الأحد، 14 سبتمبر 2008

اشتقت لهم

مساء الخير









اليوم وحده من اعز رفيجاتي اللي كانو معاي بالثنوي دزتلي مسج من الصبح و بجتني :(




لان علاقتنا صايره مو حيل مع بعض عقب ماكنا يوميا نشوف و نكلم بعض




بخليكم تقرون المسج عشان تحسون فيني :




عزاه يا صباح الدراسه مع الطابور و عزاه ياصفن جمعنا سويه و الحين كل ما لفا منه قصور عقب المشاهدالصوت سمعه شويه من بعد ماكنا نتقابل بالطابور شهور الحين نبطي عن بعضنا بمكالمه هاتفيه







يحز بالخاطر فراقنا عقب الوقت الطويل اللي كنا فيه مع بعض


ليت الايام ترجع :)







و ان شاء الله براضيها و نرجع مثل قبل بس و الله عقب التخرج كل وحده راحت مكان و لهينا شوي







اي في بعد شي حبيت اقولكم عنه






امس و انا احوس بالشبكه العنكبوتيه لقيت طريقه عمل ستاند حق الطيور





عاد انا ماحبيت اطوف هالفرصه اللي يمكن تقربني من زوبا





و يبت الاغراض اللي احتاجها و بديت بس و انا اشتغل تعور صبعي الصغير احترق شوي من الصمغ و الحين منتفخ






لا و عقب هالتعب مو راضي يقرب منه الاستاذ زوبا >> ولدي عاق





بس بحاول اقص جناحه عشان اقعده غصبن عليه :D >> الام الشريره لووول






لاتلوموني اليوم عطشانه وايد حتى مو قادره انام كل ما احاول اتخيل بطل ماي






قلت حق امي اليوم بتفطر ماي لوووول







و سلامتكم


اشوفكم على خير :)

هناك 8 تعليقات:

joe يقول...

اي والله وايد ناس قاعده تتفرق بس انتي الحين بالثنويه وله وين ؟؟
ولازم تعلمين الاستاذ زوبا يقعد مكانه لووول

Hassan Abdulhamed يقول...

جميل جدا عتاب الأشواق . . والأجمل تلاقي الأحباب . .


الله يخليكم لبعض انشالله ..

Ducati يقول...

لووول خوش شي والله الأم الشريره والولد العاق

تصدقين قبل شهرين ما كنت اعرف شنو يعني ابن عاق توني عرفتها

:)

3bady يقول...

هييي هونيها و تهون كل واحد يراكض ورا مستقبله مساكين كل ما ادق على ربعي مشغولين مع الاهل او مو قادر يحك راسه

بس جنه جوانب الستاند صغار حق الطير ما يقدر يوقف عليهم .. بس الي فوق الزينة

malak يقول...

kuwait master


لا الحمدلله تخرجت و الحين بالكليه :)

بس و الله فاقده كل شي ايام الثنوي قعدتنا و سوالفنا و حتى زعلنا :)


...............

e7sas


نورت البلوق

يخليك يا رب :)

................

ducati


عاد لاتصدق ترى انا حدي طيبه معاه
بس اهو لا يعاند و انا اصير اوكي :p


...............


3bady

اي و الله هالايام الكل لاهي بشغله و ناسي الناس اللي محتاجينه



و الاستاذ زوبا خل يقرب من الستاند عشان اشوف زين و الا لا :p

غير معرف يقول...

walla 3ajabny your friend sms !

la tqa63eenha tara el qe6a3a mo zainah !

على نفسها جنت براقش يقول...

شوفى مرات الزمن يخلينا نبعد عن اللى نحبهم و نغليهم


بس مو معناته اننا نسيناهم

كافى لما تشوفينها تسولفين مهاها كأنك شايفتها امس

و اكو ناس فرقاهم عيد

:)

malak يقول...

q8loco

و الله احاول كثر ما اقدر اني مااهمل احد بس الظروف و المشاغل اهي اللي تجبرني ...


................

على نفسها جنت براقش


اي و الله صح

الغلا بالقلب :)