الأحد، 19 أكتوبر، 2008

طلعلي ضرس العقل:s

السلام عليكم
اليوم الله يسلمكم كان عندي محاضره وحده خلصت جان اقول خل اروح الاسنان اعالج اللي بقى عشان التقويم
وهناك اول ما دشيت و الا دكتور صغير شكله بالثنوي سألت السستر هاذا الدكتور قالتلي اي
اخترعت انا بروحي اخاف من الاسنان و امي بعد تخاف يوم شافته تدريب واقفه عند الباب خايفه
مسكين اهو خايف و انا خايفه اكثر منه
و المصيبه يقولي فتحي حلجج اقوى شي بالعالم و انا امبي تييلي ضحكه بس فشله
بس الحمدلله عدت على خير من غير ابره ^_^
و عطاني تحويل عشان التقويم و رديت البيت ساعدت امي بالغدا و تغديت و نمت و توني قاعده
و الحين بجابل التلفزيون و باجر دوامي طوييل
اشوفكم على خير :)

هناك 9 تعليقات:

mo3ath يقول...

لووووووووووول الله يغربل ابليسج شنو فتحي حلجج اقوى شي بالعالم

لهالدرجه شكلج صغيره ؟ :q

لا صج صج ضحكتيني ، الحمدلله عدت على خير والله يعينج على الدوام :)

. . . ساخر كويتي يقول...

وعليكم السلامة ورحمة الله وبركاته

ماعرفنالك .... التقويم والا ضرس العقل اللي عافسك :)

بيني وبينك المفروض تعطون الشباب فرصة
اذا ما عطيتيه يجرب بضروسك منو بيعطيه :)

بس لو انا منك كان ايضا خفت ولا خليته يلمسني :) :) :) ==> طلعت خربوطة مثلك

تحياتي

malak يقول...

mo3ath



مادري مسكين ابتلش فيني

لا اهو يبالغ شوي :p


بس محد يصدق انا بالكليه :S مره كنت مع رفيجتي و يت وحده سلمت عليها و قالتلها ليش قاعده مع هالبنت انتي شكبرج جان تقولها ان احنا نفس العمر انصدمت :p بس لا مو وايد صغيره عاد :p





............


ساخر كويتي



لا ضرس العقل الحمدلله مافيه شي بس توه طالعلي مستانسه فيه :p


بس العلاج عشان التقويم اهو اللي مأذيني لان المفروض جراحه بس انا كل مره اروح و انحاش


لوووووول و انا كنت اول ضحاياه :D

Ducati يقول...

لووول انا صارلي دهر اقول بروح اسوي سنوني وللحين ما رحت

انتي بس فتحي حلجج اقوى شي بالعالم وكل شي يتصلح لحالوا

ManalQ8 يقول...

لول

اكره شي طبيب الاسنان
بس انرتجعهم لا محالة

:)

وخليج بيتيت
احسن
ما يبين عليج الكبر في المستقبل

هذي نعمة من رب العالمين

:)


الله يسهل عليج الدراسة

:)
ودوم مستانسة يا رب
:)

3bady يقول...

انا صار لي 4 سنين احن ابي تقويم محد عطاني ويه

قلت ماكو الا انطر ليسني و اركبه :((

الطائر الحر يقول...

طبيب الاسنان......

الله يعين على الالام...

ما تشوفين شر.....بالسلامه ان شاء الله

alsaronah يقول...

ويييه الله يعينج ذكرتيني الحين جم ضرس عقل طلعلي ؟؟ والله وايد

مرة طلع لي ضرس بمكان حده غلط ورا ضروسي وسميته ضرس الحظ :D

بس الضرس قام يطول زيادة وييين صار شكبره لووول لمن قالت لي امي لازم تشيلينه زعلت قلت يما هذا ضرس الحظ لووول

malak يقول...

Ducati


لا لا يالخواف يلا روح شناطر

والله فتحت حلجي اقوى شي بالعالم و مانفع معاه الله يهداه :p


.................



ManalQ8


اي و الله طبيب الاسنان حده معاناة

بس شنسوي مجبورين


تسلمين يالغاليه :)



...........



3bady



الله يعينك

انا الدكاتره اللي يننوني
كل واحد يقولي شي بعضهم يقولون يحتاج و الباقي يقولون لا

و يننوني بالمواعيد و آخر شي ماراح اركب:(

يقول الاسنان اللي فوق مرتبين و شكل ويهي عادي مو متأثر باسناني :S

................

الطائر الحر




الشر ما اييك اخوي :)




..............



alsaronah




لوووووووووول

اي وايد مخرعيني بضرس العقل بس اهو حلو أليف ما يخوف :p