الأحد، 21 ديسمبر 2008

نومي عفس يومي...

صباح الخير
عقب الويك اند اللي مر بسرعه من غير لا نتهنى فيه ناطرتني قعدة من الصبح يعني امبي مو حرام اقوم من الصبح و بهالبرد
عشان محاضره وحده :(
ترى انا مسكينه ما مداني انام الا ثلاث ساعات لاني سهرت امس عالتلفزيون احم احم ...
لا و احلامي هالايام >> مو بس هالايام ؛ صايره رعب و اشياءات وايد لا تسألوني بشنو احلم لان ما خليت شي ماحلمت فيه
لووووووول
بس و الله يعني بالحلم احس اتعب و لما اقعد متضايقه و معصبه و لاحد يحاجيني و الا انفجر بويهه
لما اوصل الكليه مالي خلق انزل بالبرد اقعد بالسياره على ما تبدي المحاضره و انزل حده حده ...
و حايشتني كآبه من الكليه و مالي خلق ادرس او حتى اداوم
مليييييييييييييت من المدتيرمات و الهومووركات ...::(
بالنسبه حق الويك اند اهم شي سويته اني شفت بنت خالي الي توها راده من السفر
لانها تدرس بره و الحين ودها تاخذني
معاها بس اهلي ما يخلوني اسافر بروحي معاها و الوقت اللي بتروح فيه الله يهداها امتحانات و حاله
عاد من زمان ما سافرت و كان ودي اروح معاها
طلعنا اول مره انا وياها بروحنا لووووووول يدتي قامت تبجي تخاف علينا
لما اروح بروحي ما تقول شي بس ليش بنت خالي معاي مادري شفيها لووول
مع ان بنت خالي زعلت قالتلي يوم اقولها بساافر بروحي ادرس ما تأثرت و الحين على طلعه شوي و نرد تبجي :p
عاد مسكينه ساحلناها قلنالها بنييب شي من السياره و انحشنا :p
و بس :)
اشوفكم على خير ^_^

هناك 4 تعليقات:

joe يقول...

اووف لاتشوفين حالتي قايم يوم الجمعه من الساعه 10 والسبه خشمي منتشل

و الناس كلها ملت من الدراسة الناس الحين تطورت لازم الدراسه على الاقل تكون بالكمبيوترات و انا كله نوم ادرس لي بو ساعه واقوم و اقعد بالسيارة انطر الطابور يخلص علشان اداوم بس ملييت << بشكي الحال

تحياتي

malak يقول...

{~المباركية~}






واي انتو صج مساكين والله قومه الصبح بهالبرد بروحها مصيبه


الله يعينكم و ان شاء الله نتطور و تصير الدراسه كلها عالنت :D

Ducati يقول...

انا احس هالفتره من كل كورس لازم تحشونا حالة ملل ما ادري ليش

بس يالله هانت ما بقى شي

:)

malak يقول...

Ducati




اي والله من ضغط الامتحانات و الدوام و حتى الجو مال نوم مو دراسه


على قولتك هانت :)