الثلاثاء، 16 سبتمبر 2008

حدث تاريخي .....

مساء الخير كلكم
اول امس صار شي غريب و اول مره يصير ابيتنا شي جذي
انحاشو خداماتنا الثنتين :s
عاد من جم يوم امي لما تناديهم يتأخرون على ما ايون
و في تصرفات غريبه قامو يسوونها بالفتره الاخيره يكشخون و مالهم خلق يشتغلون
اول امس نفذو الخطه لما امي كانت تطق الجرس علشان ايون و طولو واااايد جان تنزل بسرعه و دشت المطبخ و الا الغاز مبطل
سكرته بسرعه و راحت غرفتهم وشافت ماكو احد عاد قامت تشوف بغرفه الغسيل و هم ماكو احد و بعدين بالحوش شافت سلم جان تنادي ابوي و ابوي طلع بسرعه يدورهم بس للاسف ماقدر يحصلهم وراح المخفر بس قالوله لازم تمر 24 ساعه بعد هذيل خدم ليش ينطرون عليهم و بعدين قعدت انا و حللت الموضوع كله و فهمته
الخدامه القديمه كانت تبي تسافر و لما ابوي حجزلها قالتله: خلاص ودني بيت ثاني و ابوي قالها مو بكيفج الحين حجزت و خلصت
و اهي قصت عاليديده و خذتها معاها عشان لا تفتن عليها
بس شلون خذت كل اغراضها ماني عارفه
مع ان عمرنا ما زفيناهم و لا اذيناهم بالعكس و الله
بس حسبي الله و نعم الوكيل
صح كلام يدتي كلا تقول الخدم شياطين لا يكسرون خاطركم
الحين مشاكل الخدم صارت اكثر من مشاكلنا
اللي تنحاش و اللي تسوي سحر واللي تعذب اليهال
الواحد مو قادر ياخذ راحته حتى ابيته
عاد عقب هالسالفه ملوكه الحلوة صارت اهي ماما و اهي بابا و اهي ميري
دشيت المطبخ امس لان امي تعبانه ماتقدر و سويت سلطه و عصير >> وايد علي
و اليوم مادري شراح اسوي غدا شفتو نهايتي من كان يصدق ااانا ملوووكه ادش المطبخ :P
على فكره على ان ابوي معصب من اللي صار استانس لما شافني بالمطبخ
و بانتظار الخدامه اليديده ان شاء الله تيي بسرعه :(

هناك 8 تعليقات:

joe يقول...

والله هالخدم اباليس كل يوم طالعين لنا بمشكله لو نسوي مثل نظام الاجانب لا خدامه ولاهم يحزنون نظامهم هلب يور سلف

mo3ath يقول...

بيييه

عندنا وعندج خير انا الاثنيتين الي عندنا موعاجبيني شكلي بصوطرهم لما يتسنعون لوووووول عاد حرام كله خايفين مني من ادش ينفضون :q

تعرفين تسوين حلو ؟ ابي وحده تسويلي حلو شنو هالنحاسه يقولون لي روح الخباز واشتر لووووول كله كاسرين فيني :q

malak يقول...

kuwait master

صح كلامك بس احنا تعودنا عالخدم

صعب لما يروحون مره وحده يلا دشو

المطبخ @@ :p


.................


mo3ath


ياريت انا احد يخاف مني لووووول

اي اليوم ان شاء الله بسوي حلو حياك :p

بس بدون تعليق اذا ما عجبك قول حلو بعد مو تفشلني :p

غير معرف يقول...

لوووول

الله يعينكم

بس اهم شي انهم مبطلين الغاز

malak يقول...

free_moi


هلا و الله

اي هاذا اللي باط جبدي بس امي تقول يمكن نسوه مو قصدهم

Ducati يقول...

ملوكه طلعتوا تتغدوون لوووووووووول والله زين قلتيلي

احنا هاليومين صايمين بس انشالله راح نتغدى بعد العيد

والخدم مشاكلهم ما تخلص صج والله يعينكم احنا عندنا وحده ومبتلشين فيها بعد

Broe Fan يقول...

ويي الله يعينج انتي و اهلج

و إن شاء الله توصل الخدامة اليديدة بالسلامة و قريب ^_^

malak يقول...

ducati


امبيييييي سوري والله توني الاحظ


بس الغدا برمضان يعني فطور :p


ماشفت شي من بدلياتي لووول


...........

broe fan


حياج الله نورتي البلوق

الله يسمع منج