرارات هالدكتاتوريه

malak يقول...

3bady


اي الحقران احسن شي

و الله مادري عن السور بس المفروض يهتمون بالطلبه اكثر و يراقبونهم :)


.........................

kuwait master


اي و الله حرام مساكين اكثر شي يعذب قعده الصبح و المفروض كل المراحل يداومون مع بعض بس شنسوي بهالقرارات
والله مافيها شي لو يخلون الدوام بعد العيد :)

q8loco يقول...

7aram 3ala wezarat el tarbyah ely et5aleehoom edawmoon mesakeen :P

malak يقول...

q8colo


اي و الله حرام

زين اني افتكيت :D

زوبعة شوماخر يقول...

لوووووووووووووول استانس على سواليف اليهال واستانس على الياهل الشيطان اكثر من الهادي لوووول

احسه يمشي مع جوي p:

الله يخليه لج انشالله وهالله هالله ترا انتي قدوة حقا فتشيطني كثر ما تقدرين لوووول :)

terkwaz يقول...

واااي ياحلوه ههههههههه قاص من المدرسه...
تصدقين عاد انا اشوف الدوام بالرمضان حلو وخفيف والوقت يمر بسرعه...

بس اللي لاعب فيهم الرطوبه الحمدالله تخرجت بالسلامه :)

malak يقول...

زوبعة شوماخر


لوووووول

عاد انا عكسه تماما ماكنت شيطانه بالمدرسه الا آخر كورس :D



...........................


terkwaz


اي صج الدوام وقت رمضان يضيق الوقت و حلو بس اهم يهال يعني طول الوقت لعب و شطانه يتعبون و خاصه مع الجو فما يقدرون يصومون انا اخوي مسكين كان يصوم بس داوم يرد تعبان فيفطر :)