الأربعاء، 29 أكتوبر، 2008

مشتااااقه


السلام عليكم



تسألني الناس عني كيفها احوالي اقول بخير و ماني بخير يالغالي


تعبان انا يا حبيبي راحتي قربك و الخير ما اشوفه الا بشوفك قبالي



مشتاااااااق لك موت و الله عووووووود يا عمري يالله


ارجوك يا حب غالي عوووووود مالك بدالي و انا مالك بدالك





سمعت هالاغنيه اليوم و تأثرت وايد بكلماتها


تذكرت رفيجتي اللي توفت حلمت فيها اول امس منو يعرف يفسر احلام :)


حلمت اني شفتها و كلمتها و كنت حيييل مستانسه اني شفتها و قعدت اقولها الناس يقولون انج توفيتي


جان تضحك و قالت لا كاني ...


بعدين قلت حق الناس محد صدقني و اهي اختفت بعدين يعني بس انا شفتها


و الله قعدت من النوم متضايقه حيل ان خلاااااااص ماقدر اشوفها


الله يرحمها عمري ما زعلت منها




......



حبيت ادردش معاكم شوي عن يومي الطويل


كانت المحاضره الاولى الساعه تسع لي 11 و كان عندي كوز برمجه طقطقت فيه الله يستر


و المحاضره اللي عقبها الدكتور كان معتذر جان نطلع انا و رفيجتي شوي و طافتنا المحاضره اللي عقب من الزحمه


و المحاضره الاخيره كانت من 2 لي 5 صدددددددعت


الجو اليوم كان حده روعه و الهوا اينن


عسى دوم هالجو بالكويت


happy week end مقدما ^_^


اشوفكم على خير

هناك 6 تعليقات:

Ducati يقول...

يا سلام عليج

خوش يوم

انا ما اطلع من الكليه الا اذا كنت ضامن ارجع بالتايم المناسب علشان ما تفوتني المحاضره

انا ملاحظ البنات بس يبون يطلعون ماادري اشفيكم

حتى لو عندها ساعه فراغ تطلع وبعدين ترجع

malak يقول...

لووووول


ديكاتي لا كانت شغله حق رفيجتي رحت معاها و تأخرنا


لا انا مسكينه كلا انطر و مده النطره تتجاوز الثلاث ساعات :(

3bady يقول...

خوش كلمات

الله يرحمها.. لكني ما اعرف افسر احلام ودي اقول شي بس مابي افتي مو اكيد بس شي زين

الله يوفقج انا بالبريك ماكو بالجامعة قاعد بالمكتبه مجابل لابتوبي او قاعد ادرس اذا طلعت الليسن ماكو لا اروح ماكدونالدز لا اروح بيت عمي بالبريك اتغدى و ارد الجامعة :P

ادري بتقولين اشمعنه بيت عمك لانه يم جامعتي 5 دقايق بالكثير اوصل :P

Free_Moi يقول...

برمجه وعندج كوز!!

اخاف انتي ويا رفيجتي

اذا وياها قوليلي اقولها تغششج :p


الله يرحم رفيجتج ويغمد روحها الجنه

للاسف ماعرف افسر احلام

KuWaIt MaStEr يقول...

لازم تقولين حق صالح النهام يفسر لج بعنوان ماذا رئيت

يقولج هالجو اوربي مال خيراان و تمشي عالبحر ;p

الطائر الحر يقول...

الله يرحمها برحمته وانا اقوووول ادفعي عنها صدقه ......