بسم الله الرحمن الرحيم
صارلي جم قاطعه بس السبب اهو لابتوبي صاير عنيد مو راضي يشبك بس انا عاد ماحب القطاعه مو زينه بقت لابتوب اختي
بس حابه اقولكم ان للحين ماداومت مثل الناس بس من الاحد ان شاء الله يبدي الجد و الاجتهاد
و راح اقولكم شيصير معاي هاذا اذا داومت :p
اي صج نسيت السبب الرئيسي اللي خلاني انزل البوست
شرايكم بالستايل اليديد حق البلوق ؟؟؟
اخترته بمساعده وحده من اعز رفيجاتي و دام منها لازم يعجبكم انتو بعد :p
حبيت ادردش معاكم شوي الوقت متأخر و قاعده بروحي اطالع افلام
نومي للحين ملخبط مادري شلون بداوم و محاضراتي من الساعه 8 و 9 و نص
يلا باجر الله كريم :p يتعدل مع الايام
اليوم حسيت باحساس حلو و فشله بنفس الوقت
لوووووول
خل افهمكم شسالفه
كنت ماره بيت عمي شوي و لما بغيت اطلع عمي ركب معاي و قالي امشي ماكدونالز بالشعب
رحنا و عزمني على هابي ميل ^_^
بس الفشله اللي بالموضوع اني الله يسلمكم صعدت الرصيف لما كنت باخذ الطلب
احم احم
و عند فوق تحت ما نطرت و في واحد ما قصر فيني الصراحه هرن مو طبيعي اي خلاص بس ترى توني ماخذه الليسن :(
اضطهاد ما يصير جذي
بس اهم شي ان وصلنا بالسلامه بدون اي اصابات
و اشوفكم بالبوست الياي مع اخر اخبار دوامي ^_^
تصبحون على خير
هناك 9 تعليقات:
خووش استايل :)
و على طاري صعدتي رصيف عادي عادي صارت باكبر محترفين السواقة امثال معاذ :P
اول شيء لازم تستأذنين من اختج ما يصير تبوقين اللاب توب ....
ثاني شيء منى دفع حساب الماكدونالز انتي ولا العم وعلى صعدت الرصيف عادي هذي ولا شيء.....
على فكره الاستايل وايد راقي )))
3bady
عيونك الحلوة
لوووول عبالي بس البنات تصير فيهم هالمواقف :p
..........
الطائر الحر
مو شسوي اهي كانت نايمه
بس ميانه عادي :p
تسلم اخوي
مشكور من ذوقك و الله ^_^
عبادي ليش تطلع إشاعات @@
ولا حتى بأحلامك راح اصعد رصيف :)
انا بشوفك إذا سقت شنو بتسوي ونصيحه من الحين لاتخليني اعرف إنك بديت تسوق :)
بالنسبه حق النوم الملخبط انا نفس وضعج ومن باجر بصير آدمي عاد الله يستر عندي محاضره 8 وانا قاعد العصر لووووول :)
سالفه صعده الرصيف عادي مع الوقت تضبطين قياساتج ، اختي صعدت رصيف ودعمت بسيارتي يعني انتي وايد احسن :)
الستايل حلو نفس الي منقيته والي حاطته :)
لوول انتي للحين ما داومتي وانا انكررفت عدل والله ظلم ترا شنو ناس وناس
انا احتج
المهم الهابي ميل ساعات تكون جيده
mo3ath
اعصابك ترى يتغشمر معاك
الحمدلله نمت لي جم ساعه قبل الدوام
تسلم من ذوقك و الله :)
..........
Ducati
لا تنقهر خلاص داومت
من الصبح اكسر الخاطر اسكر المنبه و اكمل نومتي :D
شفيك ديكاتي من داومت قطعتنا :)
لا بدعتي بالستايل اليديد ;)
انا يوميا طاق الرصيف،
مو بالسيارة! مشي!
وتحيّاT
welcome back dear
:)
ومبروك على الاجازة
والله حافظج من شر الطريق
:)
Funny Q8i
تسلم من ذوقك :)
لوووووووول
...........
ManalQ8
يسلموووو
الله يبارك بحياتج
تسلمين حبيبتي :)
إرسال تعليق