الأحد، 12 أكتوبر 2008

أول يوم داوم جد :)

السلام عليكم
مثل ما قتلكم اني بداوم اليوم
قعدت مبجر ووصلت الكليه سبع و نص و محاضرتي 8
أول ما دشيت استقبلتني وحده و تقولي
البنت : صباح الخير
ملوكه : صباح النور
البنت : مستجده ؟؟
ملوكه : لا ثاني سنه ...
البنت : أول مره اشوفج >> أنا اللي اول مره اشوفكم
ملوكه : :)
البنت : اليوم التصويت مال الانتخابات عفيه صوتيلنا
ملوكه : ان شاء الله الله يوفقكم ^_^
رحت الكلاس و قلت لا انا حلمانه اكيد اكو شي شسالفه ماكو احد



دشيت و قعدت بروحي دقيت على رفيجتي سوالفت معاها خمس دقايق قامو يدشون البنات
و بدت المحاضره لما يه الدكتور الحمدلله شكله زين
بس محاضرتي الثانيه كانت علم نفس و الدكتوره الله يهداها مابقى شي ماطلبته من اول يوم
و كان هااذا تلخيص كل اللي صار اليوم تقريبا ما صار شي
اليوم يبت لابتوبي العزيز افتقدته وايد
بس للاسف مفرمتينه :(
عاد قومي يا ملاك و جابليه و نزلي برامج من اول و يديد
اول ما بطلته بجيت طبعا لووووول
بس الحين تكيفت
:)
تصبحون على خير


هناك 8 تعليقات:

3bady يقول...

شكلج ما تبين يشوفج احد اتصورين كانها صورة عالسريع بسرعة بحط التلفون :P

انزين ممكن سؤال ملقوفي ؟

اول يوم دوام اليوم ولا كنتي ساحبه اسبوع على الدوام و داومتي اليوم ؟ :P

mo3ath يقول...

لوووووول اهم شي اول مره اشوفج ليش الاخت تشتغل سكيوريتي حافظه البنات ؟ :q

والله زين يايه مبجر طالبه مجتهده :)

اليوم مفرمت 3 اجهزه تبيني اكمل الرابع بلابتوبج ؟ :q

الحمدلله على سلامته :)

malak يقول...

3bady


لووول لا ماكان في احد بس كامره التلفون مو شي


عادي ^_^

لا شوف الله يسلمك انا كنت مو مضبطه جدولي عدل و لما استقريت داومت :D


...........


mo3ath


لا يا معود انا جذي و متحبطه

كل شي راح :(

بس وناسه تعرف تفرمت :D

Ducati يقول...

والله تعبتي نفسج داومتي يوم الإنتخابات

الناس نصها غايبه يومها

لووووول والله تضحكيني انتي ملوكه حلوه هذي انا الي اول مره اشوفكم

Unknown يقول...

الله يوفجج بهالكورس.....

وان شاء الله تكون بداية طيبه والله يعينكم على دكتور علم النفس....

malak يقول...

Ducati


امبي ديكاتي كلا تحسسني بالذنب:p



.............




الطائر الحر


اجمعين ان شاء الله

اي الله يستر

Manal يقول...

الله يوفقج يا رب

من البداية الى ان توصلين لي الدكتوراه
:)

malak يقول...

ManalQ8


اجمعين ان شاء الله


دكتوراه مره وحده :p